42. عیسینینگ آسمانا قایْدیشی

خداینگ عیسینی اؤلیمْدِن دیرِلْدِن گۆنی، شاگردلِرْدِن ایکی آدم اولاقان شهرلِرینگ بیرینه بارْیارْقالار، عیسی بوُلان زاتْلاردان گۆررینگ اِدْیأرْدیلِر. یؤنه اوُل اؤلیبْدی. زنان لار بوُلْسا یِنه دیرِلِنْدیگینی آیدیارْلار، یؤنه شاگردلِر هایْسی بیرینه اینانْجاقْدیغینی بیلْمِردیلِر.

عیسی شاگردلِره یاقینْلاب اوُلار بیلن گِپْلِشْدی یؤنه اوُلار اوُنی تانامادیلار. عیسی اوُلارْدان نأمه دِن گۆرْرینگ اِدْیأنْدیکْلِرینی سوُرادی. سوُنگْقی گۆنْلِرْده عیسی بوُلان اتفاق لارْدان گۆرْرینگ اِدْیأریس دیدیلِر. اوُلار عیسینینگ اورشلیمدأکی بوْلان اتفاقلارْدان خبرسیز بیر آدم میقا دیدیلِر.

سوُنگ عیسی اوُلارا خدای کلامیندا عیسی بارادا نأمه آیْدانینی آچیقْلادی. اؤزال پیغامبرلر مسیحی تِلِک آدمْلانگ خوُرْلاب اؤلْدیرجِکْدیگینی آیْدیبْدی. یؤنه اوُل اۆچینْجی گۆن دیرِلِر.

اوُل ایکی آدم مقصده یِتِنْلرینْده گیجه بوُلیب بارْیارْدی. اوُلار عیسی دان یانْلارینْدا قالْماغینی ایسْلِدیلِر، اوُل هم اوُلار بیلِن بیر اؤیه گیرْدی. آغشام ساچاغینگ باشینْدا اوُتیرْقالار، عیسی چؤرِگی آلدی و شکر اِدیب اؤنی بؤلْدی. بیرْدِن گؤزْلِری آچیلْدی و دِرْرِو اوُنی تانیدیلار. یؤنه عیسی شوُل دِمْده گؤزْلِرینْدِن ییتْدی.

شوُل ایکی آدم بیری بیرینه دیدیلِر: »اوُل عیسی دی، سِبأبی کتاب مقدسی بیزه آیْدیب دورقا، اینیمیز دیغلابْدی. « سوُنگ دِرْرِو اورشلیمه قایتْدیلار و گِلیب یِتِنْلِرینْده شاگردلِره دیدیلِر: »عیسی دیریدی! بیز اوُنی گؤرْدیک. «

گۆرْرینگه قیزیب دورْقالار، بیرْدِن عیسی اوُلارینگ آراسینْدا گؤرینْدی و آیتْدی: »سیزْلِره ساغْلیق بوُلْسین! « شاگردلِر روحْمیقا دیدیلِر، یؤنه عیسی آیتْدی: »نأمه اۆچین قوُرقْدینگیز! عیسی لیغما اینامینگیز یوُقمی؟ الْلِرْمه آیاقْلارْما باقینگ، روحْلانگ منینگْکی یالی جسمی یوُقْدیر. « و اوُلارا روح دألْدیگینی گؤرْکِزْمِک اؤچین اوُلارْدان ایمأگه بیر زات ایسْلِدی. اوُلار بیر بؤلِک بالیق بِرْدیلِر و عیسی اوُنی ایدی.

عیسی آیتْدی: »من سیزه خداینگ کلامیندأکی زاتْلانگ حؤکْمان بوُلْمالیدیغی بارادا آیْدیبْدیم. « شوُنْدا عیسی اوُلارا خداینگ کلامینی قاوی راق دۆشینْمأگه کمک بِرْدی. اوُل آیتْدی: »ایرْدِن بأری، انبیالانگ کتابلارینْدا یازیلیبْدی کی مسیح عذاب چِکیب اؤلْمِلی و اۆچینْجی گۆن اؤلیمْدِن دیرِلْمِلی. «

»انبیالار شِیْله هم یازْدیلار کی مِنینگ شاگردلِریم خداینگ کلامینی یِتیریب همه لِرینگ حؤکْمان توبه اِتْمِلیدیگْنی آیْدارْلار. کیم توبه اِتْسه خدای گناهینی گِچِر. شاگردلِریم بو خبرینگ یِتیرْمِگینی اورشلیمدن باشْلاب سوُنگْرا بۆتین یِرْدأکی خلق لانگ آراسینا گیدِرْلِر. سیز مانگا بوُلان سؤزْلِرینگ، ایشْلِرینگ و بۆتین واقعه لِری گؤریب دورانْسینگیز. «

عیسی اؤلیمْدِن دیرِلِن سوُنگ قیرق گۆنْألب کؤپ گِزِک اؤزینی شاگردلِرینه گؤرْکِزْدی. اوُل بیر گِزِک اؤزینی۵۰۰دن کؤپرأک آدما گؤرْکِزدی. اوُل شاگردلِرینه دیریدیگینی دۆرْلی یوُلْلار بیلِن بِلْلی اِتْدی. اوُلارا خداینگ پادشالیغی بارادا تعلیم بِرْدی.

عیسی شأگردلِرینه آیتْدی: »خدای بۆتین یِر و آسْمانینگ اِرْکینی مانگا بِردی. شوُنینگ اۆچین گیدینگ و همه قوم لاری مِنینگ شاگردیم اِدینگ و اوُلاری آتا، اوُغیل و روح القدس آدینْدان تعمید بِرینگ و سیزه بِرِن بویْروق لاریمی نأهیلی بِرجای اِتْمِلیدیگْنی تعلیم بِرینگ. مِنینگ هِمیشه سیز بیلِن بوُلْجاقْدیغْیمی اونوتْمانگ. «

عیسی نینگ دیرِلْمِگینْدِن قیرق گۆن سوُنگرا شاگردلِرینه شِیْله آیتْدی: »آتام روح القدسی ایبِریب سیزه گۆیچ برینْچأ اورشلیمْده بوُلینگ. « شوُنْدان سوُنگ عیسی اوُلانگ گؤزْینینگ اؤنگینْده آسْمانا قالیب بولوتْلارا سینگیب گیتْدی. عیسی همه زادا حکم اِتْمِک اۆچین خداینگ ساغ اِلینده یِرْلِشْدی.