14. १४. उजाड स्थानमे भौँतर्ति
सिनै पहारमे आज्ञा दैसेक्लेक बादमे, परमेश्वर इस्राएलीहुँक्रहन प्रतिज्ञाके देशओर लैजाइ लगनै, जिहिन कनान देश कहैँ। बद्रीक् खम्भा वैनहुँक्रहनके आगे आगे वैनहे डोरयाइत लैगिल ओ इस्राएलीहुँक्रे उहिन पछ्छ्याइँ।
परमेश्वर अब्राहाम, इसाहाक ओ याकूबकेसँग ऊ देश वैनके सन्तानन दैम कहिके वाचा कर्ले रहैँ, मने ऊ समयमे वहाँ धेउरे समुदायके मनइहुँक्रे बैथल रहैँ। वैनहुँक्रहन कनानी कहैँ। कनानीहुँक्रे परमेश्वरहे नाइ पूजैँ नतो हुँकार बात मानै। वैने झुठा देवीदेवतन् पूजा करैँ ओ धेरे नाइ मजा काम करैँ।
परमेश्वर इस्राएलीहुँक्रहन कहनै, “तुह्रे वहाँक् सक्कु कनानीहुँक्रहन देशमन्से हटैहो ओ वैनसँग कौनो किसिमके सम्झौता वा भोज नाइ करोहो। वैनके मूर्तिहुँक्रहन पूरै खतम पारदेहो। यदि तुह्रे मोर आज्ञा पालन नाइ कर्बोतो तुह्रे मोर सट्टामे वैनके मूर्तिहुँक्रहन पूज्बो।”
जब् इस्राएलीहुँक्रे कनाा देशके सीमामे पुग्नै, मोशा इस्राएलके हरेक कूलसे एक–एक जहानकरके बाह्र मनइन छन्नै। ऊ वैनहे कनान देशके बात बुझे जासूस बनाके पठैनै। कनानीहुँक्रे बलगर बाटै कि कमजोर बाटै कैके जानेक लग् वैन पठायागिल रहे।
ऊ बाह्रजाने मनइ चालीस दिनसम् कनान घुम्ति रहनै तब् वैने वहाँसे लौट्नै। वैने इस्राएलीहुँक्रहन आके बतैनै, कि वहाँक् जमिन बहुत मलगर ओ धेउर फसल हुइना खालके बा।
तब् तरुन्ते अउरे दुईजाने जासूसहुँक्रे, कालेब ओ यहोशू कहनै, “यि बात जात्तिक हो कि कनानके मनइ ढे· आ बलगर बाटै, मने
मने मनइहुँक्रे यहोशू ओ कालेबके बात नाइ सुन्नै। वैने बोशा ओ हारुनकेमे रिसैनै ओ कहनै, “तुह्रे काहे हमाहन यैसिन ठाउँमे अन्लो? लराईमे मुवल ओ अपन जन्नी ओ लरकन्हे दास बनाइलसे तो बरु हम्रे मिश्र देशेमे रति तौन ठीके रहत।” फेनसे मिश्र देशमे लौटाके लैजाइक् लग् इस्राएलीहुँक्रे एकथो लावा अगुवा माँग कर्नै।
यि देखके परमेश्वर ज्यादै रिसैनै ओ भेट हुइना पालमे अइनै। परमेश्वर कहनै मोर विरुद्धमे विद्रोह कलेृक ओरसे तुह्रे सक्कुजे उजाड ठाउँमे भौँतर्ति ने·बो। कालेब ओ यहोशू बाहेक २० वर्षथन्से उप्परके सक्कु मनइ यहै “मुहिँ ओ प्रतिज्ञाके देशके भित्तर छिरे नाइ पैहिँ।”
जब् मनइहुँक्रे यि बात सुन्नै, तब् पाप कर्लेक ओरसे बरे द्ख िहुइनै। वैने आपन हतियार लेनै ओ कनान देशके मनइन आकूमण करे गइनै। मोशा वैनहे वहाँ नाइ जाइक कहनै काहेकि परमेश्वर वैनके साथमे नाइ रहैँ,मने वैने हुँकार बात नाइ सुन्नै।
ऊ लराईमे परमेश्वर इस्राएलीहुँक्रहनके सँग नाइ गइनै, तबेमारे वैने हितगिनै ओ धेर मनइ मुगिनै। ओकरपाछे इस्राएलीहुँक्रे कनानसे लौट्नै ओ चालीस वर्षसम् उजाड ठाउँमे भौ“तर्ति रहनै।
चालीस वर्षसम् उजाड ठाउँमे भौँतर्ति रहल बेलामे परमेश्वर इस्राएलीहुँक्रहन लग् रोटी जुटादेनै। परमेश्वर वैनके लग् स्वर्गसे रोटी देनै, ऊ रोटीहिन् ‘मन्न’ कहै। परमेश्वर वैने बेथल पालपमे खाइक लग् सिकार फे होए कैके बट्टाई चिरई पठादेनै। उ सब समयभर परमेश्वर वोके लुग्गा ओ जुत्ता फट्नासे बचादेनै।
परमेश्वर वैनहुँक्रहन चट्टानसे पानी पिवैनै। अत्ना सब् पैति– पैति फेन, इस्राएलीहुँक्रे परमेश्वर ओ मोशाक् विरुद्धमे बोल्नै ओ वैने बरबरैनै। तभुनफे, अबा्रहम, इसाहक ओ याकूबसे बाँधल वाचामे परमेश्वर विश्वासयोग्य रहैँ।
एकचोट, जब् मनयहुँक्रहनसँग पानी नाइ रहिन्, परमेश्वर मोशाहे कहनै, “चट्टानहे कोह ओ आम्मेसे पानी आई।” मने मोशा सक्कु मनइनके आगे बोलेक छोरके चट्टानमे दुईचोट लट्ठीले मारके परमेश्वरके अनादर कर्नै। चट्टानसे पानी तो आयल मने परमेश्वर मोशाकसँग रिसैनै और मोशाहे कहनै कि तईँ वाचाके देशमे जाइ नाइ पैबे।
उजाड ठाउँमे भौतरलेक चालीस वर्ष पाछे, परमेश्वरके विरुद्धमे विद्रोह करुइया सक्कु इस्राएलीहुँक्रे मुसेकल रहैँ। तब् परमेश्वर फेनसे मनइहुक्रहन वाचा करल देशके लग्गे लैगिनै। मोशा अब् बुह्राइगिल रहँ, तबेमारे परमेश्वर यहोशूहे इस्राएलीहुँक्रहन अगुवाइ करेक लग् चुन्नै। परमेश्वर मोशाहे फे एकथो वाचा कर्नै कि एकदिन मोशा जस्ते एकजहान अगमवक्ता पठैम।
तब् परमेश्वर मोशाहे पहारके टिप्पामे जाइ कहनै, ताकि परमेश्वरके वाचा करल देश हेरे सेकैँ। मोशा वाचा करल देश देखे पैनै मने परमेश्वर मोशाहे वहाँ भित्तर पेले नाइ देनै। तबजाके, मोशा मुनै, ओर इस्राएलीहुँक्रे हुँकार लग् तीस दिनसम् शोक मनैनै। यहोशू वौके लावा अगुवा बन्नै। यहमेशू एक मजा अगुवा रहँ काहेकि ऊ परमेश्वरमे भर परैँ।
बाइबलके कथा: लेवी १६–१७, गन्ती १०–१४, २०,२७, वयवस्था ३४
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।