11. ११. निस्तार पवनी
परमेस्वर फारोसे कहलख, यदि तु इजराएलीसबके मिस्र देससे जाए न देबे त तोहर देसके हरेक जनाबरसे लेके अदमितकके जेठ सन्तान मर जाएबला बिपती पठादेबौ कहके परमेस्वर फारोके चेतावनी देलख । लेकिन फारो परमेस्वरके बात सुनके भि न सुनलके जइसन कैलख आ परमेस्वरके चेताबनिके फरो रजा इन्कार कदेलख ।
तब परमेस्वरमे बिसबास करेबलासबके लेले जेठ बेटा न मरे कहके एगो पबनी करेके लेल कहलख । हरेक परिबारसे एगो निसखोट थुमा बिसके ओकरेके बलिदान करिहे कहके कहलख ।
परमेस्वर इजराएलीसबसे कहलख बिना खोटके बला जनाबर (थुमा)के बली कके ओकर खुन तोहनिके अपन-अपन दुहारीके चौखटमे लगालिहे । आ ओकर मास आगिमे पकाके सोडा नमिलायल सदा रोटिके साथ खैहे । आ जब खालिहे तब मिस्र देस छोरके जाएकेलेल तयार होजैहे ।
तब इजराएलिसब परमेस्वर कहल मुताविक कैलख । मध्यरातमे परमेस्वर मिस्र होके गेल आ पहिलका जलम लेल सभे चिजके बेटासब मरगेल ।
हरेक इजराएलीसबके घरके केबारीके चौखटमे खुन पोतल गेल रहे,ओहिसे परमेस्वर उ घरसबके लाङहके चलगेल । ओहिसे उ घरके कवनो भि अदमी नमरलख । थुमाके खुनके कारन ओकनिके बचाएल गेल रहे ।
लेकिन मिस्रीसब परमेस्वरमे न त बिसबास कैलख न त ओकर कहलके मानलख । ओहिसे परमेस्वर ओकनिके नछोरलख । परमेस्वर मिस्रीसबके पहिलका जलमलेल सभे जेठ बेटासबके मुयादेलख ।
जब सभे मिस्रिसबके जेठ बेटासब मरगेल,पसुसे लेके पंछीतक आ कैदीसेसे लेके फारो रजातकके जेठ बेटासब मरगेल । यि कारनसे मिस्रदेसमे अदमिसब बेदनाके कारन रोइत चिचियाइत रहे ।
तब उहे रात फारो मोसा आ हरुनके बोलाके कहलख,”इजराएलीसबके लेके जल्दिसे मिस्रदेस छोरके चलजो ।
बाइबलके कथाः परस्थान ११:१-१२:३२ से
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।