16. छुट्कारा देनबाले

यहोशु मरिगओ तओ, इस्राएलीअ अनाज्ञाकारी हिईगए तओ बाँकी रहो कनानीनके न हुनासे भगाई ना परमेश्वरकि आज्ञा मानी। इस्राएली याहोबे, यकए सत्य परमेश्वरके पुजनकी सट्टामे कंनानी देवके फिर पुजन लागे। इस्राएलीनकी कोई राजा ना रहए, तही सब अपनएके जो ठिक लगत् रहए, बहे करत् रहए।

परमेश्वरके अटेर करत रहए तही बा शत्रुनके इस्राएलीनकी उपर विजय दईके दण्ड दई। जे शत्रु इस्राएलीनकी सामान लुटी, बिनकी सम्पति नाश कर्दई और गजबके मार दई। गजब बर्ष समले परमेश्वरकी अनाज्ञाकारी रहए तही और अपन शत्रुनसे थिचोमिचोमे रहए तही, इस्राएली पश्चाताप करी और छुट्काराकी ताही परमेश्वरसे प्राथना करी।

तओ परमेश्वर बिनकी ताही एक जनई छुट्कारा देन बालो आदमीके पठाई, जौन बिनके शत्रुनसे बचाई और देशमे शान्ति लाई। पार फिर आदमी परमेश्वरके भुल्गए और मुर्तिनके पुजन सुरु करदई। तही परमेश्वर मिद्यानी(डीगई बैठान बालो एक जाति जो इस्राएलीनकी शत्रु रहए)के बिन्से विजय होनदई।

सात वर्ष समले मिद्यानी इस्राएलीनकी सब अन्नबाली लिगए। इस्राएली इत्तो डराई गए रहए कि मिद्यानी ना पामए कर्के बे गुफामे लुकन काम करात रहए। आखिरमे बे बचन तानी परमेश्वरके पुकारी

एकदिन, गिदोन नाउ भओ इस्राएलको एक जनै आदमी लुक्के अन्न कुतत रहए ताकी मिद्यानी आएके अन्न नालुटपामए। बहे समय याहेवे एक दुत गिदोन ठिना आइके कही,“परमेश्वर तिर संग हए, वीर योद्धा। जाओ और इस्राएललके मिद्यानीनकी हातसे बचाओ।”

गिदोनको दौवा मुर्तिके अर्पण कर्के बनाओ एक वेदी रहए। परमेश्वर गिदोनकि बो मुर्तिके भत्कान लग्गओ। पर गिदोन आद्मिन डराने रहए, तही रात नाहोन्जेल बो रुको रहो। तओ बा बो वेदीके भत्काई दई और बोके खुद्रा-खुद्रा कर्दई। बा मुर्तिके ताही बनो वेदीकी डीगई परमेश्वरकि ताही एक नया वेदी बनाई और परमेश्वरकी ताही बलि चढाई।

दुस्रो सबेरे कोई बिनकी वेदी भत्काई कर्के आदमी देखि और बे गजब गुस्सा हुईगए। गिदोनके मारन ताही बे बाको घर गए, पर बाकि दौवा बिनसे कही,“ तुम अपन देवताके सहायता कारन डुदत हओ? अगर बो देवता हए कहेसे, बो अपनएके बचाबए

तओ फिर मिद्यानी फिर इस्राएलीनके लुटन आए। बे इत्तो रहए कि बिनके गिनन फिर साध्य नारहए। बिनकी संग लडाई कारन ताही गिदोन इस्राएलीनके एकठिन भेला करी। गिदोन परमेश्वर संग दुई चिन्ह मागी ताकी इस्राएल बचान ताही परमेश्वर बाके चलाई रहए कहीके बा निश्चिन होन सिकए।

पहीलो चिन्हकि ताही, गिदोन एक कपडा जमिनमे बिछाई और परमेश्वरकि बिहानको शीत जमिनमे ना रहीके केवल जा कपडामे खालि कारन ताही अनुरोध करी। परमेश्वर अईसी कर्दई। दुस्रो चोटी चाही बा जमिन भिजाई देनके और कपडाके चाही सुख्खा कारन ताही परमेश्वरसे अनुरोध करी। परमेश्वर अइसी फिर कर्दई। जे दुई चिन्हसे गिदोनके मिद्यानीनसे इस्राएलीनके बचान ताही परमेश्वर बाके चलाई हए कहीके बिश्वस्त कराई।

