16. १६. छुटकारा दिनेहरू

जब यहोसु मर गेल,तब इजराएलिसब फेरु अनाग्याकारी होगेल । तब कनानमे बाकि रहल कनानिसबके उहाबासे न भगाके। परमेस्वरके अग्याके पालन न कैलख । इजराएलिसब “याहोबे” एकेगो साचो परमेस्वरके पुजा नकके ओकर बदलामे कनानी देबतासबके पुजा करेलगलख । काहेकी इजराएलिसबके उसमयमे कवनो भी किसिमके राजा नरहे । ओहिसे ओकनिके मनमौजी काम करे जथी ठिक लागे ओकनिके उहे करे ।

इजराएलीसब परमेस्वर परती अटेरी होएते चलगेल । ओहिसे परमेस्वर दुसनसबके इजराएली उपरी बिजय कराके दन्ड देलख । आ उ दुसमनसब इजराएलिसबके सरसमानसब लुटके लेगेल,आ बाकी सम्पतिसबके नस्ट कदेलख साथे बहुत अदमिसबके मुयादेलख । बहुत बरिसतक इजराएलिसब परमेस्वरमे अनाग्याकरी होएलाके कारन अपन दुसमनकेद्वारा सतावट भोगलख । तब इजराएलिसब पसताप करैत छुटकराकेलेल परमेस्वरसे पराथना कैलख ।

सेकरबाद परमेस्वर ओकनिके लेल एकजना छुटकरा देबेबला अदमिके पठादेलख । तब ओकनिसबके दुसमनसे बचाके ओकनिके देसमे सान्ति ल्यादेलख । लेकिन फेरुसे इजराएलिसब परमेस्वरके भुलगेल आ मुरति पुजा करेलगलख । ओहिसे परमेस्वर मिध्यानिसब (इजराएलिसबके नजदिके रहेबला एगो जात इजराएलिसबके दुसमन रहे ।) के इजराएली उपरी जित करादेलख ।

सात बरिसतक मिध्यानिसब इजराएलिसबके सभे अन्नबालिसब लुटके लेगेल । काहेकी इजराएलिसब येतना न डेरागेल रहेकी मिध्यानिसब हमनिके न भेटाओ कहके ओकनिके पहारके गुफा-गुफामे लोका जाए । तब ओकनिके अन्तमे जाके बचाबके लेल परमेस्वरसे पराथना कएलख ।

एकदिन,गिदोन नामके इजराएली अदमी गुप्तमे अन्न झारैत रहे । ताकी मिध्यानीसब आके अन्न लुटके न लजाए कहके लुकाके अन्न पिटैत रहे । उहे समयमे यहोबा परमेस्वरके एगो दुत गिदोनकेलगे आके कहलख,“परमेस्वर तोहरासङे बा,हे बिर पुरुस । जोअ इजराएलिसबके मिध्यानिसबके हाथसे बचाले ।”

जब गिदोनके बाबुके पास मुरतिके अरपन कके बनाएलगेल एगो बेदी रहे । तब परमेस्वर गिदोनसे उ मुरतिके फोरबा देलख । लेकिन गिदोन अदमिसबसे डेराइत रहे । उ दिन जबतक रात नभेल तबतक उ मुरतिके फोरेके लेल हसिआएल रहे । जब रात परगेल तब गिदोन बेदिके भरका देलख आ टुकरा-टुकरा कदेलख । गिदोन मुरतिके लेल बनाएल गेल बेदिके नजदिके परमेस्वरके लेल एगो लयाँ बेदी बनएलख आ परमेस्वरके लेल बलि चरहएलख ।

बिहान भेला ओकनिके मालुम भेलकी हमनिके मुरतिके अरपन कएल बेदीके त भरकादेलबा कहके जब ओकनिके देखलख आ सुनलख । तब ओकनिके बहुत जोरसे खिसिया गेलख । तब गिदोनके मारेके लेल ओकनिके ओकर घरपर अएलख,लेकिन ओकर बाबु कहलख,“तोहनिके काहेला अपन देबताके सहजोग करेके लेल खोजइतसे ? यदि उ देबता है त उ अपना आपके बचा लेतैन ।

सेकर बाद मिध्यानिसब फेरु इजराएलिसबके लुटेके लेल अएलख । ओकनिके एतना न संख्या रहेकी ओकनिके गने न सकैत रहे । जब ओकनिसबसे लराइ करेके लेल गिदोन इजराएलिसबके एकसाथ जम्मा कएलख । तब गिदोन परमेस्वरसे दुगो चिन्हसब मङलख ताकी इजराएलिसबके बचाएके लेल परमेस्वर गिदोनके साथमे बा कि न बा कहके पक्का-पक्की होजाए कि, परमेस्वर गिदोनके साथमे बा ।

पहिलका चिन्हके लेल,गिदोन एगो कपरा भुइयामे बिसादेलख आ परमेस्वरसे कहलख बिहान होइ तब सित भुइयामे न परके खालि सित कपरामे परेके चाही कहके अनुरोध कएलख । तब परमेस्वर औसनके कदेलख । दोसरका बार कहलख सितसे खालि जमिन भिजेके चाही लेकिन कपरा सुखल रहे,कहके अनुरोध कएलख । तब परमेस्वर गिदोनके कहल मुताविक कदेलख । तब यि दुगो चिन्ह देखके गिदोनके मिध्यानिसबसे इजराएलिसबके बचाएके लेल परमेस्वर हि हमरा अगुवाइ कर रहल बा कहके बिसबास होगेल ।

