4. अब्राहामसंग परमेश्वरको करार

जलप्रलयको गजब बर्ष पिच्छु, संसारमे आदमीको संख्या फिर वृद्धि होत गओ, और बे सब यकए भाषा मस्कट रहए। पर परमेश्वर आज्ञा करो बमोजिम पृथ्वीमे भरनको सट्टा बे एकसाथ बेला हुइके एक सहर निर्माण करन लागे।

बे गजब घमण्डी रहए, तओ परमेश्वर कहो बातसे बे वास्ता नाकरी। बे स्वर्ग सम पुगनकी ताही धरहरा निर्माण करन लागे। अगर बे और संङ्गए दुष्ट काम करात गए कहेसे बे और गजब अधर्मी हुइहए कहीके देखि।

तही परमेश्वर बिनके भाषाके और गजब भाषामे बदल दई तओ आदमिनके पुरा संसार भर तितर-बितर कर्दई। बे बनान बालो शहरको नाम “बाबेल” रहए, जाको अर्थ “अलमलमे पार्नो” रहए।

सयौँ बर्ष पिच्छु, परमेश्वर अब्राम नाम काहान बालो एक जनई संग मस्की। परमेश्वर बाके कही, “तिर देश और घरानाके छोड और मए तोके दिखान बालो ठाउँमे जा। मए तुक आशिष देमंगो और तोके दओ ठाउँ एक माहान रास्ट्र बनामंगो। मए तिर नाउँ माहान तुल्यामंगो। मए तिर नाउँ बणो करंगो। तोके आशिष देन बालेन्के मए आशिष देमंगो और तोके श्राप देन बालेन्के मए श्राप देमंगो। पृथ्वीमे भओ ओउरा घराना तिर कारणसे आशिषित होमंगे।

तओ अब्राम परमेश्वरको आज्ञा मानी। बा अपनी बैयर साराइ, अपन पुरा नोकरनके और अपन सबए चिज लैके परमेश्वरको दिखाओ भओ देश कनान घैन गओ।

अब अब्राम कनानमे पुग्गओ, परमेश्वर कही, “अपन चारौं घैन देख। तए और तेरो सन्तानके तए देखन सिकन जित्तो अब देश पैकृत सम्पतिके रुपमे तोके देमंगो।”तओ अब्राम बो देशए बैठन लग्गओ।

एकदिन, अब्राम अर्वोच्च परमेश्वर पुजाहारी, मल्कीसदेकसे भेटी। मलकी सवेदक अब्रामके आशिष दैके कही, “आकाश और पृथ्वीको मालिक, सर्वोच्चाको परमेश्वर तुमके आशिष दियुन। ” तओ अब्राम मल्की सेदेके आपनो सम्पति पुरा हीस्षा ई

गजब बर्ष बतिगओ पर अब्राम और साराइको कोई सन्तान नाभओ रहए। परमेश्वर अब्राम संग मस्की और फिर प्रतिज्ञा करी कि बाको एक लौणा होबैगो और बाको सन्तान आकाशको तारा कतन् होमंगे। आबाम ओअर्मेस्वरको प्रतिज्ञामे बिश्वास करी। परमेश्वर अब्रामके धर्मी ठहराई कहेकी अब्राम परमेश्वरको प्रतिज्ञामे बिस्वाश कर्लई।

तओ परमेश्वर अब्राम संग एक करार बाँधी। करार चाहीं दुई पक्षबीचको सम्झौता हए। परमेश्वर कही, “तिर अपनी शरीरसे मए तोके एक लौणा देमंगो। कनान देश मए तिर सन्तानके देमंगो। ”पर अब्राम संग और फिर यकऊ लौणा नाए रहए।