22. २२. यूहन्नाके जनम

पहिले परमेश्वर आपन मनइनसंग् स्वर्गदूत ओ अगमवक्ताहुक्हनके माध्यमसे बोलैँ। मने ४०० सालसम् परमेशवर मनइनसँग नाइ बोल्नै। अचानक इकथो स्वर्गदूत जकरिया नाउँ रहल एकजाने पूजाहारीक्थे परमेश्वरके सन्देश लैके अइनै। जकरिया ओ हुँकार जन्नी एलिशिबा,परमेश्वरके भक्त रहैं। मने एलशिबा बाझ रहिन्।

ऊ स्वर्गदूत जकरिया कहनै, “तोहार जन्नी एकथो छावा पइहीँ। तुँ ओकर नाउँ यूहन्ना धरहो। एलिशिबा पवित्र आत्मासे भरजिहिन् ओ ऊ लर्का मसिह अइना डगरा बनाईअ मने जकरिया स्वर्गदूतके बातमे विस्वास नाय कर्नै।

तब् स्वर्गदूत जकरियाहे कहनै, “महिन परमेशवर यी खुशीक् खबर सुनाइ पठैनै। मने तुँ मोर बातमे विश्वास नाइ कर्लेक ओरसे तोहार लरका नाइ जन्मतसम् तुँ बोले नाइ सेक्बो।” तुरुन्ते, जकरिया लाट हुइगिनै। तब् स्वर्गदूत वहाँसे गइगिनै ओ जकरिया फे आपन घर गइनै ओ हुँकार जन्नी गर्भवती हुइनिन्

जब्, एलिशिबाक् गर्भवती हुइलेक ६ महिना पुगल, अचानकसे उहे स्वर्गदूत एलिशिबाक् बाहिनया मरियमके थे अइनै। मरियम एक कन्या रहिन्, हुँकार मंगनी योसेफ कना मनइयासे हुइल रहिन्। स्वर्गदूत मरियमहे कहनै, “तुँ गर्भवती हुइबो ओ एकथो छावा जन्मैबो। तुँ हुँकार नाउँ येशू धरबो। ऊ परमेशवरके छावा कहलैहीँ ओ सदासर्वदा राज्य करिहीँ।”

मरियम कहनिन्, “यी कैसिक हुइसेकि, जब्कि मय तो कन्या हुइतु?”स्वर्गदूत कहनै, “पवित्र आतमा तोहारमे अइहीँ, ओ पवित्र आत्माकृ छाया”तोहारमे परि। तबे ऊ लर्का पवित्र परमेशवरके छावा रही।” मरियम स्वर्गदूतके कहल बातमे विश्वास कर्निन् ओ स्वीकर्निन्।

स्वर्गदूतकेसँग बात कर्लेक कुछ दिनपाछे, मरियम एलिशिबाहे भेटे गैनिन्। जब् मरियमके अभिवादन एलिशिबा सुन्निन् तो एलिशिबाक् पेटके भित्तर रहल लरका खुसिसे उल्रल। वैने परमेश्वरके महिमा कर्नै। मरियम तीन महिनासम् एलिशिबाक् घर रहनिन् तब् आपन घर लौट्निन्।

एलिशिबा छावा जन्मैनिन् ओ ओकर नाउँ ‘यूहन्ना’ धर्नै। तब् जकरियाहे फेनसे परमेशवर बोल्नाहा करादेनै। जकरिया परमेशवरके प्रशंसा कर्नै।