37. ३७. येशू लाजरसहे जिवैनै

एकदिन, येशू लाजरस बेराम रहल खबर पैनै। लाजरस ओ लाजरसके दुई थो दिदी, मरियम ओ मार्था येशूक् मिल्ना संघरियन् रहैँ। जब् येशू यि खबर सुन्नै तो कहनै, “यि बेराम मृतयुसम् नाइ पुगाई, मने परमेश्वरके महिमाके लग् हो।” येशू लाजरसहे माया करैँ, मने येशू जहाँ बैथल रहैँ वहैँ पलि रनै, लाजरसकेथे नाइ गैइनै।

दुई दिनपाछे, येशू आपन चेलाहुक्रहन कहनै, “आऊ अब् हम्रे यहूदीया लौटी।” चेलाहुँक्रे कहनै, “मने गुरुज्यू, भखृर तो वहाँक् मनइ तुहिन मारे खोज्ले रहैँ।”

येशूक्् चेलाहुँक्रे कहनै, “प्रभु, लाजरस सुतल हुइही कलेसे,ऊ उठजिहि।” मने येशू वैन साफ–साफ बतादेनै कि लाजरस मरगील बा। ओ येशू कहनै, “मई वहाँ नाई रहू“, तबे खुशी बाटुँ, काहेकी अब् तुहे्र अचमके काम देख्बो ओ मोरमे विश्वास करे सेक्बो।”

जब् येशू लाजरस घर पुग्नै, लाजरस चार दिन आघेहि मूसेकल रहैँ। येशूहे भेटे मार्था बाहेर अइनिन् ओ कहनिन्, “प्रभु तुँ यहाँ रहतो तो, मोर भैया नाइ मूवत। मने विश्वास कर्थु”कि तुँ परमेश्वरसे ज फे मङ्ग्बो कलेसे परमेश्वर तुहिन दिहिँ।”

येशू कहनै, “परनरुत्थन ओ जीवन मही हुँ। जेजे मोरमे विश्वास करि, वैने कब्बु नाइ मूहिं। का तुँ यि विश्वास कर्थो?” मार्था कनिन्, “हाँ प्रभु मइ विश्वास कर्थु।”

तब् मरियम अइनिन्। ऊ येशूक् गोरामे झुक्के कनिन्, “प्रभु, तुँ यहाँ रहतो कलेसे मोर भैया नाइ मूवत।” येशू वैन पुछ्नै, तुह्रे लाजरसहे कहाँ धर्ले बाटो?” वैनै कहनै, चिहानमे। आके हेरो।” तब् येशू रोइनै।

ऊ चिहान एकथो गुफ रहे, जेकर िदुवार बरे भारी पथ्रा रहे। जब् येशू चिहानमे अइनै, ऊ वैनहे पथ्रा हटाइ कहनै। मने मर्था कनिन् कि ऊ मरगिल बा, ओकर मरलके चार दिन हुइगिल ओ गन्ध आइ।

येशू कहनै, “का मइ तोहोन नाइ कहले रहू“, कि मोरमे विश्वास करबो कलेसे परमेश्वरके महिमा देख्बो?” उहेमारे वैने पथ्रा हटादेनै।

तब् येशू स्वर्गओर हेर्नै आ कहनै, “बाबा, तुँ मोर बात सुन्लो ओकर लग् धन्वाद। मइ जन्ले बाटुँ कि तुँ जब्फे मोर बात सुन्थो, मने यि बात मइ यहाँ रहल सक्कुहुन लग् कहतु, ताकि वैने विश्वास करैँ कि तुँही महिन पठैले बाटो।” तब् येशू चिललाके कहनै, लाजरस बाहेर आऊ।”

तब् लाजरस बाहेर आइल।

मने यहूदी धार्मिक अगुवाहुँक्रे रिस कर्नै, उहेमारे वैने येशू ओ लाजरसहे कैसिक मारी कैके योजना बनाइक् लग् भेला हुइनै।