11. ११. वल्हांडण सण

परमेश्वराय मुसा आन हारुनाल इं आखीन फाये इंही मोकल्या की इस्त्राएली लोकाहान जां दे. तियाहांय तियाल चेतावनी देदी की जर तोअ तियाहान नाय जां देह ता तो परमेश्वर मिस्रा लीकहान आन जानवरान माय वाकी. फारो इं उनायन बी परमेश्वरावे विश्वास थवनू आन तिया गोठ माननुसे इनकार केअयो.

परमेश्वराय तियावे विश्वास केअनारा केढा बी पेअला पोयराला वाचावा उपाय की लेदो. प्रत्येक परिवाराल एक निष्कलंक येठो भाआनु आथो.

परमेश्वराय इस्त्राएली लोकांहान तिया मेढा रक्त लीईन जिया-तिया पोंगा बांडावे लागवा आख्य. तियाहांय तिया मांहा पुंजनु आथो आन फाची तीयाहान अखमिरी मांडा आरी खावनू आथो तियाहाय तो जेवण खावनू बाद तियाहान लगेच मिस्त्र सोडनू तियारी केरा आखी.

जेह्की केरा परमेश्वराय इस्त्राएली लोकाहान आदेस देदलो. आथो तियाहांय तियानुसार बादों काय केअयो. मध्यरातीम परमेश्वराय हर एक पेअला पोयराल घात केअतो मिसरा मेने निगी गियो.

इस्त्राएली लोकाही प्रत्येक पोंगवांडावे रक्त लागलं आथो, तियाल हारा परमेश्वराय तें पोंगे सोडी देदी. तियाहा माजमेने बादा लोक सुरक्षित आथा, तें मेढा रक्ताकी वाचाय गेह्ला.

पेन मिसरी लोकाहांय परमेश्वरावे विश्वास नाय केअयोआन तिया आदेस बी नाय मान्या. तियाल परमेश्वराय तियाहां पोंगाहान नाहा सोडयें परमेश्वराय मिसरी हरएक पेअला पोयरालन माय टाक्यें.

जेला मेने कैदयाहा पेअला पोयला पोयराहाम लीन ता, फारो पेअला पोयराहा लुग हर एक पेअलो पोयरो मोय गियो. तीयाहा खुब दुखा कारणे मिसरा प्रत्येक लोक रोडता आथा आन विलाप कि रेह्ला आथा.

तियो राती फारोय मुसा आन हारुनाल हादया आन आख्य, “ इस्त्राएलियाहान लीईन लगेच मिसर सोडीन निगी जा” मिसरा लोकांहाय बी इस्त्राएलियाहान लगेच निगी जा आग्रह केअयो.