31. ३१. यिसु पानी उपरी बुल्लख

तब यिसु अदमिसबके बिदा कके अपन चेलासबके डेङिमे चहरके समुनदरके औपार चल कहलख । लेकिन भिरके बिदा कदेलाके बाद यिसु पराथना करेके लेल पहारमे चहर गेल । तब उहबा यिसु एकेले रहगेल,आ पराथना करते करते रात होगेल तब पर भी यिसु पराथना करते रहे ।

तब यिसुके चेलासब अपन डेङी चलाके जाइत रहे, फिरभी ओकनिके समुनदर मेही रहे,काहेकी बिपरित दिसासे सक्तिसाली आधीके कारन बहुत कठिनाइके साथ डेङी चलाके जाइत रहे ।

जब यिसु पराथना सुधालेलाके बाद यिसु अपन चेलासबके पास जाए लगलख । तब समुनदरके पानी उपरी बुलैत ओकनिके डेङिके ओरी गेलख ।

जब चेलासब यिसुके पानी उपरी बुलके अबैत देखलख,तब ओकनिके बहुत जोरसे डेरा गेल,काहेकी ओकनिके बिचार कैलख कि कवनो भुत न त बा । जब यिसु मालुम भेल कि, हमर चेलासब डेरा गेल बा,तब यिसु ओकनिसबके बोलैलख आ कहलख,“तोहनिके न डेरा हम बारी ।”

तब पतरुस यिसुसे कहलख,“गुरु जी,यदी अपने हि बारी त हमे भी अपनेके पास पानी उपरी बुलके आबेके लेल अनुमती दिउ ।” तब यिसु पतरुससे कहलख,“आअ”

ओहिसे पतरुस डेङी मेसे उतरके पानी उपरी बुलैत यिसुके पास जाए लगलख,तब यिसुके पास पहुच हि बला रहे कि,पतरुस पानिके लहर देखके डेरागेल,

तब पतरुस डेरा गेलाके कारन पानिमे डुबे लगलख,तब बहुत जोरसे चिचियाके कहलख,“गुरु जी हमराके बचाउ ।”

तब पतरुस आ यिसु डेङिमे चहर गेल तब तुरुन्त समुनदरके आन्ही रुकगेल आ पानी भि सान्त होगेल । यि देखके चेलासब चकित होगेल । तब चेलासब अइसे कहैत यिसुके परसंसा कैलख,“साचोमेही अपने त परमेस्वरके बेटा बारी ।”