40. ४०. येशूहे क्रुसमे टँग्नै

येशूक् मजाक उराके सेक्नै तब् सिपाहीहुँक्रे उहिन कु्रसमे टाँग्ेक लग् वहाँसे अन्ते ठाउँमे लैगिनै। वैने येशूहे जौन कु्रसमे टाँगेक् लग् रहैँ उहे कु्रस येशूहे बोकैनै।

सिपाहीहुँक्रे येशूहे “खप्परे” कहना ठाउँमे लैगिनै ओ हुँकार हात ओ गोरामे किल्ला ठोकके क्रुसमे टँगादेनै। मने येशू कहनै, “बाबा यैनहे क्षमा करदेऊ, काहेकि यैने का करतै कैके नाय जन्ले होईँ। तब् सिपाहीहुँक्रे “यहूदीन्के राजा” कैके लिखके येशूक् मुन्टीथे टाँसदेनै।

सिपाहीहुँक्रे येशूक् लुगगाक् चिट्ठा लगैनै। जब् यैने यैसिक कर्नै तो यी भविष्यवाणी पूरा हुइल, वैने मोर लुगगा बट्नै, ओ मोर लुग्गाक् चिट्ठा लगैनै।

येशूहे दुइृथो चोरवन्के बीच्चे टँग्ले रहैँ। एकथो चोरवा येशूक् मजाक उराइल, मने औरे भोरवा कहल, “का तुहिन परमेश्वरके डर नाइ डरैथे? हम्रे तो दोषी बाटी, मने यी मनइया तो कुछ फे गलत नाइ कर्ले होइर्ँ।” तब् ऊ येशूहे कहल, “हे येशू, तुँ आपन राज्यमे अइबो तो महिन सम्झहो।” येशू जवाफ देनै, “आझी, तुँ मोरसँग स्वर्गमे रहबो।”

यहूदी अगुवाहुँक्रे ओ भीरमे रहल आउर सब मनइ येशूक् मजाक उरैनै। वैने कहनै, “यदि तईँ परमेश्वरके छावा हुइते कलेसे, कु्र मन्से उतरके तरे आअ ो अपनहे बचा।”

दिनके बाह्र बजल रहे, मने सारा देशभर अन्धार हुइगिल रहे ओ तीन बजेसम् अन्धारे पलि रहल।

तब् येशू जोरसे चिल्लाके कहनै, “अब् ओराइगिल।”

अपन मृत्युसे, येशू मनइनके लग् परमेश्वरकेथे अइना डगर खोलदेनै। जब् येशूक्थे थरह्याइल चौकीदारी करुइया वला सिपाही यि सब देखल तबे कहल, “जात्तिके, यी मनइया कौनो गलत काम नाइ कर्ले रहैँ। यी परमेश्वरके छावा रहैँ।”

थब् योसेफ ओ निकोदेमस यहूदी अगुवाहुँक्रे, जे येशूहे मसिह कैके विश्वास कर्ले रहैँ, वैने दुईजाने पिलातससे येशूक् शरीर मङ्ग्नै। वैने शरीरहे लुग्गासे बेहेर्नै ओ चिहानके भित्तर धारदेनै। वैने चिहानके दुवार बन्द करेक लग् बरे भारी पथ्रा लगादेनै।