9. ९. परमेस्वर मोसाके बोलैलख

यिसुफके मिरतु होगेलाके बादमेभी ओकर सभे जहान-परिबारसब मिस्र देसमे ही रहैत रहे । ओकनिके सन्तानसब भी बहुत बरिसतक लगातार रुपसे मिस्र देसमे हि बसोबास करैत रहगेल । तब ओकनिके सन्तानसबके संख्या बहुत बरहगेल । तब ओकनियसब इजराएली कहैलख ।

सय बरिसके बाद इजराएलीसबके संख्या बहुत होगेलख । तब मिस्रीसबके लेल यिसुफके निमन काम कैल बिसरगेल । आ मिस्रिसब इजराएलीसबसे डेराए लगलख,कहेकी ओकनिके संख्यामे बहुत जदा बरहैत जाइतरहे । ओहिसे उ समयमे मिस्र देसमे राज करेबला फारो इजराएलीसबके मिस्रिसबके दास बनाके राखेलगलख ।

तब मिस्रीसब इजराएलीसबके मिस्र देसमे घर, सहरमे होएबला काममे लगैलख । ओकनिसे बहुत करा परिसरमके साथ काम करबाइत रहे उकारनसे ओकनिके जिबन बहुत हि कठिन बनादेलख,फिरभी परमेस्वर कनिके आसिस देलख,आ ओकनिके सन्तान औरभी बहुत बरहादेलख ।

जब इजराएलीसब बहुतसे बहुत बेटाके जलम देरहलबा कहके जब फरो देखलख,तब फारो रजा अपन अदमिसबसे कहलख इजराएलिसबके भरखर जलमल लैकासबके निल लदिमे फेकके मुयादे कहके आदेस देलख ।

औसनके अबस्थामे एगो इजराएली महिला एगो बेटाके जलम देलख । ओकनिके घर-परिबार बहुत कठिनाइसे बचाके रखलख ।

जब उ बालकके माइबाबु ओकराके बहुत दिनतक लुकाके राखे नसकलख तब ओकनिके एगो कुसके डोली बनाके अलकतरासे पोतके यिहे भितरी यि बालकके राखदेलख आ निल लदिके किनारे नरकटके झलाके बिचमे लेजाके सोरदेलख । यि बलकके दिदी येकराके के कथी करिसे लुकाके देखैत रहे ।

जब फारो रजाके बेटी यि डोलिके देखके उ डोलीके खोल्लख । तब एगो बालक देखाइ देलख,तब ओकर हिरदय दयासे भरगेल आ उअपन बेटाके रुपमे रखलेलख । आ एगो इजराएलियमेसे एगो जनिके यि बालकके देखरेख करे खतिरा बनिहारी देके रखलेलख । लेकिन उ जनि उ बालकके अपने माइ बा कहके ओकरा मालुम नभेल । जब यि बालक दुध पिएके छोरदेल तब उ यि बालकके फारोके बेटीके पास भेजदेलख जेकी ओकर नाम मोसा राखदेलख ।

जब मोसा जबान होगेल,तब एकदिन एकजना मिस्री इजराएली दासके पटैत देखलख । तब मोसा अपन इजराएली अदमिके बचाएकेलेल चाहलख ।

तब मोसा हमरा केहु नदेखैतबा कहके सोचलख आ उ मिस्रीके मुयाके गारदेलख । माने मिस्री अदमिके मुयाइत इजराएलिय मेसे केहु मोसाके देखलेले रहे ।

जब फारो मोसा हि हत्या कैलेबा कहके फारोके मालुम भेल,तब फारो मोसाके मारेला खोजलख । ओहिसे फारोके सैनिकसबसे बाचेके लेल मोसा मिस्र देस छोरके भागके दोसर गाओके ओरी चलगेल ।

जब मोसा मिस्र सोरके बहुत दुरके गाओमे चलगेल तब मोसा उहबे चरबाहिके काम करे लगलख आ उहे गाओके एगो लरकिसे बियाह कलेलख तब ओकरा देहसे दुगो बेटा भेल ।

एकदिन जब मोसा आपन भेरासबके चराइत रहे,तब एगो सोट झखुलिमे आगी बरैत देखलख लेकिन उ झखुली जरके भसनर होइत न देखलख । ओहिसे मोसा और निमनसे देखेकेलेल उ झखुलिके नजदिके अएलख । जब उ जरैत झखुलिके नजिक आपहुचलख,तब परमेस्वर झखुलिके बिचमेसे मोसासे कहलख,तुअपन जुता खोल काहेकी तु जहबा खराभेल बारे उ जमिन पबितर बा ।

परमेस्वर मोसासे कहलख,”हमे हमअपन अदमिसबे दुख देख रहलबारी । हम तोहरा फारोकेलगे पठा रहल बारी । ताकी तु इजराएलीसबके मिस्रिसबके दासत्वसे छोराके ल्यैबे । हम ओकनिके कनान देस देहब,जवन देस हम अबरहाम,इसहाक,याकुबसे परतिग्या कैलेरहली ।”

तब मोसा परमेस्वरसे पुसलख,“अदमिसब तोहरा के पठलौ कहके हमरासे पुसी त हम ओकनिसबके कथी जबाफ देब ? तब परमेस्वर ओकरासे कहलख,“हम बारिसे हमबारी ।कहके ओकनिसे कहदिहे,हम कहेबला हमराके तोहनिसबके लगे भेजलेबा । ओकनिसबके यिभि कहदिहे कि,हम याहबे बारी,तोहनिके पितापरखा अबरहाम,इसहाक,याकुबके परमेस्वर । हमर नाम सदासरबदाके लेल यिहे रही ।”

तब मोसा परमेस्वरके बात सुनके डेरा गेल,आ फारोके लगे जाएके लेल न चाहलख । ओहिसे मोसा बहना बनाइत कहलख कि,“ हमे त ठिकसे बोलेके भि न जनैसी ?” कहके मोसा परमेस्वरसे कहलख । ओहिसे परमेस्वर मोसाके भाइ हारुनके मोसाके सहायता करेके लेल साथमे भेजलख । फरो बहुत हठी होइ कहके परमेस्वर दुनुजनाके सचेत भि करैलख ।