45. ४५. मण्डलीके शुरु

येशू स्वर्गमे लौट्लेक् पाछे, चेलाहुँक्रे येशूक् अहा्रइल अनुसार यरुशलेममे बैथल रहनै। वहाँक् विश्वासीहुँक्रे हरदिन प्रार्थना कर्ति रहनै।

हर साल, निस्तार तिउहारके ५० दिनपाछे, यहूदीहुँक्रे पेन्तिकोसके दिन मनाईँ। पेन्तिकोस ऊ समय रहे, जब् यहूदीहुँक्रे उत्सव मनैना करैँ। सारा संसारके यहूदीहुँक्रे यरुशलेममे पेन्तिकोसके दिन मनाइ आईँ। ऊ साल, पेन्तिकोसके दिन येशूके स्वर्ग लौटल १० दिनपाछे आइल रहे।

जब् विश्वासीहुँक्रे सबजाने एक्केथे रहैँ, अचानक वैने बैथल घर एक शक्तिशाली हावाके झोक्का जस्ते आवाजसे भरगिल। आकरपाछे आगीक् ज्वाला जस्ते बिल्गैना वस्तु सक्कु विश्वासीन्के मुन्टिक् उप्प् देखाइ परल। वैने सबजे पवित्र आत्मासे भरगिनै ओ अन्यभाषामे बोले लग्नै।

जब् यरुशलेममे रहल मनइ ऊ हल्ला सुन्नै, भित्तर का हुइता कैके हेरे अइनै। जब् मनइहुँक्रे विश्वासीहुँक्रे परमेश्वरके अचम्मके कामके परचार करत सुन्नै, वैने अचम् पर्नै काहेकि वैने यि सब् बात अपन भाषामे बोलत सुनतहैँ।

कोई कोई मनइहुँक्रे चेलाहुँक्रे मत्वार बाटै कैके वैनके मे हँस्नै ओ आरोप लगैनै। मने पत्रुस उठ्नै ओ वैनहे कहनै, “मोर बात सुनो

“इसा्रएलके मनइहुँक्रे हो, येशू एक मनइ रहैँ जे परमेश्वरके शक्तिसे धेरे महान चिन्ह ओ अचमके काम कर्नै, जौन तुह्रे देख्ले बाटो ओ पता पैले बाटो। मने तुह्रे उहिन क्रुसमे टँग्लो

“येशू मूनै, मने परमेशवर उहिन मूवलमन्से जीई उठैनै। यि बात ऊ भविष्यवाणी पूरा हुइल, ‘तुँ आपन पवित्र मनइयाहे चिहानमे सरे नाइ देबो। ’ हम्रे यिहे बातके साक्षीहुँक्रे हुइति, कि परमेश्वर येशूहे फिनसे जीई उठैनै।”

“येशू अब् परमेश्वर बाबाक् दाहिन हात पा“जर महिमित बाटैँ। ओ आपन प्रतिज्ञा करल अनुसार येशू पवित्र आत्मा पठैले बाटैँ। तुह्रे अब्बे जौन देखतो ओ सुनतो यि सब पवित्र आत्मा करतैँ।”

“तुह्रे येशूहे क्रुसमे टँग्लो। मने यि बात पक्कासे जानलेऊ कि परमेश्वर येशूहे प्रभु ओ मसिह दुनु बनैनै

पत्रुसके बात सुनुइया मनइहुँक्रे हुँकार बातसे प्रभावित हुइनै। तबे वैने पत्रुस ओ चेलाहुँक्रहन पुछ्नै, “भैयाहुँक्रे, हम्रहन का करेक परि?”

पत्रुस वैनहे कहनै, “तुश्रे हरेक जे आपन पाप स्वीकार करेक परि ओ येशू खी्रष्टके नाउँमे बप्तिसमा लेहेक परि, तब् परमेश्वर तोहानके पाप क्षमा करिदिहिँ। ओ परमेश्वर तोहोन पवित्र आत्मासे भरदिहिँ।”

लग्भग् ३००० मनइ पत्रुसके कहल बातेमे विश्वास कर्नै ओ येशूक् चेला बन्नै। वैने बप्तिसमा लेनै ओ मण्डलीक् हिस्सा बन्नै।

ऊ चेलाहुँक्रे हरेक दिन पे्र्ितहुँक्रहनके शिक्षा सुनै“, एकसाथ समय बिताईँ, एकसाथ खाईँ, ओ एक–दोसरकेसँग प्रार्थना करैँ। वैने एबसँगे परमेश्वरके प्रशंसा करैँ ओ आपनथे रहल सब चीज एक–दोसरसे बाँटैँ। हरेकजे वैनके बारेमे मजा सोचैँ। दिनदिने आउर धेउर मनइ विश्वास कर्तिै गैनै ओ बहर्ति गैनै।