50. عیسی قایدیب گِلیأر

۰۰۰٫۲ییلا قولای دنیادأکی انسانلار عیسینگ انجیلنینگ خوُش خبرینی اِشْدیأرلِر. کلیسا اؤنگه گیدیب دورْلار. عیسی جهانینگ سوُنگینْدا قایْدیب گِلْجِگینی وعده بِرْدی. هألی گِلْمِدیک هم بوُلْسا یؤنه وعده سینه وفا اِدِر.

خدای مسیحینگ قایْدیب گِلْمِگینه قاراشْیان وقتیمیز هم مقدس یاشاماغْمیزی و اوُنی سیلاماغْمیزی ایسْلِیأر. یِنه اوُنینگ پادشالیغی بارادا باشْغالارا آیدْماغْمیزی ایسْلِیأر. مسیح یِر یۆزینْده یاشاب یؤرْکأ شِیْله دیدی: »منینگ شاگردلِریم خداینگ پادشالیغنینگ خوش خبرینی بۆتین دنیا یایْرادار، شوُنْدا آخر زمان بوُلار. «

اِنْتِک عیسی بارادا هیچ زاد اِشیتْمِدیک کؤپ خلق لار بار. مسیح آسْمانا گؤتِریلْمأنکأ، مسیحی لره بو خوش خبری اِشیتمِدیکْلِره آیدْماغینی بویورْدی. عیسی آیتْدی: »بارینگ و همه ملت لِری منینگ شاگردیم اِدینگ، سبأبی یۆرِکْلِر اِکیش میدانْلار یالی اوُرغا آماده دیرْلار. «

عیسی شِیْله هم آیتْدی: »قول ارْبابینْدان یوُقاری دأل. اِدیل اربابْلارینگ منی یگْرِنْشی یالی سیزی هم منینگ اۆچین آزار بِرِیب اؤلْدیرْلِر. بو دنیاده عذاب چِکِرْسینگیز یؤنه یۆرِگینگیزی گینگ توتونگ، سِبأبی من بو دنیانگ حکمداری بوُلان شیطانی یِنگْدیم. سوُنگا چِنْلی مانگا وفالی قالْسانگیز، شوُنْدا خدای سیزی نجات بِرِر! «

عیسی شاگردلِرینه دنیانگ سوُنگینْدا آدٰمْلانگ باشینا نأمه گِلْیانینی دۆشینْدیرْمِک اۆچین بیر داستان آیتْدی. اوُل آیتْدی: »بیر آدٰم یِرینه قاوی تخم اِکْدی. یاتیرْقا دشمن گِلیب بوغدایلانگ آراسینْدا هاشال اوُتینگ تخمینی اِکْیب اؤز یوُلینا گیدیبِرْدی. «

تخملار گؤگِرِنْده، اوُل آدٰمینگ ایشْچیلِری دیدی: »جناب، سیز بویِره قاوی تخم اِکْدینگیز! نأمه دیب آراسینْدان هاشال اوُت گؤگِریبْدیر. « اوُل آدٰم دیدی: »اوُلاری اِکِنْلِر دینگه دشمن لِرْمینگ ایشی دیر. دشمن لِرمینگ بیری بو ایشی اِدیبْدیر. «

ایشْچی لِر اربابلارْنینگ جوُغابینْدا شِی دیدیلِر: »اوُتْلاری یوُلْمالیمی؟ « ارباب دیدی: »یوُق. بو ایشی اِتْسِنگیز، کأ بیر بوغْدایلار هم اوُلار بیلِن یوُلینار. اوُراغا چِنْلی قاراشینگ سوُنگ اوُتْلاری یغْناب یاقینگ، بوغْدایْلاری هم انباریما گِتیرینگ. «

شاگردلِر داستانینگ معنیسینه دۆشینْمِدیلِر و مسیحْدن داستانی آچیقلاماغینی ایسْلِدیلِر. عیسی آیتْدی: »قاوی تخم اِکِن آدٰم، مسیحی گؤرکِزیأندیر. اکیش میدان دیمِک بو جهاندیر و قاوی تخم خداینگ پادشالیغینْداقی آدٰمْلاردیر. «

هاشال اؤت شیطانینگ اِیه لیگینْده بوُلان اِربِت کیشیلِرْدیر. هاشال اوُتْلاری اِکِن اوُل آدٰمینگ دشمنی بوُلْسا اِبْلیس دیر. اوُراق فصلی آخر زاماندیر، و اوُراقْچی لار فرشته لِردیر.

