11. निस्तार चाड

परमेश्वर फारोके अगर और बो इस्राएलीनके मिश्रीदेशसे जानके ना दई कारणसे आदमी और जनावरनको जेठो लोग सन्तानके मारनके चेतावनी दै। जब फारो जहे बात सुनी, हबेफिर परमेश्वरके विश्वास कारन और बाकी आज्ञा मानन्के इन्कार करदई।

परमेश्वर बाकीमे विश्वास कारन तानी अपन जेठो सन्तानके बचान सिकन एक डगर प्रदान करी। सबए परिवार एक खोट रहित थुमाके छानके बोके मारनके रहए।

परमेश्वर इस्राएलीनके बो थुमाको खुन बिनके घरको दुवारेको फाटकमे लगामए, तओ बोको बुट्टी भुजके खमिर नाडारके रोटीसंग खानके कही। तओ फिर बो खाईके पिछ्छु बे मिश्रदेश छोडन तयार होनके फिर बा कही।

इस्राएली परमेश्वर कही जैसी करी। आधिरातमे परमेश्वर मिश्र हुईके जात रहए और पहिले जन्मनवारे सब लौणाके मारी।

सब इस्राएलीनके घरको फाटकमे खुन पोती रहएं, जहेमारे परमेश्वर बे घरके छोडके गईभओ। बे भितर रहे सब जनै सुरक्षित रहए। थुमाको खुनके कारणसे बे बचे रहए।

पर मिश्री परमेश्वर उपर उपर विश्वास नाकरी न त बाको आज्ञा मानि। जहेमारे परमेश्वर बिनको घरके नाछोडी। परमेश्वर मिश्रीनको सुरु जनमो लौणानके सबके मारी।

सब मिश्रीके जेठो लौणा मरे, कैदीको जेठो लौणासे लैके फारोको जेठो लौणातक, सब जनै मरे। मिश्रीदेश गजब आदमी वेदनाके कारणसे रोमए और चिल्ला मए।

बाहे रात फारो मोशा और हारुनके बुलाई और कही, “इस्राएलीनके लिओ, तओ तुरन्तए मिश्रीदेश छोडके चलोजा