जब ३२,००० हजार सैनिकसब गिदोनके पास अएलख,लेकिन परमेस्वर गिदोनसे कहलख कि यि संख्यामे बहुत होगेल । ओहिसे गिदोन लराइसे डेराबला २२,००० हजार जनाके घरे पठादेलख । तब फेरु परमेस्वर गिदोनसे कहलख कि, अदमिसबके अभि भि बहुत संख्यामे बा । ओहिसे गिदोन फेरु ३०० सय सैनिकके राखके बाकी सभे सैनिकके घरे पठादेलख ।

तब उ रात परमेस्वर गिदोनसे कहलख,“ मिध्यानिसबके पालमे चुपकेसे जोअ आ जब तु ओकनिके बात सुनबे तब,तु फेरु कहियोन डेरएबे ।” जब गिदोन उ रात निचा उतरके मिध्यानिसबके पालके पास अएलख । तब एकजना मिध्यानी सैनिक अपन सपनामे देखल घटनाके बारेमे अपन सङहतियाके सुनाइत गिदोन सुनलख । उ अदमी अैसे कहैत रहे,“यि सपनाके अरथ यि बा कि,गिदोनके फौज मिध्यानि फौजके परास्त कदीइ ।

सेकर बाद गिदोन अपन सैनिकसबके लगे घुमके अैलख,आ परतेकके एकुनगो तुरही आ माटिके घैला आ मसाल देलख । तब ओकनिके मिध्यानिसबके सुतलके अबस्थामे ओकनिके सिबिरमे घेरा लगएलख । गिदोनके जम्मा ३०० सय सैनिकसब अपन मसालसब घैलामे रखले रहे,ताकी मिध्यानिसब मसालके इजोत न देखे ।

सेकरबाद गिदोन सभे सैनिकसबके एकेबार मसालके इजोत देखाइत अपन अपन घैलासब जोरसे पटकके फोरलख । आ ओकनिके अपन-अपन तुरहि बजाइत जोरसे चिचिएलख,“याहोबे आ गिदोनके लेल तरबार

जब परमेस्वर मिध्यानिसबके अलमलमे पारदेलख,तब ओकनिके एक-आपसमे लराइ कएलख आ मरगेल । तब तुरन्त इजराएलिसब मिध्यानिसबके घरमेसे भगाएकेलेल बोलएलख । तब ओकनिके बहुत मिध्यानिसबके मारदेलख आ बाकी रहलसबके इजराएलिसब अपन भुमिसे बहरा खधेर देलख । उ दिन (१,२०,०००)१ लाख २० हजार मिधानिसबके मिरतु होगेल । लेकिन परमेस्वर इजराएलिसबके बचालेलख ।

तब अदमिसब गिदोनके अपन राजा बनाएके चाहलख । लेकिन गिदोन ओकनिके अइसे करे नदेलख । लेकिन गिदोन इजराएलिसबसे कहलख कि,तोहनिके जवन मिध्यानिसबसे छिनले बारे उ सोनाके औठीसब हमराके देअ । तब अदमिसब गिदोनके बहुतके सोना देलख ।

तब गिदोन उ सोनाके परधान पुजारी लगाएबला जइसन एगो बिसेस पोसाक बनाएके लेल लगएलख । लेकिन अदमिसब गिदोनके बनाएल पोसाकके हि पुजा करेलगलख । मनाकी उ एक किसिमके मुरतिय जैसन हि रहे । ओहिसे परमेस्वर फेरु इजराएलिसबके दन्ड देलख । काहेकी ओकनिके मुरतीके पुजलख । तब परमेस्वर ओकनिके दुसमनसबके फेरु इजराएलिसब उपरी बिजय करएलख । लेकिन आखिरमे जाके ओकनिके परमेस्वसरसे सहायताके लेल पुकारा कएलख, । तब परमेस्वर ओकनिके दुसमनसे छोराएके लेल एकजना अदमीके भेजदेलख ।

एहन किसिमके घटना इजराएलिसब बारम्बार कके पाप कएलख,आ परमेस्वर ओकनिके दन्ड देलख । जब ओकनिके पसताप कएलख,तब परमेस्वर ओकनिके बचाएके लेल आ छुटकरा देबेके लेल अदमिसबके भेजलख । तब बहुत बरिसके बाद,परमेस्वर बहुत जनाके दुसमनसे छोराएके लेल अदमिसबके भेजलख जेकनिके ,इजराएलिसबके ओकनिके दुसमनसबसे बचएलख ।

आखिरमे जाके इजराएलिसब भी,आरु रास्टके जइसन परमेस्वरसे एकजना रजाके माङ कएलख । लेकिन ओकनिके अइसन रजा चाहैत रहे,जवन कि, खुब लम्बा-चवरा आ बहुत बरियार होखे,ताकि उ लराइमे अगुवाइ करसके । परमेस्वरके यि अनरोध मन न परलख,फिरभी परमेस्वर ओकनिके खोजलके जइसन रजा देलख ।