14. १४. जंगलाम भटकूनू

परमेश्वराय इस्त्राएलीयाहान तिया नियमाहान आखनु समाप्त केअलं जियाहा तीयाहान बांधली वाचा कारण पालन केअनु हाय. फाची तियाय सिनाय डोगा आगाडी तियाहा अगुवाई केअयी. तोअ तियाहान प्रतिज्ञा देसाय ली जो आथो. इं देसालकनांन भी आखतेंह परमेश्वर वादला खांबामेने आगाडी-आगाडी चाल्य आन ते तिया फाचाडी चाल्या.

परमेश्वराय अब्राम,इसाक आन याकुब से प्रतिज्ञा केअली आथी. का ओ देस तिया वंसाल दी, पेन इया समयावे तिही खुब जाती रेतल्या आथ्या. ते कनानी नावाकी ओअखातले. अ कनानी लोक परमेश्वरा आराधना नाय केअता आथा आन तिया’ आदन्या बी नाय मानतला आथा. तें खोटी देवता हा पुजा केअतले आथे आन खुब खराब कामे केअते आथे.

परमेश्वराय इस्त्राएलिहान आख्यों, जाहा तुमा तिया वाचा देसाम जाहा तांहा तिही बादा कनानीही से अलग रेजा. तियाहा आरी संगती नाहा केहा आन तियाहा आरी वोएड नाहा केहा. तुमाहान तियाहा बाद्या मुर्तीहीन नाश की देवनू बय. जर तुमा माआ आदन्या नाय मानाहा ता तुमा मान सोडीन तियाहा देवी देवताहा पुजा आर्चा केरा लागाहा.

जाहा इस्त्राएली कनाना हिंवा वे पोग्या, मुसाय इस्त्राएलामेने प्रत्येक गोत्रामेने एक-एक किईन बारा पुरुषाहान निवडी लेहा तियाय तियाहान तिया देसा मालूमत केरा सुचना केअयी का तोअ देस केहेडो हाय. तियाहान तिया कनानी लोकाहा भेद लेवनू आथो. की ते ताकतवान आथा का कमजोर आथा.

तिया बारा पुरुषाहाय पुरा कनानाम रेता चालीस दिही प्रवास केअयो आन फाची ते वापस आला. तियाहाय लोकाहान आख्यों तो देस खुब सुपीक हाय, आन पिके खुब हाय. “ पेन दाहा भेद्या आख्यों तियाहा शहरे खुब मजबुत हाय आन लोंक खुब डांडगा उंचा-भोडा हाय. जर आमा तियाहावे हमलो केअजीता ता ते खेयेज आपुहुन हारावी दी आन आपुहुन माय टाकी.”

तुरुतूज कालेब आन यहोशूय आन अन्य बेन भेद्यांहाय आख्यों इं खरोज हाय का उनाना लोक उचा आन शक्तीवान हाय पेन खेराज आपु तियाहान हारावी सेकताहा. परमेश्वर आमा वेलने लडाई केरी.

पेन लोकाहाय कालेब आन यहोशू नाय उनाया ते मुसा आन हारुनावे क्रोधीत वेअयी, तो मिलापेवाला तंबूम आली आन आखेह तुमाहाय माआ वीरोदाय राड केअयी ही. तीयाले तुमा बादाहान इया जंगलाम भटका पडी प्रत्येक जा जो वीस किंवा तीयासे जाह्को वोराहा हाय तो तिही मोय जाय. आन कधीच तिया देसाय जाय नाय सेके. जों आंय तुमाहान दिहू. फक्त कालेब आन यहाशू तियाम प्रवेश केरी.

हे पाहून देव रागावला व दर्शनमंडपाजवळ आला.देव म्हणाला, "तुम्ही माझ्याविरूद्ध बंड पुकारल्यामुळे आता तुम्हा सर्वांना ह्या जंगलामध्ये भटकावे लागेल.फक्त यहोशवा आणि कालेब, यांना सोडून बाकी सर्व वीस वर्षाचे व वीस वर्षांवरील लोक या जंगलामध्येच मरतील व त्यांचा वचनदत्त देशामध्ये प्रवेश होणार नाही.”