دنیا آخر بوُلانْدا، فرشته لِر بۆتین دنیادأکی اِبْلیسینگ آدٰمْلارینی یغناب اوُدْلی کؤله آتارْلار. اوُل یِرْده اوُلار اینگ یامان گؤرْگیلِر بیلِن آغلارْلار و دیشْلرینی قیجیرْدادارْلار. یؤنه عیسیدان اطاعت اِدِنْ دوُغْروچیلْ لار آتاسینینگ پادشالیغیندا گۆن یالی نور ساچارْلار.

عیسی یِنه آخر زمانْدان اؤنگ یِره قایْدیب گِلجِکْدیگینی آیتْدی. اوُل یِرْدِن گیدیشی یالی قایْدیب گِلِر، دیمِک فیزیکی بدنی بوُلان شکلْده آسْمانْدا بولوت لارینگ اۆستینْده گِلِر. عیسی قایْدیب گِلِنْده اؤلِن هِر بیر مسیحی اؤلیلِرینگ آراسینْدان دیرِلِر و اوُنینگ بیلِن آسْمانْدا دوشوشار.

سوُنگ دیری بوُلان مسیحی لِر آسْمانا گؤتِرْلیب اؤلیمْدِن دیرِلِن مسیحی لِره قاوْشار. اوُلارینگ همه سی شوُل یِرده عیسی بیلِن بوُلار و عیسی اؤز قۏمی بیلِن یاشار. باقی راحتْلیقْدا بیله یاشارْلار.

عیسی هر کیمینگ اوُنگا ایمانی بوُلْسا بیر تاج بِرْجِکْدیگینه عهد اِتْدی. اوُلار خدای بیلِن بیلِلیکْده همه زادا اِبِدیلیک حکم سۆرِرْلِر و بۆتین دینچْلیقْدا بولارْلار.

خدای عیسی ایمان گِتیرْمِدیکْلِره حکم اِدِر. اوُلاری دوزخ-ا تاشْلار. اوُل یِرده باقی آغْلارلار و دیشلِرینی قیسیب عذاب چِکِرْلِر. هیچ هاچان اؤچْمِیأن اوُد اوُلاری یاقار و قورْچوقْلار اوُلاری ایمِکْدِن دورْمازْلار.

عیسی قایْدیب گِلِنْده، بۆتین شیطانی و پادشالیغْنی یوُق اِدِر. شیطان، خدایا بوُیون بوُلماغینگ یِرینه اؤزینْدِن اطاعت اِدِنْلِرینگ یانی بیلِن اوُل یِرْده باقی یانار.

آدم بیلِن حوانینگ اطاعت اِتْمأنی بو جهانا گناهی سالْماغی اۆچین خدای جهانی قارْغادی و اوُنی یوُق اِتْمِک قرارینه گِلْدی. یؤنه بیرگۆن خدای کِمی بوُلْمادیق تأزه بیر یِر و آسمانی یارادار.

عیسی و قۏمی شوُل تأزه یِرده یاشار و اوُل بار زاتْلارا اِبِدی حکم سۆرِر. آدٰمْلانگ گؤزیندأکی یاشینی سیرار. هیچ بیر غم بوُلْماز و هیچ کیم عذاب چِکْمِز. اوُلار هیچ هاچان آغْلاماز، هیچ کیم مریضلِمِز و اؤلْمز و هیچ بیر اِرْبِت زات اوُل یِرْده بوُلْماز و عیسی پاراخاتْلیق و عادللْیق بیلِن پادشالیغینْدا حکم سۆرِر. اوُنْدان سوُنگ اؤز قومی بیلِن باقی یاشار.