24. २४. यिहुन्ना यिसुके बपतिस्मा देलख

जब जकरिया आ एलिसिबाके बेटा यिहुन्ना जबान होएलख तब उ अगमबक्ता बनगेल । उ उजार स्थानमे रहेलगलख,आ उ उटके रोइयासे बनाएल गेल कपरा लगाए आ डारमे चमराके बेल्ट बन्हेले रहे । उ बनमध आ टिरि खाए ।

बहुत अदमिसब उजार स्थानमे यिहुन्नाके पास बचन सुनेके लेल आबे । उ ओकनिसबके अइसे कहके परचार करैत रहे कि,“अपन पापसे पसताप कर,काहेकी परमेस्वरके राज्य बहुत करिब बा ।

जब अदमिसब यिहुन्नाके मुक्तिके सन्देस सुन्लख,तब ओकनिसबके मध्यमेसे बहुत जना अपन पापसे पसताप कएलख,आ यिहुन्ना ओकनिके पानिके बपतिस्मा देलख । बहुत धरमी अगुवासब भि यिहुन्नासे पानिके बपतिस्मा लेबेके लेल अएलख । लेकिन ओकनिके अपन पाप न स्वीकारे कएलख,न पसताप कएलख ।

तब यिहुन्ना उ धारमिक अगुवासबसे कहलख,“हे दुस्टके सन्तानसब ! पापसे अपन मन फिरा आ ब्यबहारके बदल जवन-जवन पेर निमन फल न फलाइ उ पेरके काटके आगिमे झोक दी ।”यिहुन्ना यि बातके पुरा कैलख कि,यसैया अगमबक्ताके किताबमे लिखल रहे,“देख हम हमअपन दुतके तोहर अगारी भेज रहल बारी,जोकी तोहरालेल रस्ताके सुधार करी ।

जब कुछ यहुदिसब यिहुन्नासे पुसलख कि,तु हि मसिहा बारे कि ? तब यिहुन्ना जबाफ देलख,“हम मसिहा नबारी,लेकिन हमरा पछारी केहु आरहल बा कि,उ येतना महान बा की,ओकर जुताके फिता समेत खोलेके हम योग्य न बारी ।”

दोसरका दिन,यिसु यिहुन्ना द्वारा पानिके बपतिस्मा लेबेके लेल अएलख । जब यिहुन्ना यिसुके देखलख तब यिसुके देखाके कहलख,“देख ! परमेस्वरके थुमा,जे संसारके पापसे उधार करी ।”

यिहुन्ना यिसुसे कहलख,“ हम येतना योग्यके न बारीकि,हम तोहराके बपतिस्मा दिउ । बरु तुउ हमराके बपतिस्मा देअ ।”लेकिन यिसु जबाफ देलख कि,“तु हमराके बपतिस्मा देअ,काहेकी अभी अइसे कएलामेही सही होइ ।”ओहिसे यिहुन्ना यिसुके बपतिस्मा देलख,फिरभी यिसु कहियोन पाप कएले रहे ।

जब यिसु बपतिस्मा लेलेख तब पानिसे बहरा निकलके अएलख,तब परमेस्वरके अतमा परेबाके रुपमे यिसुके उपरी उतरके अएलख आ यिसुके उपरी बैठलख । उहे समयमे स्वरगसे परमेस्वरके अकसबानी अएलख कि,“यि हमर दुलरुया बेटा बा हम येकरसे बहुत खुसी बारी ।”

परमेस्वर यिहुन्नासे कहले रहे कि,“पबितर अतमा निचा केकरो एकजना उपरी उतरके आइ आ तु जब बपतिस्मा देबे ओकरा उपरी बैठी । उहे अदमी परमेस्वरके बेटा कहाइ ।” केबल एक हि परमेस्वर बा । लेकिन जब यिहुन्ना यिसुके बपतिस्मा देलख,तब ओकरासे पिता परमेस्वर बोलैत सुनलख कि, परमेस्वरके बेटाके देखली आ पबितर अतमाके भि देखली ।