19. परमात्मा रौ भविष्यवक्ता

परमात्मा सौदा इस्राएल रौ मानुषा गाछै भविष्य जान्दै हौरला बैजैन थाक्दौ थैव। भविष्य जान्दै हौरी परमात्मा का काचा हौरला शुन्दै थै आई फिरी हौतिज ला मानुषा ला बौल्दै थै।

जैतरै अहाब इस्राएल इलाका रौ राजा थयौ तै हौतादु काल एलिय्याह भविष्य जान्दौ थयौ। अहाब ऐक मारै मानुष थयौ। हौतिनै नौकली देव बाल रौ पुजापाट खौटामैला मानुषा ला मजबूर कौरी थयौ। हौतिर रौ तैईए एलिय्याह ऐ अहाब ला बौलुन्दौ कि परमात्मा तामोर ला सजा दैन थयौ। हौतिनै माना बौली, “जैतरै सेग हांऊ दुबारा गौएन लागमै ला नौबौलु हौतरै सेग इस्राएल रौ इलाका कै ना गौएन लागैस आई ना ऐ ओस आछैस।” हौई बातै गाश अहाब ला हौतेग रोश आछी कि हौतिनै एलिय्याह ला मारी बैजनौ सुनचुई।

हौतिर रौ तैईए परमात्मा ऐ एलिय्याह ला बौलुन्दौ कि तु जांगलै नाशी अहाब का चोरिऊ। एलिय्याह जांगलै हौसौ सोते गाछै नाशुन्दौ जिन्चै नाशमैला परमात्मा ऐ हौतिन ला बौली थयौ। रोज दौथी सी ब्याल,चौरखी एलिय्याह ला रौटी सी मांसाऊ गिनुई आच्छदै थै। हौतादु काल, अहाब सी हौतिन रौ सैना एलिय्याह ला लोरेन थाकुन्दै, पौर हौतेनोरी हौतिन ला लोरुई नौबौलुन्दै।

गौएन नालागनौ हौजै ऐक छिब्या पिछु हौसौ सौता शुकुन्दौ। हौतिज रौ तैईए एलिय्याह नेरे ऐक देश कै नाशुन्दौ।हौसौ देश कै ऐक गरीब विधवा थी जाररौ ऐक छैल्डु थयौ। हौतेस गाछै खाऊ लगभग छेकुई थयौ क्यु बौलता हौतिनचै केछे नाज निफिरी थयौ। पौर तै बी, हौसौ देन ए एलिय्याह ला शाऊन्दौ, हौतिज रौ तैईए परमात्मा ऐ हौतैस सी आई हौतैस रौ छैल्डु रौ जरुरौत ला पुरा कौरुन्दौ, हौतिज रो तैईए हौतैस रौ चिगास रौ बान्दरू आई हौतैस रौ तेल रौ बान्दरु कादुई खाली निफरुन्दौ। हौसौ पुरा अकाल काल हौतैस कै खाऊ थयौ। एलिय्याह कुछ बौरौश सेग हौतिनचै थयौ।

त्रौनौ आदौ बौरौश पिछु,परमात्मा ऐ एलिय्याह ला बौलुन्दौ कि हांऊ ऐ गौएन लागासु। हौतिनै एलिय्याह ला वापिस इस्राएल रौ इलाका कै नाशी अहाब सी बातै बाताईमै ला बौलुन्दौ।हौतिज रौ तैईए एलिय्याह अहाब गाछै नाशुन्दौ। जैतरै अहाब ऐ हौतिन ला दैखौ तै हौतिनै बौलौ, “अच्छा तू सै, आफत जुरयान्दौ स्या!” एलिय्याह ऐ जवाब दैऊन्दौ, “आफत जुरयान्दौ स्या ता तू सै! तैईए यहोवा ला शौठयाऊन्दौस। हौसौए सौचौ परमात्मा स, पौर तू बाल रौ पुजापाट कौरैन सै। ऐ तांऊला इस्राएल इलाका रै सैब मानुषा ला गिनुई कर्लेम पोर्बत गाश आछनौ स्यास।”

तै सैब मानुषा कर्मेल पोर्बत बिलै नाशुन्दै। हौसौ मानुषा बि आछुन्दै जून बौल्दै थै कि हामोरी बाल रौ काचा हौरला बौल्दै सि। हौतैनै बाल रौ भविष्य जान्दै स्या थै। हौतैनोरी चार रा यौ दूई बिशौ दौश थै। एलिय्याह ऐ मानुषा ला बौलुन्दौ,“कैतरै सैग तोमोरी आपरौ जिवा हौरला शुराई जागसौ? अगर यहोवा परमात्मा स तै हौतिन रौ पुजापाट कौरौ! अगर बाल परमात्मा स तै हौतिन रौ पुजापाट कौरौ!”

