6. परमेश्वर इसहाक लाइ जोगाड़एअ:

जब अब्राहम इसु पुरअ: हड़ाम जना इमतंग इनिअ: होन कोड़ा इसहाक मियद दंगड़ा रेन उ¬¬मर रेनी होबा जना। एना मेनते अब्राहम अयअ: मियद दासी कोड़ा के एन देश ते कुल किजअ: जे तअ: रे अयअ: रिश्तेदार को तयु: तन ताइना, नेयअ: लाइ चि इनि: अयअ: होन कोड़ा इसहाक लाइ मियद कुड़ी के आउ दड़ी कअ।

मियद जिलिङ होरा सेन केद रअ: तयोमते अब्राहमअ: दासी कोड़ा एन देश सेटेर जना, जे तअ: रे अब्राहमअ: रिश्तेदार को तयु ताइना। परमेश्वर इनिअ: अगुवाई केदा चि इनि: रिबका लोओ: नपम कअ। इनि: अब्राहमअ: हगा गअ: जाइ कुड़ी ताइन केना।

रिबका अयअ: परिवार के बगी केअते एन दासी लोओ: इसहाक गअ: ओड़ा रुवाड़ लाइ राजी जना। चिलका गी रिबिका सेटेर जना, इसहाक इनि: लोओ: बाला जना।

ढेइर समय रअ: तयोमते अब्राहम गोए जना। एनेद परमेश्वर अब्राहमअ: होन कोड़ा इसहाक के आशीष ओमा जाए, चियाची परमेश्वर अब्राहम लोओ: करार थोल लअ:। एन करार रे परमेश्वरअ: मियद वायदा नेयअ: ताइकेना चि अब्राहमअ: बेहिसाब वंशज को होबाव गअ। मेनदो इसहाक गअ: घरनी रिबका गअ: होन कको होबा जना।

इसहाक रिबका लाइ बिनती केदा, ओड़ो: परमेश्वर इनि: के जुड़वा होन जनम लाएक बाइ किजअ:। जे इमतंग एन होन किन रिबका गअ: लाए रिकिन ताइन केना इनकिन अकिन-अकिन रेकिन लड़ाई तन ताइना, एनामेनते रिबका परमेश्वर के कुली किजअ: चि नेयअ: चिना होबाव तना।

परमेश्वर रिबका के कजियजा, “अम बरिया होन कोड़ाकिन केम जनम किना। इनकिना वंशज बरिया एटा-एटा जाति बाइयो गअ:। इनकु अको-अको रेको लड़ाईया। मेनदो मरंग होन कोड़ाएते जनमकन जाति कोके हुडिङ होन कोड़ाएते जनमकन जाति कोअ: हुकुम मनातिङ होबाव गअ।”

जब रिबका गअ: होन कोड़ा किना जनम होबा जना दो मरंग होन कोड़ा अराअ: आद् रुवादार ताइ केनाए ओड़ो: इनकिन इनिअ: नुतुम एसाव किन दोहो केदा। एनेद हुडिङ होन कोड़ा एसावअ: एडी के सबाकद गी जनम जनाए ओड़ो: इनकिन इनिअ: नुतुम याकूब किन दोहो केदा।