44. पत्रुस और यूहन्ना भिखारीके अच्छो करी

एकदिन, पत्रुस और यूहन्ना मन्दिरमे जात रहए। जैसी बे मन्दिरको ढोकामे पुगे, बे एक जनै आदमीके देखिँ जो पैसाको ताहीं भीख मानत् रहंए

पत्रुस बो लंगडा देखके कही, “तुमके देन ताहींमिर ठिन रुपैया त नाहए। पर मिर संग जो हए, मए तोके देमंगो। येशूको नाउँमे उठ और नेग

तुरनत्ए, परमेश्वर बो लङ्गडो आदमीके अच्छो करी, फिर बो नेगत और कुदत परमेश्वरको प्रशंसा करन लग्गओ। मन्दिरको चोकमे भए आदमी जा देखके अचम्मो हुइगए।

एक छिनमे आदमीको भिड बो अच्छो भओ बो आदमीके देखन आए। पत्रुस बिनसे कही, “जा आदमी अच्छो भओ कहीके तुम काहे अचम्म हओ? हम बुक हमर अपनी शक्ति वा भलाईसे अच्छो ना करे हँए बरु, जा त येशूको शक्ति बाको दओ गओ विश्वास हए, जौन जा आदमीके अच्छो करी।”

“तुम्ही हओ जौन रोमी राज्यपालके येशूके मारन कही। जीवनको रचनाकारके तुम मारदए। पर परमेश्वर बाके ,मृत्युसे उठाई। तुमके अपना का करत हओ कहीके पता नाहए बो फिर, परमेश्वर अगमवाणीनके पुरा करन तुमहर काम चलाई, कि मसिह कष्ट भोगैगो और मरैगो। तही अब, पश्चाताप करओ और परमेश्वर घैन घुमओ ताकी तुमहर तुम्हर पाप धुइजए हए।”

पत्रुस और यूहन्ना को कहो बातसे मन्दिरके अगुवा गजब गुस्सा रहंए। तही बे उनके पकडी और झ्यालखानामे डार दै। पर गजब आदमी पत्रुसको संदेशके विश्वास करीं, और येशू विश्वास करन बाले आदमीको संख्या करिब ५,ओऊ भओ।

दुस्रो दिन, यहूदी अगुवा पत्रुस और यूहन्नाके प्रधान पूजाहारी और दुस्रे धार्मिक अगुवाको अग्गु लाई। बे पत्रुस और यूहन्नासे पूँछि, “कौन्छो शक्तिसे तुम जा लंगडा मनैके अच्चो करे?”

पत्रुस जवाफ दै, “तुम्हर ढिँगै ठाडो जा आदमी येशू शक्तिसे अच्चो करे हओ। तुम येशुजे क्रूसमे टाँगी, और परमेश्वर येशूके क्रूसमे टाँगी, पर परमेश्वर बाके फिर जिन्दा करी

पत्रुस और यूहन्ना उइसे हाहसके संग मस्कत देखके बे अगुवा छक्क हुइगए कहीकी बे देखन सकत हए कि बे साधारण और अशिक्षितआदमी रहंए। पाए पर पिच्छु जे आदमी येशू संग राहात रहए कहीके बिनके याद हुइगओ। पत्रुस और यूहन्नाके चेतावनी दैके बे उनके छोड दै।