8. परमेश्वर यूसुफ ओड़ो: इनिअ: परिवार कोके बचाव कोअ:
याकूबअ: कनान देश रे ताइनो तन ढेइर साल बिताव जना दो इनि: अयअ: दुलाड़ होन कोड़ा यूसुफ के अयअ: हगा कोअ: हाल-चाल सारीन लाइ कुल किजअ:। इनिअ: हगा को जानवर कोअ: झुण्ड कोके नेल बाड़ा तन ताइकेना को।
यूसुफअ: हगा को इनि जेते हिसिंगाव तन ताइकेना को चियाची इनकुअ: आबा इनि: के थिम्बा दुलाड़ी ताइकेनाए ओड़ो: नेयअ: मेनतेओ चि यूसुफ कुमु रे नेल लअ: चि इनि: इनकुअ: चेतन रे राइजयाए। जब यूसुफ अयअ: हगा कोतअ: हिजु लेना दो इनकु इनि: के बंदी को बाइ किजअ: ओड़ो: इनि: के दासी कोअ: बेपारी कोतअ: रेको अखरीङ ताइजा।
ओड़ा रुवाड़ा रअ: सिदा रे यूसुफ गअ: हगा को यूसुफ गअ: लिजअ: केको चगाड़ केदा ओड़ो: मेरोमअ: मायोम रेको लुम केदा। एनेद इनकु एन लिजअ: के अकोअ: आबा केको देखावजा चि इनि: नेयअ: सोचाए चाए चि बिर रेन जन जिउ जन्तु को यूसुफ केको गोए किजअ:। याकूब इसु पुरअ: दुकु जना।
दासी कोअ: बेपारी को यूसुफ के मिस्र देश को इदि किजअ:। नील नाई रअ: गेना रे बसाव कन मिस्र देश मियद इसु पुरअ: मरंग ओड़ो: इसु पेड़ेजन देश ताइकेना। दासी कोअ: बेपार तन एन होड़ो को यूसुफ के मियद किसाड़ सरकारी अधिकारी तअ: रे दासी रअ: नुतुम ते अखरीङ ताइजा को। यूसुफ अयअ: मालिक गअ: बुगिन लेका ते सेवा केदा ओड़ो: परमेश्वर यूसुफ के आशीष ओमाजाए।
यूसुफ गअ: मालिक गअ: घरनी किन यूसुफ लोओ: गिति रअ: किन कोशिश केदा, मेनदो यूसुफ परमेश्वरअ: बिरोध रे ने लेका पाप कामी रिका लाइ मना तद किनाए। इनकिन खीस जना किन ओड़ो: यूसुफ गअ: चेतन रे झूठा आरोप किन लगाव केदा, एना मेनते इनि: के बंदी बाइ केअते जेल ओड़ा रेको साजू ताइजा। नेतअ: जकेद चि यूसुफ जेल ओड़ा रेओ परमेश्वरअ: परती बिसवास लायक ताइ केनाए ओड़ो: परमेश्वर इनि: के आशीष ओमाजाए।
दुई साल रअ: तयोमते, यूसुफ बेगर दोष रेओ नअ: जकेद जेल ओड़ा रिगी ताइन केना। मिद निदा फिरौन, चिलका चि मिस्र देश रेन होड़ो को अकोअ: राजा कोके फिरौन को मेताकोअ:, इनि: बरिया कुमु केदा। एन बरिया कुमु इनि: के इसु पुरअ: परेशान ताइजा। इनिअ: जेतायो सलहाकार को एन बरन कुमु रअ: मतलब कको उदुब दड़ि जना।
परमेश्वर यूसुफ के कुमु कोरअ: मतलब उदुब रअ: गुन ओम लिजाए, एनामेनते फिरौन यूसुफ के जेल ओड़ाए ते अयअ: तअ: केड़ा किजअ:। यूसुफ इनि: के एन बरन कुमु रअ: मतलब उदुबजाए ओड़ो कजि केदा, “परमेश्वर सात साल जकेद भरपूर अन्न ओमेयाए एना रअ: तयोमते हडो सात साल अकाल के कुले रअ: मेनाइया।”
यूसुफ गअ: बकड़ ते फिरौन इमनङ ठोओ जना चि इनि: के पूरा मिस्र देश रेन दूसरा पेड़ेजन होड़ो ठहराव किजाए।
यूसुफ होड़ो कोके बुगिन उपज रअ: सात साल इमतंग इसु थिम्बा अन्न को जमा लाइ कजियद् कोअ:। जब सात साल रअ: अकाल हिजु लेना इमतंग यूसुफ होड़ो को तअ: रे एन अन्न कोके अखरीङ केदा चि इनकु तअ: रे जोजोम नङ भरपूर होबावकअ:।
एन भयानक अकाल मिस्र देश रे भइर का ताइकेना, मगर कनान देश रेओ ताइकेना, जे तअ: रे याकूब ओड़ो: इनिअ: परिवार को तयु: तन ताइकेना।
एनामेनते याकूब अयअ: मरंग होन कोड़ा कोके अन्न किरिङ लाइ मिस्र देश ते कुल केद कोअ:। जब इनकु अन्न किरिङ लाइ यूसुफ गअ: आयुर रेको तिंगु जना दो इन हगा को यूसुफ के कको उरुम किजअ:। मगर यूसुफ इनकु के उरुम केद कोअ:।
नेयअ: सारीन लाइ चि इनकु बदली जनाको चि कहा, इनकुअ: जाँच केद रअ: तयोमते, यूसुफ इनकु के कजियद कोअ:, “अञङ अपेया हगा यूसुफ तनिङ! अलपे बोरोया। चिमतंग अपे अञङ के दासी रअ: नुतुम तेपे अखरीङ लेदिजाँ इमतंग अपे बुराई लाइ पे रिका लअ: मेनदो परमेश्वर एन बुराई के भलाई लाइ एस्तेमाल केदा। हिजु पे आद् मिस्र देश रे ताइनो पे ची अञङ अपे लाइ ओड़ो: अपेया परिवार को लाइ जोमेया को जोगाड़ दड़ि कअ:।”
जब यूसुफ गअ: हगा को ओड़ा को रुवाड़ जना दो इनकु अकोअ: आबा याकूब केको उदुबजा चि यूसुफ नअव जीद गिया। इनि: इसु रासिका जना।
याकूब हड़ाम गी ताइन केना एन रेओ इनि: अयअ: पूरा परिवार लोओ: मिस्र देश ते सेनो: जना ओड़ो: इनकु एनता रेको बसाव जना। याकूब गोजो: सिदा अयअ: सोबेन होन कोड़ा कोके आशिर्बाद ओमाद कोअ:।
करार रअ: एन वायदा के जे परमेश्वर अब्राहम लोओ रिका लअ:, एना इसहाक रे ओड़ो: एना रअ: तयोमते याकूब ओड़ो: एना रअ: तयोमते इनिअ: बारह झन होन कोड़ा कोतअ: ओड़ो: इनकुअ: परिवार रेन होड़ो कोतअ: हिजु लेना। एन बारह होन कोड़ा कोअ: वंशज इस्राएल रेन बारह किली को बाइ जना।
उत्पत्ति अध्याय 37-50 ते इदियाकन बाइबल रअ: मियद कहनी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।