21. २१. परमेश्वर मसिह पठैना वाचा कर्नै

सब चीके सुरु हुइल तब्बहीसे परमेश्वर मसिह पठैना योजना कर्ले रहैँ। मसिह अइना बारेमे सबसे सुरुमे आदम ओ हव्वाहे वाचा कर्नै। परमेश्वर वैनसे यी वाचा कर्ले रहैँ कि हव्वाके वंशसे एकथो सन्तान जन्मी जे सपुवक मुन्टी कुच्ली। हव्वाहे छलुइया उहे सपुवा शैतान रहे। ऊ बाचाके अर्थ मसिह अइा ओ शैतान हे हितइना रहे।

परमेश्वर आब्राहमहे प्रतिज्ञा करनैकि उहिनद्धारा संसारके सक्कु जातिके मनइ आशिष पइहीँ। उ आशिष मसिह आके पुरा हुइना रहे। ऊ अइहप् ओ संसारके मनइनके पाप से छुटइही कहना अर्थ रहे।

परमेश्वर मोशााहे भविष्यमे मोशा जस्ते उकजने अगमवक्ता पठइम् कना वाचा कर्नै। यी फे मसिह अइना एकथो वाचा रहे।

परमेश्वर दाउद राजासे वाचा कर्नै कि हुँकार वंशके सन्तान मनइनमे सदा राज्यकरी। ओकर अर्थ मसिह दाउदके वंशके रहिहिँ।

यर्मिया अगमवक्ताद्धारा, परमेश्वर प्रतिज्ञा करले रहैँ कि उ एकथो लावा वाचा स्थापित करिहिँ, जौन वाचा सिनै पर्वतमे करल जैसिननाइ रहि पमेश्वर अपन व्यवस्था मनइनके मनम लिखीहि मनइ परमेश्वरहे नज्दिक से जनिहि। वइने परमेश्वरके मनइ हुइहिँ ओ परमेश्वर वइनके पाप क्षमा करदिहि। उ लावा वाचाके सुरु मसिह करिहिँ।

परमेश्वरके अगमवक्तन् यी फे कहनै कि मसिह एक अगमवक्रा, एक पुजाहारी ओ एक राजा रहिहिँ। अगमवक्ता उ मनइया हो जे परमेश्वरके वचन स्नथ ओ मनइनके बचमे घोषणा करदेहेथ। मसिह किल एक्के थो सिद्ध अगमवक्ता रहैँ।

इस्राइली पूजाहारीहुँक्रे मनइनके तरफसे वैनके पाप क्षमाके लग् बलि चहा्रदेइँ। पूजाहारीहुँक्रेर मनइन लग् परमेश्वरसे प्रार्थना करदेइँ। मसिह किल एकथो सिद्ध प्रधान पूजाहारी रहैँ, जे अपने आपहे सिद्ध बलिके रुपमे परमेश्वरकेथे सौ“प देहुईया रहैँ।

राजा ऊ हो, जे कौनो राज्यमे राज करथ ओ मनइनके न्याय करथ। कसिह किल एकथो सिद्ध राजा रहैँ, जे आपन पूर्खा दाउदके राजगद्दीमे बैथुईया रहैँ। ऊ सारा संंसारमे सदाके लग् राज करुइया ओ सही न्याय करुईया रहैँ।

परमेश्वके अगमवक्तन मसिहके बारेमे धेरे बातके भविष्यवाणी कर्नै। मलाकी अगमवक्ता एकजने महान अगमवक्ता अइहिँ कना भविष्यवाणी कर्नै। यशैया अगमवक्ता मसिह कन्याके कोखसे जन्मही कैके भविष्यवाणी कर्नै। मीका अगमवक्ता मसिह बेथलेहेममे जन्मही कहनै।

यशैया अगमवक्ता कहनै कि, मसिह गालीलमे बैथिहिँ, टुटल मनहे जोरदिहिँ ओ बन्धनमे परल मनइन बन्धनसे छुटादिहिँ। मसिह रोगीन् निक परिहिँ कैके भविष्यवाणी कर्नै।

यशैया अगमवक्ता यी फे भविष्यवाणी कर्नै कि मसिहहे विना कारणके मनइ घृणा करिहि। आउर अगमवक्ताहुँक्रे मसिहहे मरुइया हुँक्रे हुँकार लुग्गाक् चिठ्ठा लगैहीँ ओ हुँकार एकथो संघरिया उहिन धोखा दिहिन कैके धविष्यवाणी कर्नै। जकरिया अगमवक्ता धविष्यणी कर्नै कि मसिहहे धोखा देहुइया संघरियाहे धोखा देलेक बापतमे तीस चाँदीके तिराजाई।

अगमवक्ताहुँक्रे मसिहके मृत्युके बारेमे फे भविष्यवाणी कर्नै। यशैया अगमवक्ता भविष्यवाणी कर्नै कि मनयहुँक्रे मसिहहे थुकिही ओ पिटिही। हुँकार कौनौ गल्ती नाइ रही तौनो फे उहिन भालाले गोझिही ओ ऊ बहुत पिडासे मूहीँ।

अगमवक्ताहुँक्रे यी फे कहनै कि मसिह सिद्ध ओ पवित्र रहिहीँ। ऊ मनइनके पापके सजाय भोगिहीँ,ओ उहे सजायसे मनइ ओ पमेश्वरके बीचमे आई। उहेमारे, मसिहहे कुल्चना परमेशवरेके चाहाना रहे।

अगमवक्ताहुँक्रे भविष्यवाणी कर्नै कि, मसिह मूहीँ ओ परमेश्वर उहिन मूवलमन्से फे जीई उठैहीँ। मसिह मूनम ओ जीई उठ्नासे,परमेश्वर पापीहुँक्रहन बचैना ओ लावा वाचाके सुरु कर्ना आपन योजना पूरा करिहीँ।

परमेश्वर मसिहके बारेमे अगमवक्ताहुँक्रहन धेउरे बात बतैनै, मने मसिह वैनके पालामे नाइ अइनै। अन्तिममे जौन भविष्यवाणी देहेल बा ओकर ४०० सालसे फे धेर समयपाछे परमेश्वर मसिहहे संसारमे पठैनै।