21. २१. परमेस्वर मसिहके परतिग्या कएलख

जब सभे चिजके सुरुवात भेल तबसे,परमेस्वर यिसु मसिहके भेजाएब कहके योजना कएलख । यिसुमसिह आबे बला सबसे पहिले परतिग्या आदम आ हबाके लगे अएलख । परमेस्वर परतिग्या कएलख कि हबाके बन्ससे एकजना सन्तान जलम लिइ ,जेकी सापके मुरी कुच दिइ । हबाके छल करेबला उ साप सैतान रहे । उ परतिग्याके अरथ यि बाकी मसिहके आगमन सैतानके सफारुपसे परास्त होएबला रहे ।

परमेस्वर अबरहामसे परतिग्या कएलख कि,ओकरे द्वारा हि संसारके सभे जातके अदमिसब आसिसित होइ । उ आसिस यिसु मसिहके आगमनसे हि पुरा होइ । येसु मसिह संसारके सभे जातके अदमिसबके उधारके रस्ता परदान करी ।

परमेस्वर मोसासे कहलख कि,भबिस्यमे तोहरे जइसन दोसर एकजना अगमबक्ता खरा करब कहके मोसासे परतिग्या कएलख । यि यिसु मसिहके आगमनके समबन्धित एगो दोसर परतिग्या रहे ।

परमेस्वर दाउद रजासे परतिग्या कएले रहे कि,तोहरे बन्सके सन्तान परमेस्वरके अदमिसब उपरी सदाके लेल राज करी । ओकर अरथ यि बाकी यिसु मसिह दाउदके बन्सके एकजना होइ ।

यरमिया अगमबक्ता द्वारा,परमेस्वर परतिग्या कएले रहे कि,उ एगो लया करार स्थापित करी । जवनकी उ सिनै परबतमे स्थापित कएल जइसन उ करार नरहे । यि लया करार परमेस्वर अपन ब्यबस्थासब अदमिसबके हिरदयमे लिखदी,अदमिसब परमेस्वरके ब्यक्तिगत रुपसे जाने लागी । आ परमेस्वर ओकनिसबके सभे पापसब माफ कदिइ । यिसु मसिह लया करारके सुरुवात करी ।

परमेस्वर हगमबक्तासबके अइसे भि कहलख कि, यिसुमसिह एगो अगमबक्ता,एगो पुजहारी आ एगो रजा होइ । अगमबक्ता उ अदमी बा,जेअ परमेस्वरके बचनसब सुनी आ परमेस्वरके बचनसब अदमिसबके बिचमे घोसना करी । परमेस्वर पठाएब कहके परतिग्या कएल सबमेसे यिसु मसिह हि खाली सिध अगमबक्ता रहे ।

इजराएली पुजहारीसब अदमिसबके तरफसे ओकनिके पापके खातिर दन्डके सटा माफिके लेल बलिसब चरहा देइत रहे । आ फेरु पुजहारिसब अदमिसबके लेल परमेस्वरसे पराथना कदेइत रहे । यिसु मसिह हि खाली सिध परधान पुजहारी रहे,जेकी अपना आपके एक सिध बलिके रुपमे परमेस्वरके लगे अरपन कएलख ।

रजा उ बा कि, जे कवनो राज उपरी सासन करैए आ अदमिसबके सहि न्याय करैए । यिसु मसिह हि खाली सिध रजा रहे,जे कि,अपन पुरखा दाउदके सिंहासनमे बैठलख । आ यिसुमसिह सदा-सरबदाके लेल सरा संसार उपरी राज करी,आ सदयब इमान्दारी आ सही निरनयके साथ न्याय करी ।

परमेस्वरके अगमबक्तासबके यिसु मसिहके बारेमे अन्य बहुत बातसबके भबिस्यबानी कएलख । मलाकी अगमबक्ता भी यिसु मसिह आबेसे पहिले एकजना महान अगमबक्ता आइ कहके भबिस्यबानी कएले रहे । यसैया अगमबक्ता भी यिसु मसिह एगो कुमार लरकिसे जलम लिइ कहके भबिस्यबानी कएले रहे । मिका अगमबक्ता भी यिसु मसिह बेथलेहेमके गाओमे जलम लिई कहके कहले रहे ।

यसैया अगमबक्ता कहलख कि,यिसु मसिह गालिलमे बैठी,आ मन टुटलसबके हिरदयमे सान्ति भरदी,बन्धनमे परलसबके स्वतन्तरता दिइ आ कैदमे परलसबके छुटकरा दी । यिसु मसिह रोगि-बिमारीसबके निमन करी,जइसेकी बैहर,आन्हर,लेङर यिसबके निमन करी कहके भबिस्यबानी कएलख

यसैया हगमबक्ता अइसे भि भबिस्यबानी कैलख कि,यिसु मसिहाके बिनाकारन घिरना आ तिरसकार करी । आरु भबिस्यबक्तासब पहिलेहीसे भबिस्यबानी कैलेरहे कि,यिसु मसिहके मारेबलासब ओकर लुगामे चिठा लगाइ आ एकजना ओकर चेला ओकराके धोखा दिइ कहके भबिस्यबानी कएले रहे । जकरिया अगमबक्ता पहिलेहिसे अगमबानी कैलेरहे कि,यिसु मसिहके ओकर चेला ओकरा तिसगो चानिके डलरके लेल धोखा दीइ ।

अगमबक्तासब भबिस्यबानी अइसे कएले रहेकि, यिसु मसिहके मिरतु यि तरिकासे होइ । यसैया अगमबक्ता भबिस्यबानी अइसे कैलेरहे कि,अदमिसब ओकरा उपरी थुक फेकी,मजाक उराइ आ पिटी आ मुयादी । ओकनिके ओकरा भलासे गिंथी आ बहुत कस्ट आ पिराके साथ यिसु मसिह मारल जाइ,लेकिन उ कवनो भी मितुय दन्ड भोगेबला गल्ती काम न कैलेरहे ।

भबिस्यबक्तासब यि भि कहले रहे,यिसु मसिह कवनो भि पाप नकैलेरहे आ उ एगो सिध अदमी रहे । उ अदमिसबके पापके दन्ड बोके लेल मारल जाइ । ओकर बलिदानसे अदमी आ परमेस्वरके बिचमे सान्ति ल्याइ । उकारनसे अइसे करेमे परमेस्वरके इक्छा रहे कि यिसु मसिहके दन्डित कैल जाए ।

अगमबक्तासब भबिस्यबानी कैलेरहे कि, यिसु मसिह मारल जाइ आ परमेस्वर ओकरा मुरदासे जियादी । यिसु मसिहके मुरदासे जिउठाइसे परमेस्वर पापिसबके बचाइ आ लया करारके सुरुवात करी आ उअपन योजना पुरा करी ।

परमेस्वर यिसु मसिहके बारेमे पहिलेहीसे अगमबक्तासबके द्वारा बहुत बातसब बतैले रहे । माने मसिह उ कवनो अगमबक्तासबके समयमे न अएलख । अन्तिम भबिस्यबानी होएसे करिब चारसय बरिसके बाद,जब सहि समय अएलख,तब परमेस्वर यिसुके यि संसारमे भेजलख ।