३२,००० इस्राएली सैनिक गिदोन ठिना आए, पर परमेश्वर बाकि जा संख्या गजब हुईगओ कही। तही गिदोन लडाई कारन दरान बाले २२,००० जनाके घर पठाई दई। परमेश्वर गिदोनके आद्मिनको संख्या हबे फिर गजब हए कहीके बताई। तही गिदोन ३०० सैनिक बाहेक सबएके घर पठाई दई।

बो रात परमेश्वर गिदोनके कही, “ मिद्यानीनकि पालमे जा और जब तए बिनकी बात सुनईगो, तए फिर नाडरए हए।” बहे कारण बो रात गिदोन तरे पल्लीमे गओ तओ एक जन मिद्यानी सैनिक अपन संगीके सपनामे कछु बात कही कर्के सुनी। बो मनई अइसे कर्के कहात रहए, “ जा सपनाकि अर्थ हए कि, गिदोनकि फौज मिद्यानीकि फौजके परास्त करंगे

तओ फिर गिदोन अपन सैनिक हुना घुमी गओ और सबके एक-एक तुरही, मत्तीकि घल्ला और राको दई। बे मिद्यानी सन वालोके शुविरके घेरा करी। गिदोन ३०० आद्मिन अपन राको घल्ला भितर धरे रहए ताकी मिद्यानीनकी राकोकि उज्यारोदेख नापामए।

तओ गिदोनके सब सैनिक यकए चोटी राको दिखाएके अपन घल्ला फोरी। बे अपन तुरही फुकी और चिल्लाई, “याहोवे और गिदोनकि ताही तरवार

परमेश्वर मिद्यानीके अन्योलले कर्दई, तही बे आक्रमण कारन लागे और एक दुस्रेक मारन लागे। तुरन्तए दुसरे इस्राएलीनके बिनकी घरसे मिद्यानी मिद्यानीले भगान बुलाई। बे गजबके मारी और बाकी रहोके इस्राएलीनकी जमिनसे बाहर भगाई दई। बो दिन १,२०,००० मिद्यानी मरे। इस्राएलीनके परमेश्वर बचाई रहए।

आदमी गिदोन के बिनकी राजा बनानके चाहत रहए। गिदोन बिनके अइसो कारन ना दई, पर बे मिद्यानिसे लई सोनोकि कुछ अंगुठी मागी। आद्मिं गिदोनके गजब मात्रामे सोनो दई।

तओ गिदोन बे सोनोके प्रधान पुजाहारी लागत जैसी एक विशेष कपडा बनानकि ताही प्रयोग करी। पर आदमी बोके पुजन लागे मानओ कि एक बो मुर्ति रहए। तही परमेश्वर फिर इस्राएलनके दण्ड दई काहेकी बे मुर्तिके पुजी रहए। परमेश्वर बिनकी शत्रुनके बिनसे विजय होन दई। आखिरमे बे परमेश्वरके सहायताकि ताही पुकारी, तओ परमेश्वर बिनके दुसरो एक जनई छुट्कारा देन बालो मनई पठाई।

जा प्रकारकी खाका गजब चोटी इस्राएली पाप करत रहए, परमेश्वर बिनके दण्ड फिर देत रहए, बे पश्चाताप करत् रहए और परमेश्वर बिनके बचान ताही छुटकारा देनबाले फिर पठाई जौन इस्राएलीनके बिनकी शत्रुसे बचाई।

अन्तिममे, आदमी दुसरे राष्ट्रमे रहो जैसो परमेश्वर संग एक जनईकि माग करी। बे अइसो राजा चाहात रहए जो ढेगे और तगडे होबए, और बिनके लडाईमे अगुवाई कारन सिकए। परमेश्वर जा अनुरोध मन ना पडाई रहए बोफिर बिनकी धुड़ोजैसो राजा दई।