30. ३०. येशू पाच हजार मनइन् खवैनै

परमेश्वरके बारेमे प्रचार करेक लग् येशु आपन चेला हुक्रहन ठाउँ ठाउँमे पठैले रहै। जब् वैने लौट्के अइनै तब् आपन करल काम येशुक् थे वतैनै। ओकरपाछे, येशू आपनसँग चेलाहुक्रहन समुन्द्रक उपार जाइकलग् ओ शान्त ठाउँमे जाके आराम करेक लग् बोलैनै।

मने येशूहे उपार आइत धेउरेै मनइ देखलेले रहै। तब् यी मनइफे येशूक् पाछेपाछे लाउ चहरके उपार गैनै। येशूसे पहिे वैने वहाँ पुग्गिल रहैँ।

ऊ मनयनके भीरमे जन्नी मनइ ओ लर्का छोर्के ५००० से धेर थारु मनइ किल रहैँ। येशूहे ऊ भीरकेमे दया लग्निन्, काहेकी वैने गोठालाविनाके भेँरिहस रहैँ। येशू वैनहे परमेश्वरके बात सिखैनै ओ रोगी मनइन फे निक पर्नै।

जब् दिन ढले लागल, चेलाहुँक्रेर येशूहे कहनै, “अबतो साँझ हुइगील, यी मनइनहे विदा करो। अइने लग्गेक गाउँमे जाके आपन लग् खइना किनिहि ओ वहैँ रात बैथिहि।”

मने येशू चेलाहुँक्रकन कहनै, “तुह्रेही अ‍ैन लग् खइना जुटाऊ।”

येशू मनइनहे पचास–पचास जहानके समूहमे बैथेक् कहनै।

तब् येशू पाँच थो रोटी ओ दुई थो मछ्छी लेनै ओ स्वर्गओर हेरके परमेश्वरहे धन्यवाद देनै।

ओकरपाछे, येशू रोटी ओ मछ्छी खण्डा–खण्डा करैनै ओ मनइन बाँटदेहेक लग् भेलाहुँक्रहन अहै्रनै। चेलाहुँक्रेर बँट्टी रहनै मने रोटी ओ मछ्छी ओरैबे नाइ करल।

सक्कु मनइ पेट भरके खइनै। चेलाहुँक्रे १२ डाला रोटी आ मछ्छीक् टुक्रा बिटोरनै। ऊ उब्रल मछ्छी ओ रोटी कोरे रहे।