5. करार रेन होन कोड़ा

अब्राम ओड़ो: सारैयअ: कनान देश सेटेर जन रअ: दस साल तयोमते नअ: जकेद इनकिना जेतन होन कको ताइन केना। एनामेनते अब्रामअ: घरनी सारै इनि: के कजियजा, “नेलेम, परमेश्वर नअ: जकेद अञङ के होन काए ओमा कदिंजा। ओड़ो: नअ: दो अञङ होन जनम नङ इसु पुरअ: बुढ़िया जनञङ। नेलेम अञङअ: कमिड़ि कुड़ी हाजिरा नेतअ: रिजअ:। इनि: लोओ: तेओ बाला केनो:मे चि इनि: अञङ लाइ मियद होन के जनम ओम दड़िकाए।”

ने लेका ते अब्राम हाजिरा लोओ: बाला जनाए। हाजिरा मियद कोड़ा होन के जनम किजअ: ओड़ो: अब्राम इनिअ: नुतुम इश्माएल दोहो केदाए। मेनदो सारै हाजिरा ते हिसिंगाओ: ताइनाए, इश्माएल इमतंग तेरह साल रेन ताइ केनाए, परमेश्वर हडो गी अब्राम लोओ: जगर केदाए।

परमेश्वर कजि केदा, “अञङ सोबेन पेड़ेअन परमेश्वर तनिङ, अञङ अम लोओ: मियद करारइङ थोलेया।” एनेद अब्राम ओते रे मुकड़ी टेकाव केद जोहार किजाए। परमेश्वर अब्राम के नेयाओ कजियजाए, “अम ढेइर जाति रेन होड़ो कोअ: आबा बाइयोगम। अञङ अमके ओड़ो: अमअ: वंशज कोके इनकुअ: अकोअ: ओते होबाव लाइ कनान देश केञङ ओमा कोअ:। ओड़ो: अञङ जनाव नङ इनकुअ: परमेश्वर ताइनाञङ। अमके अमअ: घराना रेन सोबन कोड़ा कोअ: खतना होबावगअ।”

“अमअ: घरनी सारै मियद होन कोड़ा के जनामियाए- इनि: करार रेन होन कोड़ा होबावगा। इनिअ: नुतुम इसहाक दोहोए मे। अञङ इनि: लोओ:ते मियद करार बाइया कअङ ओड़ो: इनि: मियद मरंग जाति बाइ केनोगअ। अञङ इश्माएल केओ मियद मरंग जाति बइयञङ, मेनदो अञङअ: करार इसहाक लोओ: ताइना।” एनेद परमेश्वर अब्रामअ: नुतुम बदली केते अब्राहम दोहो केदा, नेयअ: रअ: मतलब तनअ: “ढेइर होड़ो कोअ: आबा”। परमेश्वर सारैयअ: नुतुम केओ बदली केते सारा दोहो केदाए। नेयअ: रअ: मतलब “मुनू रेन आयो” तना।

एन हुलङ अब्राहम अयअ: घराना रेन सोबन कोड़ा कोअ: खतना केदा। लगभग एक साल रअ: तयोमते अब्राहम 100 साल रेनी ओड़ो: सारा 90 साल रेनी ताइकेना, इमतंग सारा अब्राहमअ: कोड़ा होन के जनम किजअ:। चिलका परमेश्वर इनि: के कजि लिजअ: एनका गी इनकिन इनिअ: नुतुम इसहाक किन दोहो केदा।

जब इसहाक जवान जनाए, दो परमेश्वर अब्राहमअ: बिसवास के परीक्षा केदा। इनि: कजि केदा, “अमअ: एकला होन कोड़ा के इदिम ओड़ो: इनि: के अञङ लाइ दाड़े का रूप रे रकाबी मे।” ओड़ो:अब्राहम हडो गी परमेश्वरअ: हुकुम के मनातिङ केदा आद् अयअ: होन कोड़ा के दाड़े ओम लाइ तेयार किजअ:।

जब अब्राहम ओड़ो: इसहाक दाड़े ओम ठयाद तेकिन सेनोओ एटेज जना दो इसहाक कुली किजअ:, “हे आबा, अलङ तअ: रे दाड़े लाइ सहन दो मेनअ:, मेनदो दाड़े ओम लाइ मिण्डी होन कोतअ:रिजअ:?” अब्राहम कजि रुवड़ा जाए, “हे अञङअ: होन कोड़ा, परमेश्वर दाड़े लाइ मिण्डी होन कोए जोगाड़ कोअ:।”

जब इनकिन दाड़े रकब रअ: ठयाद किन सेटेर जना दो अब्राहम इसहाक के थोल केते बेदी रे गिति: ताइजा। इनि: अयअ: होन कोड़ा के गोगोए रअ: गी ताइकेना चि परमेश्वर कजि केदा, “रुकन मे! कोड़ा के आलोम नोकसानिअ:। नअ: दो अञङ सरी जनञङ चि अम अञङअ: बोरो दोहोयम। चियाची अम अमअ: एकला गी होन कोड़ा केओ अञङते बचाव केते कम दोहो किजअ:।

नड़े रिगी अब्राहम मियद मिण्डी के नेल किजअ:, इनि: झुण्ड रे पसेयाकन ताइकेनाए। इसहाक गअ: बदली रे दाड़े ओम लाइ परमेश्वर मिण्डी के जोगाड़ लिजाए। अब्राहम रसिका-रसिका मिण्डी के दाड़े ओम किजअ:।

एनेद परमेश्वर अब्राहम के कजियजअ:,“अम अञङ लाइ सोबनअ: ओम सनङ केनाम, नेयअ: जकेद चि अमअ: एकला होन कोड़ा केओ, एनामेनते अञङ अमके आशीष ओम मेनते वायदा तनञङ। अमअ: वंश सिरमा रेन इपिल कोए तेओ थिम्बा को होबावगअ। चियाची अम अञङअ: हुकुम के अयुम केदाम, एनामेनते अञङ अमअ: परिवारअ: पअ ते सोबेन जाति कोके आशीष ओमाकोञङ।