36. ३६. येशूक् रुप बदलल्

एकदिन, येशू आपन चेलवन पत्रुस, याकूब ओ यूहन्नाहे आपनसँग उप्पर पहारमे प्रार्थना करे लैगिनै। ( यी यहन्ना येशूहे बप्तिसमा देहुइया वला नाइ होईँ)

जब् येशू प्रार्थना करतहै, हुँकार महार सूर्य जस्ते चहाकार हुइगिनिन् ओ हुँकार लुग्गा बत्ती जैसिन उज्जर हुइगिनिन्।

एकरपाछे, वहाँ मोशा ओ एलिशा देखा पर्नै। यी मनइ, यी समयसे सयौ”साल आघे पृथ्वीमे रहैँ। यैने येशूसँग हुँकार मृत्युके बारेमे बात कर्नै, जौन अब् हाली यरुशलेममे हुइना रहे।

जब् मोशा ओ एलिया येशूक्सँग बात करती रहैँ, पत्रुस येशूहे कहनै, “हम्रे यहाँ रहल मजा बा। हम्रे तीनथो िबैथ्ना बनैबि, एकथो तोहार लग्, एकथो मोशाक् लग् ओ एकथो एलियाक् लग्।” ऊ समयमे मई का कहतु कैके पत्रुसशे पतै नाइ रहिन्।

जब् पत्रुस बोल्ती रहैँ, एकथो ओज्रार बदरी वैनके उप्पर आइल ओ ओम्मेसे परमेश्वरके आवाज आइल, “यि मोर छावा होइर्”जिहिन मई माया कर्थु“। मई उहिनसे खुशी बाटुँ। ओकर बात सुनो।” यी सब सुनके भेलवन डरेनै ओ घोपत्या पर्नै।

तब् येशू चेलवन् छुनै ओ कहनै, “नाइ डराऊ, उठो।” जब् वैने आँजरपाँजर हेर्नै, तो वहाँ येशूहे किल देख्नै।

येशू ओ तीन चेलवन पहारसे तरे अइनै। ओ येशू वैनहे कहनै, “यहाँ हुइल घटनाके बारेमे किहिनो फे नाइ बतैहो। मई अब् हालि मरम ओ फे जीउठम। तब् तुह्रे यी बात मनइन बताइ सेक्बो।”