7. परमेश्वर याकूबके आशिष् दई।

जब बे बच्चा बणत् गए, याकुब घरई बैठन अछ्छो मानत रहए, पर एसाब चाही शिकार कारन मन पणत रहए। रिबेका याकुबके माया नाए करात रहए, पर इसाहक एसाबके माया करत रहए।

एकदिन, जब एसाब सिकार करके घर घुमो, बो गजब भुको रहए। एसाब याकुबसे कही, “ तेरो बनाओ भओ खानु मोके फिर ला ?” याकुब जवाफ दई, “ पहिले मुक तिर ज्येष्ठ अधिकार दे।” तओ एसाव अपन ज्येष्ठ अधिकार याकुबके दई और याकुब बोके कुछ खाना दई।

इसाहक अपन आशिष एसाबके देनके चाहत रहए। पर बो उइसो कारनसे अग्गु, रिबेका और याकुब मिलके, याकुबके एसाव जैसो बनाएके इसहाकके झुक्बाई। इसहाक बुढडा हुइगओ रहए और कछु फिर नाए देख पात रहए। याकुब एसावको कपडा लगाई और बकराको खालसे अपन नट्टि और हात तोपे रहए।

याकुब इसाहाक ठिन आओ और कही, “मा एसाब हो। तेरो आशिश् लेन मए आओ हओ।” जब इसहाक बक्राको बार टबटोरी और कपडा नाए सुघी, बो एसाब नएहोन हानी रहए। बो मानी

एसाब याकुबके अछ्छो नाए मानत रहए। कहेकी याकुब बोको ज्येष्ठो अधिकार और बोके मिलन बारो आशिष लैलै रहए। और बोको दौवा मरीगओ रहए। तओ याकुबके मारनके योजना बनाई।

पर रिबेका एसाबको योजनाके बारेमे पता पाईगई। जहेमारे इसहाक और रिबेका याकुबके बो ठाउँसे दुर अपन नातेदारके ठीन पठाई दई।

याकुब गजब बर्षतक रिबेकके घरवालेंन संग बैठो। बो समयावधिमे बो बिहा करी और बोको जलमाए भए एक लौणा और एक लौणिया भओ। परमेश्वर बोके गजब धनी बनाई दई रहए।

बिस बर्षतकले अपन घर कनानसे दुर वैठडरी तओ, याकुब अपन परिवार, अपन नोकर और अपन पुरा ज्यानबारके संगमे लईके कनान घुमिगओ।

याकुब गजब डरानो रहए एसाब बोके हबेफिर मारईगो कही सोचत रहए। जहेमारे याकुब गजब ज्यानबरके उपहार स्वरूप एसाबके ठिना पठाई। ज्यानबरके लैके जानबारे नोकर एसाबसे कही, “ तुमरो दास, याकुब तुमके जा ज्यानबर पाठाइ हए। बो हल्ली नाए आबैगो।"

पार एसाब याकुबके पहीलि छमा दै दै रहए, तओ बे एक-दुस्रेक फिर देखन पाएके खुसी हुइगए। तओफिर याकुब कनानमे शान्तिसंग बैठो। तओफिर इसहाक मरो, तओ याकुब और एसाब बोके गाडी। परमेश्वर अब्राहामसंग बाचा करो भओ करार अब इसाहक मैसे याकुबमे सरिगओ।