44. पतरस सि यूहन्ना एक खौरया भिखारी ला चांगा कौरदै सा।

एक दयार, पतरस सि यूहन्ना मन्दिर कै नाशुन्दै। एक अपंग मानुष भीख मांगमै तैईऐ फाटक गाश बैशुन्दौ थयौ।

पतरस ऐ हौसौ खोरया मानुष बिलै शाऊन्दौ आई बौलुन्दौ, “मुकै तांऊला दैमै तैईऐ रुपया ता नाई। पौर जि मुकैस हौसौ हांऊ तांऊला दिसु। यीशु रौ नाव ऐ, ऊज्यु आई औरु-पौरु हांड!”

हौतरे, परमात्मा ऐ हौसौ खोरया मानुष ला चांगा कौरुन्दौ। हौतिनै औरु-पौरु हांडनौ आई लांगीछारानौ, आई परमात्मा रौ स्तुति कौरनौ शुरु कौरुन्दौ। मन्दिर रौ खात कै मौजुद मानुषा हैरान थै।

हासाल ऐ मानुषा रौ एक भीड हौसौ मानुष ला शामै तैईऐ आछुन्दौ जुन चांगा फिरुन्दौ थयौ। पतरस ऐ हौतैन ला बौलुन्दौ, “हौई मानुष ठीकस, पौर हौई बातै गाश हैरान निफिरयो। हामोरी ऐ हौनला आपरौ सौत ऐ चांगा नौकौरुन्दौ स, या हौतिर रौ तैईऐ नुंवा कि हामोरी परमात्मा रौ आदर कौरदै सि। बल्कि, हौसौ यीशु स जुनै हौई मानुष ला आपरौ सौत ऐ चांगा कौरुन्दौ स, क्यु बौलता हामोरी यीशु गाश विश्वास कौरदै सि।”

“हौसौ तोमोरी ऐ सौ जुनै हौसौ रोमी राज्यपाल ला यीशु ला मारी बैजमै तैईऐ बौलुन्दौ थयौ। तोमोरी ऐ हौतिन ला मारी बैजुन्दौ जुन सेब ला जिन्दगी दैन्दौस। पौर परमात्मा ऐ हौतिन ला मौरुन्दैहौर माज का जिऊन्दौ कौरुन्दौ। तोमोरी ऐ नौसौमझुई कि तोमोरी की कौरैन थै, पौर जैतरै तोमोरी हौसौ कामहौर ला कौरैन थै, तै जि भविष्य जान्दैस्या हौरी ऐ बौलुन्दौ थयौ हौसौ पूरा फिरुन्दौ। हौतैनोरिऐ बौलुन्दौ थयौ कि मसीह गाश दु:ख आछैस आई मौरी नाशैस। परमात्मा ऐ हौजला हौई तरीका ऐ फिरनौ बैजुन्दौ। हौतिर रौ तैईऐ ऐ, पश्चाताप कौरौ आई परमात्मा बिलै फिरौ, ताकि हौसौ तोमोर रौ पापहौर ला धौईन्दै साफ कौरी भैजैस।”

जैतरै मंदिर रौ अगुवाहौरी ऐ पतरस सि युहन्ना ला शुनौ, तै हौतैनै बादौ डौरुन्दै। हौतिर रौ तैईऐ हौतैनोरिऐ हौतैन ला गिरफ्तार कौरी जेलखाना कै भैजुन्दौ। पौर जि पतरस ऐ बौलुन्दौ थयौ हौतिज गाश बादौ मानुषा ऐ विश्वास कौरुन्दौ। यीशु गाश विश्वास कौरदै स्या रौ संख्या बौढुईन्दै लगभग 5,000 फिरुन्दौ।

आईक दयार, हौसौ यहूदी अगुवाहौरी पतरस सि यूहन्ना ला महायाजक आई आईक्या धार्मिक नेताहौर रौ सामने गिनुई आछुन्दै। हौतैनै हौसौ मानुष ला बि गिनुई आछुन्दै जुन खौरया थयौ। हौतैनोरिऐ पतरस सि यूहन्ना ला पुछुन्दौ, “की आक्त्यार ऐ तोमोरी ऐ हौसौ खौरया मानुष ला चांगा कौरुन्दौ?”

पतरस ऐ जवाब दैऊन्दौ, “हौई मानुष जुन तोमोर रौ सामने ऊजौस हौनला यीशु मसीह रौ सामर्थ रौ जरिया ऐ चांगा कौरुन्दौ स। तोमोरी ऐ यीशु ला क्रूस गाश चढायाऊन्दौ, पौर परमात्मा ऐ हौतिन ला फिरी जिऊन्दौ कौरुन्दौ! तोमोरी ऐ हौतिन ला अस्वीकार कौरुन्दौ, पौर यीशु रौ सामर्थ रौ माध्यम रौ अलावा उध्दार पायानौ रौ कुने आईक बात नाई!”

हौसौ अगुवाहौरी हैरान थै कि पतरस सि यूहन्ना ऐ बादौ साहसी रौ काथा बातै बौली थयौ। हौतैनोरिऐ शाव कि हौतैनै साधारण मानुष थै जुन कि अनपढ थै। पौर फिरी हौतैन ला याद आछुन्दौ कि हौई मानुषा यीशु सि थाकुन्दै थै। हौतिर रौ तैईऐ हौतैनोरिऐ हौतैन ला बौलुन्दौ, “हामोरी तोमोर ला बादौ डांड दिसी आगर तोमोरी हौई मानुष यीशु रौ बारे कै मानुषा ला कुने आई काचा दिसौ।” हौयौ बादौ बातैहोरी बौली पिछु, हौतैनोरिऐ पतरस सि युहन्ना ला नाशनौ भैजुन्दौ।