15. प्रतिज्ञाकी मुलुक

अनन्त, इस्राएलीनकी प्रतिज्ञाकि मुलुक कनान भितर प्रवेश कारन समय आइगाओ रहए। दुई जनई जासुसनके कनानी शहर यरिहोमे पठाई, जौन तगडे किल जैसे संरक्षित रहए। बो सहरमे राहाब नामकि एकजनई व्यभिचारी लौदिया रहात रहए जौन बे जासुसनके लुकन और पछ्छुके बिनके भागन सहायता करी। बा परमेश्वर उपर विश्वास कारनकी कारणसे जे सब काम करी। बे यरिहो शहरके खतम कारन बेला राहाब और बाकि परिवार चाही सुरक्षित कारनके वाचा करी।

इस्राएली प्रतिज्ञाकी मुलुक भितर घुसनसे अग्गु यर्दन नदिया पार कारन रह। परमेश्वर यहोशुके कही, “ पहिले पुजाहारीनके जान देओ।” जब पुजाहारी यर्दननदिया भितर घुसे, बाहान वालो पानी बहानके रुकिगाओ जहे कारण इस्राएली अब नदिया कि दुसरो घईन, सुख्खा भुमि घै जानके सिके

यर्दन नदिया पार कर्के पछ्छुक, परमेश्वर यहोशुके यरिहोकी शक्तिशाली शहर उपर आक्रमण कारन तरिका बताई। आदमी परमेश्वरकी आज्ञापालन करी। परमेश्वर कहो जैसी, सिपाही और पुजाहारी ६ दिन समले लगातार यरिहोकी शहरमके घेरा बनाएके बाकि आसपिस घुमी।

तओ सातौ दिनमे इस्राएली औरो सात चोटी शहरकि आसपिस घुमी। जब बे अन्तिम चोटी शहरकी आसपिस घुमत रहए, सैनिक गजब जोडसे चिल्लाई और पुजाहारी अपन तुरही फुकी।

तओ यरिहोकी चारौ घैनक बेडा गिरिगए। इस्राएली परमेश्वरकी कही जैसो शहर रहो सब चिजके खतम करी। बे केवल राहाब और बाकि परिवारके खालि छोड्दई, बे पछ्छु जाएके इस्राएलीनकी हिस्सा बने। जब कनानमे रहानवाले और आदमी इस्राएलीके कारणसे यरिहो शहर खतम हुइगाओ कर्के पता पाई, इस्राएली अब दुस्रो शहरमे आक्रमण करंगे कर्के बे भयभित हुईगए।

परमेश्वर इस्राएलीनके कनानबे बैठान बाले कोइ फिर समूहके आदमीसंग कोई फिर सन्धि नाकारनके आज्ञा दई रहए। पर कनानकि एक गिबोनी नाम भओ जातको आदमी यहोसुके छल करी और अपना कनान देशसे दुर गाउसे आओ हओ कहीके ठगी। बे यहोशुसंग शान्ति-सन्धि कारन प्रस्ताब करी। यहोशु और इस्राएली परमेश्वरके बे गिबोनी कहाँसे आए हए कहीके ना पुछी। तओ यहोशु बिनकी संग शान्ति-सन्धि करी।

जब इस्राएलीअ अपनी बे गिबोनीकी कारणसे छलो पता पाईगए, बे गजब गुस्सा हुईगए, पर बिनकी संग धरो सन्धि रोके रहए काहेकी बो चाही परमेश्वरकी अग्गु करो भओ प्रतिज्ञा रहए। कुछ साने पछ्छु, कनानमे रहान बाले और` जातिकी राजा, अम्मोनी, गिबोनी इस्राएलीनके संग शान्ति-सन्धि करो बात सुनी, तही बो अपन सैनिकके एकिकृत कर्के गजब बडो फौज बनाई और गिबोन उपर आक्रमण करी। गिबोनी यहोशुके सहायताकी तानी संदेश पठाई।

तही यहोशु इस्राएलके सैनिकके एक ठाउमे बैठाई और गिबोनी ठिना पुगन पुरा रात नेगी। झिसमिसे उज्यारोमे बे अचानक अम्मोनी फौज उपर आक्रमण करी।

बो दिन परमेश्वर इस्राएलीनके तही लडदई। बा अम्मोनीके अन्योलमे करदईऔर बढेबढे असिना बर्साई दई, जा कारणसे गजब अम्मोनी मरिगए।

परमेश्वर सुर्यके आकाशकी एक ठाउमे स्थिर कर्के रख्खी, ताकी इस्राएलीनके संग अम्मोनी के परास्त कारन ताही गजब समय होबए। बो दिन, इस्राएलीके ताही परमेश्वर महान विजय दई।

परमेश्वर बे फौजके परास्त कर्के पछ्छु कनानके और गजब जाति एकिकृत हुईके इस्राएलके आक्रमण करी। यहोशु और इस्राएली फिर आक्रमण करी और बे खतम हुईगए।

जा लडाई पछ्छु परमेश्वर इस्राएलके सब कुलके बिनकी अपनी प्रान्त प्रतिज्ञा करो मुलुकमे दई। तओ परमेश्वर सारा इस्राएल और बाकी सिमानामे समेत् शान्ति दई।

जब यहोशु बुढ्डा भओ, बा इस्राएलके पुरा आद्मिनके एक ठाउमे भेला कराई। तओ बा बे आद्मिनके सिनै पर्वतमे इस्राएलीन संग परमेश्वर करो भओ करार पालन कारन बाध्यताकी स्मरण कराई। आदमी परमेश्वरमे विश्वासयोग्य होन और बाकी व्यवस्था पालन कारन तही प्रतिज्ञा कराई।