29. २९. निर्दयी नोक्रहुवाक् कथा

एकदिन, पत्रुस येशुहे पछ्नै, मालिक, मोर भइ्या मोर बिरुद्धमे पाप करि कलेसे मइ उहिन कै चो माफ करम? का सात चो माफ करम? तब येशु कहनै कि सात चो नाइ, मने सात गणा सत्तरी चो।

“परमेश्वरके राज्य एकजने राजाके जैसिन हो, जे आपन नोक्रहुवन्स“ग हिसाब – हिताब मागल। एक थो नोकरहुवक् २,००,००० सम्के ऋण रहिस।”

“ऊ नोकरहुवा आपन ऋण तिरे नाइ सेक्लेक कारण राजा ऊ नोकरहुव ओ ओकर परिवार हुक्रहन् दास के रुपमे बेचदेना हुकुम देनै ताकि ओकर ऋण चुकाइस ”

“तब ऊ नोक्अुवा राजाक् आघे घु“डा टेकल ओ कहल कि धैर्य करो, तुहिन तिरेपर्ना जतना फे ऋण बाँकी बा मई तिरदेम। तब राजाहे नोकरहुवक् पर दया लग्निन्, ओ ओकर सक्कु ऋण माफ करदेनै।”

“जब् ऊ नोकरहुवा राजाके वहाँसे बाहेर अइलस तब् एकथो आपन सँगे काम करना औरे नोक्रहुवा हे भेटइलस जेकर थन्से २,००० सम् लेना रहिस्। तब ऊ नोकरहुवा आपन संघरिया नोकरहुवा हे कहल, महिन तिर्ना ऋण हालि तिर्।”

“तब संघरिया नोकरहुवा घोपट्या होके बिन्ती करल कि धैर्य करो, मई सक्कु ऋण तिरदेम। मने ऊ नाइ मानल ओ उहिन झ्यालखानामे दारदेहेल।”

“यी सब करत् कुछ औरे नोकरहुवन् देख्नै, तब वैने राजाक्थे जाके बतादेनै।”

“राजा ऊ नोकरहुवइ बोलैनै ओ कहनै, “तईँ हराम नोकर, मई तोर ऋण माफ करनु, तोर मे दया देखैनु। जस्तेके मइ तोर मे दया कर्नु, का तुहिन् हे ओकरमे दया नाई कर्ना रहे? तब् राजा रिससेचुर हुके, उहिन झ्यालखानामे दारदेनै।”

तब् येशू कहनै, “अगर तुह्रे आपन ह्दयसे आपन भेवन्, बहिनीयन् माफ नाइ करबो कलेसे स्वर्गमे रहुइया मोर बाबा फे तोहोन माफ नाइ करिहीँ।”