35. ३५. दयालु बाबाके कथा

एकदिन, येशू धेउरे कर उठुइया ओ पापीहुँक्रहनहे शिक्षा देहेतहै। वैने हुँकार बात सुनेक लग् जम्मा हुइल रहैँ।

वहाँ रहल धार्मिक अगुवाहुँक्रे येशूहे पापीहुँक्रहनसँग संघरिया जस्ते व्यवहार करत देख्नै,और वैने एकदोसर जहानसे येशूक् बात काटे लग्नै। तबे येशू वैनहे यि कथा कहनै।

“एकजाने मनइया रहे, जेकर दुईथो छावा रहिस्। छोटकी छावा कहल, ‘बाबा, महिन अब्बहि मोर सम्पत्तिके हिस्सा दे।

“तब् छोटकी छावा आपनते रहल सक्कु चीज जम्मा करल और आपन घरसे दूर गइगिल ओ सारा रुपिया पैसा मोजमस्तीमे उराइल।”

“कुछ समयपाछे, छोटकी छावा जौन देशमे रहे, वहाँ भोकमरी परल, ओ खैना किनेक लग् ओकरथे पैसा नाइ रहिस्। तब् ऊ सुवरहुँक्रहन चारा खवैना काम पाइल। ओकर अवस्था अत्ना दुखदायी रहिस कि ऊ सुवरिनके खाना खाए।”

“तब्, ऊ अपने आपमे सोचल कि मई यहाँ का करतु, मोर बाबाक् सक्कु नोकरहुँक्रहनसँग प्रशस्त खैना बातिन, और माई यहाँ भुखेले मरेमरे करतु। मई आपन बाबाक्थे लौटजिम ओ हुँकार नोकर बने पाऊँ कैके बिनति करम।”

“तबै, ऊ छोटकी छावा आपन बाबाक्थे लौटल। छोटकी छावा आपन बाबाक् घरेओर अइति रहे, तबहि ओकर बाबा उहिन दूरेसे देखलेहेल और उहिन छावाक्मे दया दखैनै। बाबा माइया आपन छावाक्थे दौड्ति गइल ओ आपन छावाहे समोतके चुमल।”

“ओकर छावा कहल, ‘बाबा, मई पमेश्वरके ओ तोहार विरुद्धमे पाप कर्ले बाटुँ। मई तोहार छावा हुइना योगयके नाइ हुइतु।’”

“मने ओकर बाबा आपन नोक्रहुवाहे कहल, ‘हाली जाऊ ओ मोर छावाक् लग् सबसे सुग्घुर, मजा लुग्गा लैके आऊ और मोर छावाहे घलादेऊ।’”

“तबेमारे वहाँ सक्कुजे खुशी मनाइ लग्नै। एकघचिपाछे, बरका छावा खेतवासे काम करके घरे अइलस। ऊ घरे नाचगान करत सुनल तो, का हुइता कैके अचम परल।”

“जब् ऊ बरका छावा आपन भैया लौटके आयलेक कारण खुशीयाली मनाइतै कैके पता पाइल, ऊ बरे जोर रिसाइल और घरेक भित्तर नाइ जाइ मन करल। ओक बाबा बाहेर आइल ओ उहिन भित्तर आके सक्कुहुनसँग खुशीयाली मनाइ कहल, मने ऊ नाइ मानल।”

“बरका छावा आपन बाबाहे कहल, ‘सब दिन मई तोहार सेवा करति आइल बाटुँ, तोहार हरेक बात मन्नु, मने तुँ महिन कब्बु फेन संघरियनसँग खुशी मनायक लग् एकथो पठुवा फे नाइ देलो। मने जे आपन सम्पत्ति वेश्यहुँक्रहनमे उराके आइल ओकर लग् तुँ अत्ना भारी पशु मरैलो।’”

“तब् बाबा मनइया जवाफ देहेल, ‘तुँ तो मोरसँगेहि बाटो, और मोरथे रहल सक्कु चीज तोहारे हो। मने आझिक दिन हमाहन खुशी मनइना चाही, काहेकी तोहार भैया मरल रहे, मने अब् जीई गिल बा। ऊ हेराइल रहे, मने अब् भेट्टायगिल बा।’”