16. १६. छुटकारा देहुइया

यहोशूक् मुलेक बादमे, इस्राएलीहुँक्रे परमेश्वरके बात नाइ मन्नाहा हुइगिनै ओर बाँकी रहल कनानीहुँक्रहन नतो वहाँसे भगैनै नतो परमेश्वरके बात मन्नै। इस्राएलीहुँक्रे यहोवा, एक्केथो सच्चा परमेश्वरहे पूजेक छोरके कनानी देवतन्हे पूजे लग्नै। इस्राएलीहुँक्रहनके कौनो राजा नाइ रहिन्, तबेमारे जिहिन ज्या ठीक लागिन उहे कर्नै।

परमेश्वरके बात नाइ मन्लेक ओरसे, परमेश्वर इस्राएलीहुँक्रहनके उप्पर वैनके दुस्मनहुँक्रहन जित देके वैनहे सजाय देनै। यि दुस्मनहुँक्रे इस्राएलीहुक्रहनके सामान लुटलेनै, वैनके सम्पत्ति नाश करदेनै ओ धेउरे इस्राएलीहुँक्रहन मारदेनै। धेर वर्षसम् अस्तेक दुस्मनिनसे थिचल रहनै, तब् वैने पश्चताप कर्नै ओ छुटाइक लग् परमेश्वरसे प्राथैना कर्नै।

तब् परमेश्वर वैनके लग् एकजाने छुटुइया मनइया पठादेनै, जे वैनहे दुस्मनहुँक्रहनसे बचाइल ओ देशमे शान्ति लन्नै। मने फेनसे वैने परमेश्वरहे बिस्राइगिनै ओ मूर्तिहे पूजे लग्नै। तबेमारे परमेश्वर मिद्दानीहुँक्रहन ( एक जाति जे इस्राएलीहुक्रहनके दुस्मन रहे) हे वैनके उप्पर जिते देनै।

सात वर्षसम् मिद्दानी हुँक्रेर इस्राएलीहुँक्रहनके अनाज लैगिनै। इस्राएलीहुँक्रे अत्ना डराइल रहैँ कि मिद्दानीहुँक्रे नाइ भेटाइ”कैके वैने गुफामे नुकैँ। तब् फेनसे वैनहे बचाइक लग् परमेश्वरहे पुकर्नै।

एकदिन, गिदोन नाउँ रहल इस्राएलके एकथो मनइया चुप्पे चुप्पे अनाज कुटतेहे ताकि मिद्दानीहुँक्रे आके लुटे नाइ पाईँ कहिके। उहे बेला परमेश्वरके एक दूत गिदेनकेथे आके कहनै, “परमेश्वर तोरसँग बाटैँ, बहादुर लडाकू। जाऊ ओ इस्राएलहे मिद्दानीहुँक्रहनके हातसे बचाऊ।”

गिदोनके बाबाक् वहाँ मूर्तिहे चह्राइल एकथो वेदी रहे। परमेश्वर गिदोनहे ऊ मूर्तिहिन् भत्काइ कहनै। मने गिदोन मनइहुँक्रहनसे डराइल रहैँ, तबे रात हुइनाके अस्रा लागतहैँ। तब् गिदोन उ वेदीहे भत्कादेनै ओ उहिन टुक्रा टुक्रा पारदेनै। गिदोन मूर्तिक् लग् बनाइल वेदीक् लग्गे परमेश्वरके लग् एकथो लावा वेद बनैनै ओ परमेश्वरके लग् बलि चहै्रनै।

दोसर बिहानके मनइहुँक्रे वैनके वेदी भत्काइल देख्नै तो वैने बहुत ज्यादा रिसैनै। गिदोनहे मारेक लग् वैने ओकर घर गइनै, मने हुँकार बाबा वैनहे कहनै, “तुह्रे काहे आपन देवताहे मद्दत करे खोजतो? यदि ऊ देवता हो कलेसे, ऊ अपनहे अप्नहि बचाए।

तब् मिद्दानीहुँक्रे फेनसे इस्राएलीहुँक्रहन लुटे अइनै। वैने अत्ना धेर रहैँ कि गने फेन नाइ सेकजिना जत्ना रहैँ। वेनसँग लराइ करेक लग् गिदोन इस्राएलीहुँक्रहन एकसाथ भेला करैनै। गिदोन परमेश्वरसँग दुईथो चिन्ह मँग्नै ताकि इस्राएलके बचाऊके लग् परमेश्वर उहिनहे चलाइतै कैके ऊ पक्का हुई सेकैँ।