जाहा लोकाहांय परमेश्वरा इं आखता उनाया ता वे दुखी वेअया काहाका तियाहायं पाप केअलो आथो. तियाल तियाहांय कनाना लोकाहावे ह्यलो केरा निर्णय लेदो, मुसाय तियाहान नाय जावनू चेतावनी देदी कहाका परमेश्वर तिहाहा आरी नाय जाणारो आथो. पेन तियाहाय तियानाय उनाया.

परमेश्वर इयो लडाई नाय आथो. तियाल कनान्याहाय तियाहान हारावी देदा. आन तियाहामेने खुबुज लोकाहान माय टाक्या. ताहा इस्त्राएली लोक कनानामेने वापस वेअया. आगाडयें चालीस वोरेहे लुग तें जगलाम ऐहे-तेहें भटकी.

इस्त्राएली लोकाहासे जंगलाम भटकनू चालीस वोराहाय, परमेश्वराय तियाहा हर एक आवश्यकता पुरी केअयी. तियाय तियाहान होरगामेने “मन्ना” नावा भांडो खावाव्यो. तियाय हाने-हाने चिडाहा माहां वी खावाव्यो. तिया पुरा समयाम, परमेश्वरा तियाहा फाडके आन चापले फाटा नाय देदे.

इही लुग का परमेश्वराय तियाहान पीया खातोर खडकामेने पांय काढ्यो. पेन इया बादाहासे बी इस्त्राएली लोकाहाय परमेश्वरा आन मुसा विरूद शिकायत आन कुखुर केरा लाग्या. तबी परमेश्वर तियाहा आरी विश्वास योग्य आथो तियाय नी प्रतिज्ञा केअली आथी का अब्राम, इसाक आन याकुबा वंशा खातोर किंही तो केअयो.

एक समय जाहा तियाहान पिवनू पांय नाय आथो, परमेश्वराय मुसाल आख्यों “ खडका आरी गोठया के, आन तियास पांय निगी” पेन मुसाय खडका आरी गोठ नाय केअयी. उलट तिया, तियाय लाकडां की खडकावे बेन दा उकी. इयो रितीकी तियाय परमेश्वरा आदर नाय केअयो बादाहा खातोर खडकामेने पांयता निग्यो पेन परमेश्वर मुसाकी क्रोधीत वी गियो. तियाय आख्यों, “ काहाका तूंये ऐहेकी केअयोह, तियाल तू प्रतिज्ञा देसाम प्रेवेश नाय कि सेको.

जांहा इस्त्राएली लोक चालीस वोरेहे लुग भटकी चुकला आथा, तांहा जियाहांय परमेश्वरा विरूदाम बलवो केअलो आथो. ते बादा मोय गेह्ला आथा. तांहा परमेश्वर तिया लोकाहान फाची तिया प्रतिज्ञा देसा हिंवाय लुग ली गियो आमी मुसा खुब डायो वि गेहलो आथो. तियाल परमेश्वराय लोकाहा अगुवाई केरा तियाहान मदत केरा यहोशूल निवडी लेदो. परमेश्वराय मुसाल इबी प्रतिज्ञा केअयी की एक दीही तो तिया लोकाहाय मुसा होच एक भविष्यवक्तो मोकलीही.

तांहा परमेश्वराय मुसाल एक डोगा टेकडी वे जा खातोर आख्यों का तो प्रतिज्ञा देसाल देखी सेके. मुसांय तिया प्रतिज्ञा देसाल देखाव्यों पेन परमेश्वराय तिया देसाम जावनू परवानगी नाय देदी. तांहा मुसो मोय गियो, आन इस्त्राएली लोकाहांय तीस दिही लूग शोक केअयो यहोशू तियाहा नवो अगुवो बनी गियो. यहोशू एक हारो अगुवो आथो काहाका तियाय परमेश्वरावे भरोसो केअलो आन तिया गोठ्या मान्यो.