45. फिलिप और इथियोपिका उचे पदअधिकारी

सुरुके मण्डलीके अगुवा मैसे स्तिफनस नाउँ भओ एक आदमी रहए। बे अच्छे प्रतिष्ठा और पवित्र आत्मा और बुध्दीसे भरपुर् भए आद्द्मी रहएं। स्तिफनसल बहुत अचमको काम करी और आदमीनके येशुमे विश्वास करन पणत हए कर सशक्त ढगसे तर्क करत रहए।

एक दिन जब स्तिफानस येशुके बारेमे शिक्षा देत रहए, येशुमे विश्वास नाए करन बारे कोइ यहुदी स्तिफानससे बिबाद करन लागे। बे बहुत क्रोधित भए और स्तिफानसके सम्बान्धमे धार्मिक अगुवा झुठो गवाही दै। बे कही, “जा मोशा और परमेश्वरके बारेमे दुष्ट बात करत हम सुने

प्रधान पुजाहरी स्तिफानससे पुछी, “का जा बात सत्य हए ?” स्तिफानस बिनके परमेश्वर अब्राहामसे लैके येशूको समयतक करी कयौं महान काम और कैसे परमेश्वरके आदमी निरन्तर रुपमे बाको आज्ञापालन नाए करीं करके स्मरण करात जवाफ दै। तओ बो कहीं, “तुम ढिट और बिद्रोही आदमी सदिमान पवित्र आत्माके इन्कार करत हौ, जैसी तुमरे पुर्खा सदिमान परमेश्वरके इन्कार करीं और बाके अगमवाक्ताने मारे। तुमके ता और जद्धा करन पणो, जौन बे करीं बोसे खराब रहए।

जब बे धार्मिक अगुवा जा बात सुनीं, बे यितनो क्रोधित भए कि बे अपन कान मुदलै और करेसे चिल्लाने। बे स्तिफानस शहर बाहिर घिसियात लैगए और बोके पिटीं और पत्थारसे मारीं।

जब स्तिफानस मरन लागो रहएं, बो चिल्लाएके कहीं, “येशु, मेरो आत्माके ग्रहण करओ।“ और बो अपन घुंटो टेकी और फिरके जोणसे अइसो करके चिल्लाइ, “प्रभु, जा पापको दोष यिनके उपर नाए लगाए।“ तओ पिच्छु बो मरो।

शाऊल नाउँ भओ एक जवान आदमी स्तिफानसके मरन आदमीन्के संग सहमत भओ और बे पत्थर मरत् करत् बो स्तिफानसको कुरताको रखबारी करदै। बो दिनसे यरुशलेममे बहुत आदमी येशुके चेलनके सतान लागे, तबाही विश्वासी अन्य ठाउँमे भाजके गए। पर इतनो होएसे फिर बे अपन गए सब ठाउंमे येशुको प्रचार करीं।

फिलिपा नाउँ भओ येशुको एक जनै चेला रहए जो सतावटके समयमे यारुश्लेमासे भाजके जान बारो विश्वासी मैसे एक रहए। बो सामरियामे गओ जहाँ बो येशुके बारेमे प्रचार करी और हुवाँके बहुत आदमी बचाए गए। और एक दिन, परमेश्वर एक दूत फिलिपके मरुभूमिके सडकमे जानके कही। जैसी पिलिप बो डगरमे नेगत रहए, फिलिप इथियोपियाको एक जनै महत्वपूर्ण सरकारी कर्मचारी अपनो रथमे बैठो जात देखी। और पवित्र आत्मा फिलिपके लैजाएके बो आदमीके संग बात करन कही।

जब फिलिप बो रथके नजिक अइपुगो, फिलिप बो इथियोपियाक आदमी यशैया अगमवक्ता लिखो भओ पत्रसे पढात सुनी। बो आदमी पढी, “जैसी भेणा काटनके लैजात हएं, उइसी बो अपनो मुहु खोलिनाए। बाको अपमानित अवास्थामे बाके न्याय मिलोनाए। काहेकी बाको जिवान पृथ्वीसे हरण भओ।“

फिलिप बो इथियोपियालीसे पुछीं, “तुम पढी भइ बातके तुम बुझत हौ ?”बो इथियोपियाली जबाफ दै, अहँ। कोइ नाए बताएके मए कैसे बुझ पए हौ त्ओ ?” कृपया आबओ और मिर जौणे बैठाओ। का यशैया अपन बारेमे लिखि रहए वा और कोइके बारेमे ?”

फिलिप बो इथियोपियाली आदमीसे यशैयाल येशूके बारेमे लिखि रहए करके व्याख्या करदै। फिलिप बिनके येशूके बारेमे सु-समाचार सुनाउन औ पत्रनके फिर प्रयोग करी।

जब फिलिप और बो इथियोपियाली यात्रा करत् रहएं, बे कुछ पानी भओ ठाउँमे आएपुगे। बो इथियोपियाली कही,, “देखओ।

त्ओ बे तरे पानी भओ ठाउँमे गए, और फिलिप बो इथियोपियालीके बप्तिस्मा दै। बे पानीसे बाहिर आएके पिच्छु, अचानक पवित्र आत्मा फिलिपके अन्ते लैगओ जहाँ बे आदमी येशूकके बारेमे बतात् रहो।

बो इथियोपियाली आदमी चाहिँ अपनो घरघेन जान अपनो यात्राके निरन्तरता दै, बो येशूके चिनके बहुत खुशी हुइगओ।