47. ४७. पावल ओ शिलास फिलिप्पीमे
शाऊल जब रोमी साम्राज्य भर यात्रा कैलाँ, तब उ अपन रोमी नाउँ “पावल” के प्रयोग करे लग्लाँ। एकदिन पावल ओ ओँहँकार सँघरिया सिलास फिलिप्पीके शहरमे येशूके बारेमे सु–समाचास सनाई गैलाँ। ओईने लडियाक् डग्गर हुईटी शहरके बाहर एक ठाउँमे गैलाँ जहाँ मनैनके प्रार्थना करे जम्मा हुँईट्। ओँहाँ ओईने लिडिया नाउँ कैलक् एकजाने स्त्रीहे भेटैलाँ जे एक व्यापारी रहिन्। उ परमेश्वरहे प्रेम करिँट् ओ आराधना करिँट्।
येशूके बारेमे सन्देशहे विश्वास कैना परमेश्वर लिडियाके ह्रदय खोल्डेलाँ, तब ओँहँकार ओ ओँहँकार परिवारमे बप्तिस्मा हुईल्। पावल ओ सिलासहे लिडिया अपन घरमे बैठक् लग् निम्ता डेलिन्, उहेकमारे ओईने ओँहँकार पविारके साथमे बैठ्लाँ।
पावल ओ सिलास उहे अक्सर प्रार्थना कैना ठाउँमे मनैनसँगे भेट्ना काम करिँट्। हरेक दिन जैसिन ओँहाँमे नेँगे जाईँट्, भुतात्मा लागल् एकठो कमारी लवन्डी ओईनहे पिछा करिन्। उहे भुतात्माके माध्यमसे उ मनैनके जोखना हेरना करे, ऐसिक जोखना हेरके उ अपन मलिकवाके लगे धेर पैसा कमा डेहे।
उ कमारी लवन्डि अइसिक् कहटी चिल्लाइलागल्, “यी मनैनके सर्वोच परमेश्वरके सेवक हुँईँट्। यैईने टुहरिनहे मुक्तिके पैना डग्गरके बारेमे घोषणा कैटि बटाँ।
अन्तत ः जब उ कमारी लवन्डि चिल्लाई लागल्, पावल ओकर ओर घुमलाँ ओ ओकर भित्तर रलक् दुष्ट आत्माहे कहलाँ, “येशूके नाउँमे, ओकर से बाहर निकर जा।” तब दुष्टआत्मा उहे घडी उहिहे छोरके चला गैल्।
उ कमारी लवन्डिक् मलिक्वान धेर रिसैलिस्
उहेकमारे उ कमारी लवन्डिक् मलिक्वान पावल ओ सिलासहे रोमी अधिकारीनके ठन् लैगैलाँ, जे चाहिँ ओईनहे पिटलाँ ओ झ्यालखाना भित्तर डारडेलाँ।
ओईने पावल ओ सिलाशहे झ्यालखानाके सबसे सुरक्षित ठाउँमे ढैलाँ तब ओईनके गोरामे ठिँगुरो कुलि ठोक डेलाँ। अइसिन हुईलेसे फेन् मध्य रातके समयमे, ओइने परमेश्वरके प्रशंसाके गीट् गैटि रहिँट्।
ओँहाँमे एक्कासी एकठो भारी भुकम्प गैल ्
झ्यालखानाके हाकिम निन्से जाग गैलाँ, ओ जब झ्यालखानाके डवार खुलल् डेख्लाँ, उहिन डर लग्लिन्
हाकिम डरकेमारे ठरठरैटी पावल ओ सिलासके आघे आईल ओ पँुछल्, “उद्धार पाइक् लग मै काकरे परि ?” पावल जवाफ डेलाँ, “येशू प्रभुमे विश्वास करी, तब अपनि ओ अपनिक पविार उद्धार पैहिँ।” तब उ हाकिम पावल ओ सिलासहे अपन घरभित्तर लै गैला ओ ओइनके घाउ धोडेलाँ। ओइनके घरमे रलक् सक्कु जनहन् येशूक् बारेमे पावल सु–समाचार सुनैलाँ।
उ हाकिम ओ उँहँकार सारा परिवार येशूमे विश्वास कैलाँ ओ बप्तिस्मा लेलाँ। तब उ हाकिम पावल ओ सिलासके एकसाथ भोजन खैलाँ ओ ओइन सक्कु जाने आनन्द मनैलाँ।
ओकर डोसर दिन शहरके हाकिमके पावल ओ सिलासहे झ्यालखानासे छोरडेलाँ ओ ओईनहे फिलिप्पीसे निक्रे कहलाँ। पावल ओ सिलास लिडिया ओ आकुर सँघरियानहे भेट्लाँ ओ ओकर पाछे शहर छोरके गैलाँ। येशूके बारेमे सु–समाचार पैmलटी गैल्, मण्डली बढ्टी गैल।
पावल ओ आकुर ख्रीष्टियान अगुवानके धेर शहरमे येशूके बारेमे सु–समाचार प्रचार कैटि ओ शिक्षा डेटी यात्रा कैलाँ। ओईने मण्डलीमे रलक् विश्वासीनहे उत्साह डेहे ओ सिखैटी धेर पत्र फेन् लिख्लाँ यी मध्ये कौनो कौनो पत्र आझ बाइबलके किताब बनल् बा।
बाइबलके कथा: प्रेरित १६:११-४० से
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।