39. ३९. येशूहे महासभामे लैगिनै

मध्यरातक सोधपूछ करेक लग् येशूहे मूख्य पूजाहारीक् घरे लैगिनै। पत्रुस फे दुरदुर रहिके येशूक् पाछेपाछे जाइतहैँ। जब् येशूहे घरेक भित्तर लैगिनै, पत्रुस बाहिरे रहनै ओ आगी तापे लग्नै।

येशूहे घरेक् भित्रे, यहूदी अगुवाहुँक्रे महासभामे धर्ले रहनै। वैने झुठा साक्षी बनैनै ओ हुँबार बारेमे झुठ बात बोल्नै। तबु फे वैनके बयान एक दोसरसे फरकफरक हुृइलेक आरसे यहूदी अगुवाहुँक्रे उहिन कौनो फे बातमे दोषी ठहराइनाइ सेक्नै। येशू कुछ फे नाइ बोल्नै।

मूख्य पूजाहारी येशूहे पुछल, “हमाहान बताऊ का तुँही मसिह हुयतो,जित्ति परमेश्वरके छावा?”

येशू कहनै, “मई हुँ, तुँ महिन परमेश्वरसँगे बैथल ओ स्वर्गसे तरे आइत देख्बो।” मूख्य पूजाहारी रिसमे आपन लगाइल लुग्गा चिठल ओ अउरे धार्मिक अगुवाहुँक्रहन कहल कि अब् हमाहन अउरे कौनो साक्षी नाइ चाही। काहेकि हम्रे एक्रे मूहसे सुनलेली।

सक्कु यहूदी अगुवाहुँक्रे कहनै, “यि मनइया मूना योग्यके बा।”

जब् पत्रुस घरेक् बाहेर येशूहे रुकतहै, एकजाने नोक्रिन्ह्या उहिन कहनिन, “तुँ फे येशूक् सँगे रहो।”

तब् पत्रुस कहनै कि मइ यि मनइयाहे नाइ चिहिन्थु“। यदि मइ यि मनइयाहे चिहिनथ हुइबु कलेसे परमेश्वर महिन सरापै“। पत्रुस येशूहे जनइ चिहिन्थु”कैके तीन चोट कथै“।

पत्रुस वहाँसे अन्ते चलगिनै ओ खुब रौइनै। यिहे बीचमे यहूदा, जे येशूहे धोखा देहेल, यहूदी अगुवाहुँक्रे यैसिके येशूहे दाष लगाइल देखल तो बरे दुखी हुइल। तब् टँग्के मरगिल।

दोसर बिहानके, यहूदी अगुवाहुँक्रेर येशूहे रोमी राज्यपाल पिलातसकेथे लेगिनै। वैने यि आश कर्ले रहैँ कि पिलातस येशूहे दोषी ठहरैहिँ ओ उहिन मृत्यु सजाय दिहिँ। पिलातस येशूहे पुछ्नै, “का तुँ यहूदीन्के राजा हुइतो?”

येशू जवाफ देनै, “तुँही यैसिक कहतो। मनेर राज्य यि संसारके नाइ हो। यैसिन रहत कलेसे, मोर सेवकहुँक्रे कोर लग् लड्तैँ। मई संसारमे परमेश्वरके सत्यता बताइ आइल बाटुँ। जे सत्य हे प्रेम करथ, वैने मोर बात सुन्थैँ। पिलातस पुछल, “सत्य का हो?”

येशूसे बता करके सेकके, पिलातस बाहेर गइनै ओ भीरहे कहनै, “मइ यि मनइयक्मे कौनो फे दोष नाइ भेटैनु।” मने यहूदी अगुवाहुँक्रे ओ भीरहुँक्रे यिहिन क्रुसमे टाँगो कैके चिल्लाइ लग्नै।

अब्बा भीर हुलदुङ्गा मच्चैहिँ कैके पिलातस डरैनै। तबे ऊ आपन सिपाहीहुक्रहन येशूहे क्रुसमे टँग्ना हुकुम देनै। रोमी सिपाहीहुँक्रे येशूहिन् कोर्रा लगैनै हो राजकिय लुग्गा लगादेनै ओ काँटक् मुकुट लगादेनै। ओ वैने ‘हेरो यहूदीन्के रज्वा’ कैके येशूक् मजाक उरैनै।