तै एलिय्याह ऐ बाल रौ भविष्य जान्दै स्या ला बौलुन्दौ, “ऐक दामौ रौ बलि दैई हौतिन रौ मांसाऊ ला बलिदान फिरमै ला ऐक वेदी गाश जागौ, पौर आग नाल्याईयो। हौतिज पिछु हांऊ बि हौतयौए कौरसु, आई ऐक खैचि वेदी गाश हांऊ हौसौ मांसाऊ ला जागसु। तै अगर परमात्मा वेदी गाश आग शौरायस तै तोमोरी जान्सौ कि हौसौ सौचौ परमात्मा स।”तै बाल रौ भविष्य जान्दै स्या ऐ ऐक बलि ला त्यार कौरुन्दौ पौर आग नाल्याऊन्दौ।

तै बाल रौ भविष्य जान्दै स्या ऐ बाल का प्रार्थना कौरुन्दौ, “हे बाल हामोर रौ शुन!” सारा दयार हौतैनोरिए प्रार्थना कौरुन्दौ आई जिंगाऊन्दै आई हौन्चै सेग कि आपला चाकुए काटून्दौ, पौर बाल ऐ जवाब नैदैऊन्दौ आई हौतिनै केछे आग नौशौराऊन्दौ।

बाल रौ भविष्य जान्दै स्या ऐ बाल का प्रार्थना कौरमै लगभग सारा दयार ल्याऊन्दौ। पिंछाए का हौतैनोरिए प्रार्थना कौरनौ बौन्द कौरुन्दौ। तै एलिय्याह ऐ आईक दामौ रौ मांसाऊ ला परमात्मा रौ वेदी गाश जागुन्दौ। हौतिज पिछु, हौतिनै मानुषा ला पानी रौ बारा बोडौ बान्दरु हौरला होसौ बलिदान गाश हौतरै सेग ऊटयामैला बौली जैतरै सेग कि मांसाऊ, दुरा हौरी , आई हौन्चै सेग कि वेदी रौ औरु-पौरु रौ जागा पुरा का पुरा सिनौ निफिरैस।

तै एलिय्याह ऐ प्रार्थना कौरुन्दौ, “हे यहोवा, अब्राहम, इसहाक, आई याकूब रौ परमात्मा, हामोर ला दैखाव कि तु इस्राएल रौ परमात्मा सै आई हौई कि हांऊ तैरौ दास सु। माना जवाब दै जिजका कि हौई मानुषा जानसा कि तु ऐ सौचौ परमात्मा सै।”

हौतरे, आसमान का आग आछुन्दौ आई हौतिजै मांसाऊ,दुरा हौरी,जान्टी हौरी, माटी,आई हौन्चै सेग कि वेदी रौ औरु-पौरु रौ पानी ला बी जाली बैजुन्दौ। जैतरै मानुषा ऐ हौई दैखौ, हौतैनै माटी गाश लौटुन्दै आई बौलै, “यहोवा हे परमात्मा स! यहोवा हे परमात्मा स!”

तै एलिय्याह ऐ बौलुन्दौ, “बाल रौ ऐक बी भविष्य जान्दौ स्या बौचिन्दै नाशनौ नाचान्दौ! हौतिज रौ तैईए मानुषा ऐ बाल रौ भविष्य जान्दौ स्या ला पाऊन्दौ आई हौतेन ला हौतिनचै का खैची निऊन्दौ आई हौतैन ला मारी बैजुन्दौ।

तै एलिय्याह ऐ अहाब राजा ला बौलुन्दौ, “हासाले आपरौ घौरै ठूर, क्यु बौलता गौएन लागदौ स्यास। ”हासाले झुं घौनौ फिरौ, आई वाल गौएन शुरु फिरौ। यहोवा हौसौ बिजौ ला खौत्म कौरैन थयौ। हौजै पौता लागौ कि यहोवा हे सौचौ परमात्मा स।

