5. प्रतिज्ञाको सन्तान

कनानमे बसाई सरो १० बर्ष कटिगओ बो फिर अब्राहाम और सराईकी कोई सन्तान नाए भओ रहए। जहेमारे अब्राहमकी बैयर सराईसे कही, “ परमेश्वर मेरो कोख बंद करदै हए और अब सन्तान पानके ताहीं मए बुढीया हुईगओ हओ। जहेमारे तए दासी हागारसंग बिहा करले और बो मेरे ताहीं एक सन्तान देबैगी।”

जहेमारे, अब्राहाम हागारसंग बेहा करलई। हागार एक लौणा जनमाई, और अब्राहम बोको नाम इश्माएल धरी। पर साराई हागारकी दिक मानन् लागी। इश्माएल तेरा बर्ष भओ, तओ परमेश्वर फिर अब्राहामसंग मास्की।

परमेश्वर कही, “ मए सर्वशक्तिमान परमेश्वर हओ। मए तेरेसंग एक करार बधंगो।” तओ अब्राहम जमिनमे घुप्टा पणके दण्डवत करी। परमेश्वर फिरके कही, “ तए गजब राष्ट्रको दौवा होबैगो। कनान देशके मए तोके और तेरे ] सन्तानन्के हातमे सौप देहओ। और मए सदामान बिनको परमेश्वर होमंगो। तए अपने घरानाको सबए लौणनको खताना करंगो।”

“तेरी बैयर साराई एक लौणा जनमाबैगी बो फिर प्रतिज्ञा करो सन्तान होबैगो। तए बोको नाम इसहाक धारीए बोके संग मए मेरो करार बाधंगो, और बोको बडो राष्ट्र होबैगो। मए इश्माएलके फिर बणो राष्ट्र देमंगो। और मए मेरो करार चाहिँ इसहाकसंग नाए बाधंगो।” जहेमारे अब्रामको नाम अब्राहाम धरदई, जाको अर्थ हए गजबनको दौवा। परमेश्वर साराई कि नाम फिर अब ‘सारा’ धरदै, जाको अर्थ हए “राजकुमारी"।

बो दिन अब्राहाम अपन घरबारे सबए लौणनके खतना करदै। बोको करिब एक बर्ष पिछ्छु, अब्राहाम सय बर्षको और सारा नब्बे बर्षकि भाई, सारा अब्राहामको लौणा जनमाई। परमेश्वर कहो जैसो बे बाको नाम इसहाक धरी।

जब इसाहक छोटो रहए, परमेश्वर अब्राहामको विश्वास जाच करी और कही, “ तेरो एक लौणा इसहाकके लैजा और बोके मेरे ताही बलि चढा।” अब्राहाम परमेश्वरसे कही बात मानिगाओ और अपन लौणाके बलि देन तयार हुइगाओ।

जब अब्राहाम और इसहाक पहाड घेन जात रहए, इसहाक पुछी, “दौवा, हमारसंग बलिको ताही कठिया हए, पर भेडा चाहिँ कहाँ हए?” अब्राहाम जवाफ दई, “ हे मिर लौडा परमेश्वर अपनए बलिके ताही भेडा जुटाबैगो,।”

जब बे वेदीके ठाउमे पुगे, अब्राहाम अपन लौणाके बाधी और और बोके वेदीमे धरी। जब बो अपन लौणाके बलि कारन जात रहए, परमेश्वर कही, “रुक्जा

हुना ढिगई अब्राहाम एक भेडाके झाडमडीयारोमे इटको देखी। परमेश्वर बो भेडाके इसहाकके सट्टा बलिदानके ताही धरे रहए। अब्राहाम खुसी हुइके बोके बलि चढाई।

तओ परमेश्वर अब्राहामसे कही, “ तए मेरे ताही अपन सबथोक देन तयार हए। जहेमारे, और तेरो एकल्लो लौणा बो फिर तए नारखाओ, मए तुक आशिष देन प्रतिज्ञा करत् हओ। तेरो सन्तान आकाश के तारासे जद्धा होमंगे। तए मेरी बात मानको कारणसे, संसारके सबए घराना तेरो घरानासे आशिषित् होमंगे।