7. परमेश्वर याकूब के आशीष ओमायाए

जब एन होन किन मरंग जना दो याकूब के ओड़ा रे ताइनो बुगिन अदा किजअ:, मगर एसाव के जानवर कोअ: शिकार बेस अदा किजअ:। रिबका याकूब के दुलाड़ी ताइना मगर इसहाक एसाव लोओ:ते दुलाड़ दोहो केदा।

मुसिङ हुलङ जब एसाव शिकार केते रुवाड़ जनाए दो इनि: के इसु रेंगेज किजअ:। एसाव याकूब के कजियजअ:, “जे नअ: अम इसीन कदम एनाएते कटी जोमेयअ: अञङ के ओमाञङ मे।” याकूब जबाब ओमा जाए, “सिदा अञङ लोओ:ते नेयअ: वायदा मे चि मरंग होन कोड़ा रअ: चलते सोबेन जिनिस को जे अमके नमो: चाही एना सोबेना अम अञङ के ओमाञङ जअ:।” एना मेनते एसाव सोबेन जिनिस को याकूब के ओम रअ: वायदा केदा। एनेद याकूब इनि: के हुडिङ लेका जोम ओमाजाए।

इसहाक एसाव के आशीष ओम सनङ ताइनाए। मगर नेयअ: ते सिदा चि इनि: नेकायाए, रिबका ओड़ो: याकूब, इसहाक के धोखा किन ओमाजअ:। इनकिन याकूब के एसाव तनि: मेनते देखावा केदाकिन। इसहाक हड़ामय ताइकेना ओड़ो: नअ: दो इनि: नेनेल काए दड़ि ताइना। एनामेनते याकूब एसावअ: लिजअ: तुसिङ जना आद् मेरोमअ: उहुर के अयअ: होटो: ओड़ो: ती रे लिपटाव केदा।

याकूब इसहाक तअ: हिजु लेना ओड़ो:कजि केदाए, “अञङ एसाव तनिङ। अञङ नेयअ: मेनते हिजुअकना चि अम अञङ के आशीष ओमाञङ मे।” जब इसहाक मेरोमअ: ऊब कोके अंदाज केदा ओड़ो: लिजअ: कोके सुँघाव केदा दो इनि: सोचाव केदा चि नी: एसाव गी तनि: ओड़ो: इनि: के आशीष ओमाजाए।

एसाव याकूब ते हिसिंगा जना चियाची याकूब इनिअ: मरंग होन रअ: अधिकार के ओड़ो: एना लोओ इनिअ: आशीष कोके यो इदि केदा। एनामेनते इनि: अकिनअ: अपु तेअ: गोनोज रअ: तयोमते याकूब के गोगोज रअ: योजना बाइ केदाय।

मेनदो रिबका एसाव गअ: योजना के अयुम केदा। एनामेनते इनि: ओड़ो: इसहाक याकूब के अकिनअ: पेड़ा कोलोओ ताइनो लगीन ढेइर संगीन किन कुल तइजा।

याकूब ढेइर साल जकेद रिबका गअ: पेड़ा कोलोओ ताइ जनाए। एन समय रिगी इनि: बाला जनाए। एनेद इनिअ: बारह झन होन कोड़ा ओड़ो: मियद होन कुड़ी जनम जनाए। परमेश्वर इनि: के इसु पुरअ: किसाड़ बाइ किजअ:।

बीस साल जकेद अयअ: ओड़ा ते संगीन ताइन केन रअ: तयोमते याकूब अयअ: परिवार, दासिको ओड़ो: अयअ: जानवर कोअ: सोबेन झुण्ड लोओ: कनान देश रे हिजु रुवाड़ जनाए।

याकूब नेयअ: मेनते इसु बोरोअकन ताइ केनाए। चियाची इनि: नेयअ: सोचाव ताइकेनाए ची एसाव नअ:वगी इनि: के गोगोज सनङ ताइनाए। एनामेनते इनि: भेंट रअ: रूप रे जानवर कोअ: झुण्ड कोके एसाव तअ: कुल केद कोअ:। जे दासी को एन झुण्ड कोके इदि लेद कोअ: को इनकु कजि केदाको, “अमअ: दासी याकूब ने जानवर कोके अम के ओमाम तना। इनि: सेकड़ा गी हिजु तना।”

मेनदो एसाव याकूब के नोकसान सेटेर काए सनङ ताइना। नेयअ: रअ: जगह रे इनि: आए के हडो मिसा नेल केते इसु रासिका ताइ केनाए। एना मेनते बरन हगिया किन कनान देश रे सुकून ते ताइ जनाकिन। एनेद इसहाक गोए जना ओड़ो: याकूब आद् इसाव इनि: के तोपा तइजाकिन। जे बचन रअ: करार परमेश्वर अब्राहम लोओ: थोल लअ: एना नअ: दो याकूब तअ: हिजु लेना।