जैतरै एलिय्याह ऐ आपरौ काम ला खौत्म कौरौ, तै परमात्मा ऐ एलीशा नाव रौ ऐक मानुष ला आपरौ भविष्य जान्दौ स्या फिरमै ला चुनायाऊन्दौ। परमात्मा ऐ एलीशा रौ जरिया ऐ बादौ चमत्कार कौरुन्दौ। ऐक चमत्कार नामान सी फिरुन्दौ। हौसौ ऐक दुश्मौन रौ सैना रौ सरदार थयौ, पौर हौतिन ला बू लागी थयौ। नामान ऐ एलीशा रौ बारे कै शुनी थयौ, हौतिज रौ तैईए हौसौ एलीशा गाछै आछुन्दौ आई हौतिनै आपला चांगा कौरमै ला अर्जी कौरुन्दौ। एलीशा ऐ नामान ला बौलुन्दौ कि नाशिन्दै यरदन गार रौ पानी कै सात बैरै डुबकी बैज।

नामान ला रोश आछी। हौतिनै हौयौ कौरनौ का मना कौरुन्दौ, क्यु बौलता हौई हौतिन ला मुर्खता रौ काम जानैन थयौ। पौर पिछांए का हौतिनै आपरौ मौन बौदल्याऊन्दौ आई नाशिन्दै यरदन गार रौ पानी कै सात बैरै डुबकी बैजुन्दौ। जैतरै आखिर बैरै हौसौ पानी का बाए निकलौ तै परमात्मा ऐ हौतिन ला चांगा कौरुन्दौ।

परमात्मा ऐ इस्राएल रौ मानुषा गाछै आईक्या बादौ भविष्य जान्दै स्या हौर ला बैजुन्दौ। हौतैनै सेबे ऐ मानुषा ला मुर्ति हौर रौ पुजापाट बौन्द कौरमै ला बौलुन्दौ। हौजरौ बजाए, हौतेन ला आपु माज न्याय सी बौरतिनौ चान्दौ आई आपु माज दया कौरनौ चान्दौ। हौसौ भविष्य जान्दै स्या हौरिए मानुषा ला चेतावनी दैऊन्दौ कि हौतैन ला मारे काम हौर ला बौन्द कौरनौ स्या आई हौजरौ बजाए परमात्मा रौ बातै हौर ला मौन्यानौ स्या। आगर हौतैनोरिए हौयौ नौकरौ तै परमात्मा हौतैन ला दोषी जानी हौतैन रौ न्याय कौरैस, आई हौतैन ला सजा दैस।

बौदी बैरै, हौसौ मानुषा ऐ परमात्मा रौ हुकूम ला नौमौन्याऊन्दौ। सौदा हौतैनोरिए भविष्य जान्दै स्या हौर सी मारै बर्ताव कौरुन्दौ आई हौन्चै सेग कि ऐकुमबैरै एक्याला मारी बैजुन्दौ। ऐक बैरै, हौतैनौरिए यिर्मयाह भविष्य जान्दौ स्या ला शुकून्दौ कुआं कै बैजुन्दौ आई हौतिन ला हौतिनचै मौरमै ला शोठयाऊन्दौ। हौसौ कुआं रौ तल कै चैराव माज डुबुन्दौ। पौर हौतरै बिन्यामिन राजा ला हौतिन गाश दया आछुन्दौ आई हौतिनै आपरौ सैना हौर ला हुकूम दैऊन्दौ कि यिर्मयाह मौरनौ का पैहलै हौतिन ला कुआं का बाए गिशौ।

भविष्य जान्दै स्या हौरिए परमात्मा बिलै का बौलनौ जारी जागुन्दौ बेशक मानुषा ऐ हौतैन का नफरत कौरुन्दौ । हौतैनोरिए मानुषा ला चेतावनी दैऊन्दौ कि आगर हौतैनोरीस नौपौछतायाईता तै परमात्मा हौतैन ला नाश कौरैस। हौतैनोरिए मानुषा ला हौई बी याद दिलायाऊन्दौ कि परमात्मा ऐ हौतैन गाछै मसीह ला बैजनौ वायदा कौरिस।