15. १५. परतिग्याके मुलुक

जब इजराएलिसबके परतिग्याके मुलुक कनान भितरी परबेस करेके लेल समय ऐलख । तब खालेब आ यहोसु दुजना जासुससबके कनानके यरिहो सहरमे भेजलख,जवन बहुत बरियार दिबारके दवारा सुरक्छित कैलगेल रहे । उ सहरमे रहाब नामके एकजना बेसिया जनानी रहे,जेकि जासुसके लोकैलख आ बादमे उहासे भगाबेमे सहायता कैलख । काहेकी रहाब बेसिया परमेस्वरमे बिसवास करैत रहे,उहे कारनसे रहाब परमेस्वरके अदमिके बचाबेके काम कैलख । तब ओकनिके यरिहो सहरके ध्वस्त करेके समयमे रहाब आ ओकर सब परिबारके सुरक्छित राखेके लेल बिचार कैलख ।

जब इजराएलिसब परतिग्याके मुलुक भितरी ढुकेसे पहिले यरदन लदी पार करेकेरहे । तब परमेस्वर यहोसुसे कहलख,“ पहिले पुजहारिसबके जाएदे ।” जब पुजहारिसब यरदन लदी भितरी ढुकलख । तब उ लदिसे बहैत पानि सुखगेल । उकारनसे इजराएलिसब लदीके औपार सुखल रस्तासे चल गेल ।

जब इजराएलीसब यरदन लदी पार करलेलाके बाद,परमेस्वर यहोसुके यरिहोके सक्तिसाली सहर उपरी आकरमन करेके तरिका बतैलख । तब अदमिसब परमेस्वरके अग्यापालन कैलख । आ परमेस्वरके कहल जैसन,सिपाहिसब आ पुजहारिसब छव दिनतक लगातार यरिहो सहरके घेरा लगाके सहरके ओरिपरी परिकरमा कएलख ।

सेकरबाद सात दिनतकके इजराएलिसब परिकरमा पुराकैलख तब परमेस्वर कहलख कि, आरु सात पटक सहरके ओरिपरी परिकरमा कर । जब ओकनिके अन्तिम पटक सहरके परिकरमा करैतरहे,तब सैनिकसब बहुत जोरसे चिचिएलख आ पुजारिसब अपन अपन तुरही बजएलख ।

तब यरिहोके चारुओरके दिबाल गिरगेल । इजराएलिसब परमेस्वरके कहल जइसन सहरमे भेल सभे चिजके नस्ट कदेलख । ओकनिके केवल रहाब आ ओकर परिवारसबके छोरदेलख,ओकनिके बादमे चलके इजराएलसबके हि हिस्सा बनगेल । तब कनानमे बैठल आरु अदमिसब इजराएलिसबके द्वारा यरिहो सहर ध्वस्त कदेल कहके मालुम भेल,तब इजराएलिसब आब आरु सहरमे भि आकरमन करि कहके ओकनिके डेराएलगलख ।

तब परमेस्वर इजराएलिसबके कनानमे बसोबास करैत कवनो भि समुहके अदमिसबसे कवनो किसिमके सन्धि नकरेकेलेल अग्या देलख । लेकिन कनानके एगो गिबोनी नामके जात अदमिसब यहोसुसे इजराएलीके बारेमे छलफल करे ऐलख तब ओकनिके यहोसुसे कहलख कि,हमनिके कनान देससे बहुत दुरसे आएलबारी कहके ओकनिके यहोसुसे छल कैलख । ओनिके यहोसुसे सान्ति समझवता करेकेलेल परस्ताब रखलख । यहोसु आ इजराएलीसब परमेस्वरसे गिबोनीसब कहासे आएलबा कहके पुसलख । तब परमेस्वरके कहल मुताबिक यहोसु ओकनिसे सान्ति-समझौता कलेलख ।

जब इजराएलिसब हमनिके त गिबोनिद्वारा छल कएलगेल बारी कहके मालुम भेल । तब ओकनिके बहुत करोधित भेल,लेकिन ओकनिसबके सङे सन्धि रखले रहलख,काहेकी उ सन्धी परमेस्वरके अगारी कैलगेल परतिग्या रहे । कुछ दिनके बाद जब कनान देसमे रहल आरु जातके रजासब एकजुट होगेल । आ इजराएलिसबके सङे अमोन्निसके रजा,गिबोनिसबके रजा सान्ति समझौता कैलख कहके जब सुन्नलख । तब ओकनिके अपन सैनिकसबके जम्मा कैलख आ एगो बिसाल फौज बनाके गिबोनि उपरी आकरमन कैलख । तब गिबोनिसब यहोसुके सहायताके लेल सन्देस पठैलख ।

ओहिसे यहोसु इजरालके सैनिकसबके जम्मा कैलख आ गिबोनिसबके सहायता करेके लेल सारी रात बुलके गेल । तब एक भिन्सरबा (पोहफटै)के समयमे ओकनिके अचानक अमोन्नि फौजसब उपरी आकरमन कदेलख ।

तब दिन भर परमेस्वर इजराएलिसबके लेल लराइ कैलख ।परमेस्वर अम्मोनिसबके अलमलमे पारदेलख आ बहुत बरका बरका बनौरी बरसैलख,उकारनसे बहुत अम्मोनिसब मरगेल ।

परमेस्वर लराइके दिनमे सुरुजके अकासमे एकेजग्हमे रोदेलख,ताकि इजराएलिसबकेसङे अम्मोनिसबके परास्त करेकेलेल बहुत समय मिले कहके परमेस्वर सुरुजके अकासमे हि रोकके रखलख । उ दिन इजराएलिसबके लेल परमेस्वर महान बिजय करैलख ।

जब परमेस्वर उ फौजसबके परास्त करबैलख । सेकरबाद कनानके आरु बहुत जातके रजासब एकबध होके इजराएलिसब उपरी आकरमन कैलख । तब यहोसु आ इजराएलिसब भि आकरमन कैलख आ ओकनिके खतम कदेलख ।

तब यि लराइके बाद परमेस्वर इजराएलके परतेक कुलके लेल एकुनगो परान्त परतिग्या कैल मुलुक मेसे अलगे अलगे कके छुटया देदेलख । सेकर बाद परमेस्वर सरा इजराएल भर आ ओकर सिमना समेततक सान्ति देलख ।

जब यहोसु बुरह होगेल,तब यहोसु इजराएलके सरा अदमिसबके एकसाथ जम्मा करैएलख । सेकरबाद उ यि अदमिसबके सिनै परबतमे परमेस्वरके द्वारा देलगेल करारके पालन करेमे इजराएलिसबके केहन बाध्यता बासे ओकर बारेमे यहोसु स्मरन करैलख । तब अदमिसब परमेस्वरमे बिसवासयोग्य होके परमेस्वरके ब्यबस्था पालन करेकेलेल परतिग्या कएलख ।