सरुक् चिन्हकेलग्, गिदोन एकथो कपरा भुइँयामे बिछैनै ओ परमेश्वरहे बिहान्नेक शीत भुइँयामे नाइ पराके उहे कपरामे किल परादेहो कैके बिनति कर्नै। परमेश्वर आस्तहेक करदेनै। दोसर चोट, भुइँया भिजाइ कहनै मने कपरा सुख्खा पारदेहो कैके कहनै। परमेशवर ओस्तेक फे करदेनै। यी दुई चिन्हसे गिदोनहे मिद्दानीहुँक्रहनसे इस्राएलीहुँक्रहनहे बचाइक लग् परमेश्वर उहिन चलाइतैँकैके विश्वार कराइल।

३२,००० इस्राएली सैनिकहुँक्रे गिदोनकेथे अइनै, मने परमेश्वर उहिन धेउर सैनिक हुइगिनै कैके कहनै। तबेमारे गिदोन लराइ करेक डरुइया २२००० जहान घर लौटादेनै। परमेश्वर गिदोनहे हभिन फेन धेउर बाटै कहनै। तब् फे गिदोन ३०० सैनिकहुँक्हन किल लराइके लग् छन्नै बा“कि सबजहान घर पठादेनै।

उहे रात परमेश्वर गिदोनहे कहनै, “मिद्दानीहुँक्रहनके पालमे जा ओ जब् तईँ वैनके बात सुन्बे, तईँ फेनसे नाइ डरैबे।” उहेमारे उ रात गिदोन तरे मिद्दानीहुँक्रहनके पाल वहाँ गइनै और एकथो मिद्दानी सैनिक आपन संघरियाहे सपनामे देखल बात बताइत सून्नै। ऊ सैनिक यैसिक कहतेहे, “यि सपनाके अर्थ हो कि, गिदोनके फौज मिद्दानी फौजहे हिताई।”

तबजाके, गिदोन आपन सैनिकहुँक्रहनथे लौटके गइनै ओ सक्कुहुन एक–एकथो तुरही, माटीक् गग्री ओ रा“को देनै। वैने मिद्दानीहुँक्रे सुतल समयमे घेर्नै। गिदोनके ३०० सैनिकहुँक्रे आपन रा“को गग्रीक् भित्तर धर्ले रहैँ ताकि मिद्दानीहुँक्रे रा“कोके ओज्रार नाइ देखे सेकैँ।

तब् गिदोनके सक्कु सैनिकहुँक्रे एक्केसँग रा“को देखैति गग्री फुटैनै। वैने आपन तुरही फुक्नै ओ चिल्लेनै, “यहोवा ओ गिदोनके लग् तरवार

परमेश्वर मिद्दानीहुँक्रहन अक्मक्वादेनै, तबे वैने आक्रमण करे लग्नै ओ एक–औरे जाहान मारे लग्नै। तुरुन्ते औरे इस्राएलीहुँक्रहन वैनके घरसे मिद्दानीहुँक्रहन खेदेक लग् बोलैनै। वैने धेउरे जहान मर्नै ओ बाँकी रहलहुँक्रहन इस्राएलीहुँक्रहनके जमिनसे बाहेर निकारदेनै। ऊ दिन १,२०,००० मिद्दानीहुँक्रे मुनै। इस्राएलहे परमेश्वर बचैले रहैँ।

मनइहुँक्रे गिदोनहे वैनके राजा बनैना चहाले रहैँ। मने गिदोन राजा बन्ना नाइ चहनै। मिद्दानीहुँक्रहनसे लेहेल सोन मनइहुँक्रे गिदोनहे देनै।

तब् गिदोन ऊ सोनहे मूख्य पूजाहारीक् लगइना जस्ते लुग्गा बनाइक लग् काम लगैनै। मने मनइहुँक्रे ऊ लुग्गाहे पूजे लग्नै मानोकि ऊ एक मूर्ति रहे। तबेमारे परमेश्वर फेनसे इस्राएलहे सजाय देनै काहेकि वैने मूर्तिहे पूज्नै। परमेश्वर वैनके दुस्मनहुँक्रहन वैनके उप्पर जिते देनै

अस्तेके कयौ चोट हुइल, इस्राएलीहुँक्रे पाप करैँ, परमेश्वर वैनहे सजाय देईँ तब् वैने पश्चताप करैँ परमेश्वर वैनहे छुटाइक लग् मनइ पठादेईँ। धेर धेर वर्षपापछे, परमेश्वर छुटुइया मनइहुँक्रहन पठाईँ जे इस्राएलीहुँक्रहन वैनके दुस्मनहुँक्रहनसे बचाइर्“।

अन्तमे, मनइहुँक्रे आउर देशके जस्ते आपन लग् फे परमेश्वरसे राजा मँग्नै। वैने यैसिन राजा मँग्नै जे ढेँग ओ बलगर रहे, और वैनहे लराईमे अगुवाइ करे सेके। परमेश्वरहे वैनके यि बिनति नाइ मन पर्लिन, तौन फे परमेश्वर वैनहे मागल जस्ते राजा देनै।