22. २२. यिहुन्नाके जलम
पहिलेके समयमे परमेस्वर अपन अदमिसबके सङे स्वरगदुत आ अगमबक्तासबके माध्यमसे बोलैत रहे । लेकिन चारसय बरिसतक परमेस्वर ओकनिसबसे नबोल्लख । अचानक एगो स्वरगदुत जकरिया नामके एगो बुरह पुजाहारीके पास परमेस्वरके सन्देस लेके अएलख । काहेकी जकरिया आ ओकर जनि एलिसिबा परमेस्वरके नजरमे धरमी अदमी रहे, लेकिन ओकनिके कवनो सन्तान नरहे । ओकनिके बाझ-बाझिन रहे ।
उ स्वरगदुत जकरियासे कहलख,“तोहर मौगी एलिसिबा एगो बेटाके जलम दी । तु ओकर नाम यिहुन्ना रखिहे । उ पबितर अत्मासे भरल होइ,आ यिसु मसिहके लेल रस्ता तयार करी । तब जकरिया स्वरगदुतके जबाफ देलख कि,यि कैसे होसकैत बा हम त बुरह होगेल बारी । यि हम कैसे जान सकैत बारि ?
तब स्वरगदुत जकरियाके जबाफ देलख,“हम परमेस्वरके पाससे तोहरालगे यि खुसिके खब्बर सुनाएके लेल भेजल गेलबारी । तु हमरा उपरी बिसबास नकैले ओहिसे जबतक बालकके जलम नहोइ तबतक तु बताह होजएबे । “ तब जकरिया उहे समयसे बताह होगेल । तब स्वरगदुत जकरियाके पाससे चलगेल । सेकरबाद,जकरिया अपन घरे गेलख, तब कुछ समयके बाद एलिसिबा गरभबती होगेल ।
जब एलिसिबा गरभबती छव महिनाके गरभबती भेल,उहे स्वरगदुत अचानक एलिसिबाके कुटुम मरियमके पास देखाइ देलख । उ समयमे मरियम कुमार लरकी रहे,जेकर देखासुनी यिसुफ नामके एगो छवरासे भेल रहे । स्वरगदुत मरियमसे कहलख,“तु गरभबती होएबे आ एगो बेटाके जलम देबे । आ ओकर नाम यिसु रखिहे । उ परम धामके बेटा कहाइ आ हमेसाके लेल राज करी ।”
तब मरियम स्वरगदुतसे कहलख,“अइसे कइसे होसकैत बा,जबकी हम एगो कुमार लरकी बारी ?” तब स्वरगदुत जबाफ देलख,“पबितर अतमा तोहरा उपरी उतरी आ पबितर अतमाके सक्तिके छया परी । ओहिसे उ बालक पबितर होइ आ परमेस्वरके बेटा कहाइ ।” तब मरियम स्वरगदुतके कहल बातपर बिसबास कैलख आ उ बातके स्वीकार कैलख ।
जब स्वरगदुत मरियमसे बातचित कैलख,तब कुछ समयके बाद मरियम एलिसिबासे भेट करेके लेल गेल । तब एलिसिबा मरियमके अभिबादन सुनते ही ओकर पेटके बच्चा चलबला उठलख । परमेस्वर ओकनिके लेल कएल कामके लेल ओकनिके बहुत खुसी होएलख । तब मरियम एलिसिबाके लगे तिन महिनातक रहके मरियम अपन घर लवटके अएलख ।
जब एलिसिबाके बच्चा जलमाएके समय अएलख, तब उ एगो बालकके जलम देलख । जकरिया आ एलिसिबा अपन बेटाके नाम यिहुन्ना रखलख । जइसेकी स्वरगदुत जकरियासे कहले रहे । तब परमेस्वर जकरियाके मुह खोलदेलख,तब जकरिया पहिलेके जइसन बोले लगलख । तब जकरिया “परमेस्वरके परसंसा कैलख,काहेकी परमेस्वर अपन अदमिसबके याद कैलख ।
बाइबलके कथा: लुका १ :से
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।