12. प्रस्थान

इस्राएली मिश्रदेश छोडके जान पाएके गजब खुशी रहए। बे अब दास नारहे, और बे प्रतिज्ञा करो देशमे जात रहए।

परमेश्वर दिनमे बादरको ढेगो खमम्बासे बिनके निगाई, बो बिनके अग्गु अग्गु जात रहए, जोनी रातमे चाही आगीको खमम्बा बनत् रहए। परमेश्वर बिनकीसंग सदामान बिनकेसंग होत रहए तओ यात्राके समयमे बिनके डगर दिखाई। इस्राएलीनके कारनबारो काम एक खाली केवल बाके पछ्यानके रहए।

बाके कुछ समय पिछ्छु, फारो और बिनके आदमी अपन विचार परिवर्तन करी और इस्राएलीनके फिर अपन दास बनानके सोची। परमेश्वर फारोके हेकड़ बनाए दै ताकी आदमी बाके एक सत्य परमेश्वर हए कहीके देखए और जा जनए कि बा अर्थात याहोवे, फारो और बाकि देवतासे फिर गजब शक्तिसाली हए।

जहेमारे फारो और बाकी फौज इस्राएलीनके फिर अपन दास बनानके तानी ढुदत आए। जब इस्राएली मिश्री फौजके आत् देखि, बे अपनएके फारोके सेना और लाल समुन्द्रके बीचमे फसो चाल पाई। बे गजब डराई गए और आइसे कर्के चिल्लाई, “हम कहे मिश्रदेश छोडे? अब हम मरंगे

मोशा इस्राएलीनसे कही, “ मत डराबओ

तओ परमेश्वर बादरको खम्बाके इस्राएली और मिश्रीनके बीचमे धरदै ताकी मिश्री इस्राएलीनके नादेख पामए।

परमेश्वर मोशाके बाको हात समुन्द्र घैन उठाई पानी दुई भाग बनए करके कही। और परमेश्वर दाहिन और दिब्रा घेन शक्तिशाली हावा चलाएके समुन्द्रके बीचसे एक डगर बनाइदै।

इस्राएली सुख्खा जमिन उपर पानिकी भितको बीचसे समुन्द्रमे लाम लगाएर हिडे।

तओ परमेश्वर बो बादरके डगरसे हटाई दई ताकी मिश्री इस्राएलीनके भागत कर्के देखन सिकए। मिश्री बिनकी पछ्छु लगन निर्णय करी।

जहे कारण बे समुन्द्रकी दगर होत इस्राएलीनके पछ्छुलागे, पर परमेश्वर मिश्रीनके अत्याइदई और बिनकी घोडानके अट्काई। बे चिल्लाईके कही, “भाग

सब इस्राएली सकुशल समुन्द्रकी बो पार पुगे पछ्छुक, परमेश्वर मोशाकी पसारी। जब बा अैसे करी, फिर समुन्द्र पहिले जैसो हुईगओ। पुरा मिश्री फौज डुबे।

जब इस्राएलीसब मिश्रीनके मरो देखी, बे परमेश्वरमे भर करी और मोशा एक अगमवक्ता हए कहीके विश्वास करी।

इस्राएली गजब आनन्द फिर मनाई कहीकी परमेश्वर बिनके मरन और दासत्तोसे बचाई रहए

इस्राएलीनके परमेश्वर मिश्रीनकी बिरुद्धसे विजय दई और बे दासत्वसे बचाई कर्के सम्झनाकी तानी सब बर्ष निस्तार चाड मनानके कही। बे सो पर्ब एक निष्खोट थुमा मारके बोके खमिर नाडारके रोटीसंग खाईके मनाई।