15. १५. वायदी देस

शेवटी, आमी तो समय आवी गेहलो आथो का इस्त्राएली लोक वायदा देसाम, कनान देशाम प्रवेश के. तिया देशाम यरीहो नावा नगर आथो. तिया रखवाली खातोर तिया चारी वेल आन मजबूत भिंती आथ्या. यहाशूंय तिया नगराम बेन भेद्याहान मोकल्या. तियो नगराम एक राहाब नावा वेश्या रेतली आथी. तियाय तिया भेंद्याहान दबाव्या, आन फाची तियाहान दबीन जांखातोर मदत केअयी तियोय इं तियाल केअयो का ती परमेश्वरावे भरोसा थवतली. जियो समय इस्त्राएली लोक येरीहो नाश केरी ताहा तियाहांय राहाब आन तियो परीवारा रदवा केअनू प्रतिज्ञा केअली आथी.

इस्त्राएली लोकाहान वायदा देसाम प्रवेश केरा खातोर यरदन खाडी उनकालनू आथी. परमेश्वराय यहोशूल आख्यों. याजकाहान पेअला जां दे. जाहा याजकाहाय यरदन खाडीम तियाहा पाय पाग्या ताहा तों पांय वोयान थांबी गियो. जिहाकी इस्त्राएली लोक खाडी बिहरी वेल हुकाली जमिनिवे जाय सेके.

तिया लोकाहांय यरदन खाडी पार केअया बाद, परमेश्वराय यहोशूल आख्यों का मरीहोवे हमलो केरा खातोर तीयार य. जरी तो द्रूढनंतर आथो. परमेश्वराय तिया लोकाहान आख्यों का तिया याजकाहान आन सैन्याहान सहा दिही लूग तिया नगरा यारीवेल फेऱ्या फिरनू हाय. शेवटी याजक आन सैन्याहाय तेह्कीज केअयो.

ताहा सातवा दिहाल, इस्त्राएलीहांय तिया नगरा चारी वेल फाची सात फेऱ्या लागव्या. तिया नगरा चारीवेल सातवी फेरी फिरनू बाद, याजकाहाय तियाहा तुऱ्या आन सैन्याहान जोरसे बोंबल्या.

ताहा यरीहो चारीवेलने भिंती पडी गिया, जेह्की परमेश्वराय आदन्या केअली आथी इस्त्राएलीहाय नगरा प्रत्येक वस्तू नाश की टाकी. तियाहांय फक्त रहाब आन तियो परिवार सोडी देदो. जो इस्त्राएली ही भाग बनी गेहलो आथो, जांहा कनानाम रेनाय अन्य लोक उनाया का इस्त्राएलीहाय यरीहोल नाश की टाक्यो. ता तें धाकाय गिये का इस्त्राएली लोक तियाहावे बी हमलो केरी. परमेश्वराय इस्त्राएली लोकाहान आदन्या देदली आथी का कनाना मे रेनारी केअली बी जाती आरी संगती नाय केअनू हाय.

पेन गीबोनियो नावा एक कनानी जातीय यहाशूल खोंठो गोग्या. का ते कनाना हीने दूर एका जागावे रेनारे हाय. तियाहाय यहाशूल तियाहा आरी संगती केरा विनंती केअयी. यहोशू आन अन्य इस्त्राएली लोकाहांय (अगुवाहाय) परमेश्वराल नाय पुछ्यो का तियाहान काय केरा जोजे. तीयासे, तियाहाय, गिबोनियोंहा आरी संगती कीई लेदी.

तीन दिहा नंतर, इस्त्राएलीहान मालुम पडयो का गिबोन लोक कनानये रेतला आथा. ते क्रोधीत वीई गिया काहका गिबो नीहाय तियाहान धोको देदलो. पेन तियाहाय तियाहा आरी लेअली संगती बनावी राखली. काहाका तों परमेश्वरा हुंबुर केअलं आथो. ताहा काहीक समया बाद कनान से रेनारी एक जात, एमोरीया राजांहाय उनाया का गिबोनियाह इस्त्रालीमाह ओरी संगती किई लेदीही. तियाल तियाहा तिमा तियाहा सैन्याहा एक-एक किईन एक मोडी सेना बनावी आन गिबोनावे हमलो किई देदो. गिबोनीयाहाय तियाहा मदत केरा खातोर यहोशू इंही एक बातमी मोकली. शेवटी यहोशूय इस्त्राएला सेना एकठ्ठी केअयी आन गिबोनियाहा इंही पोचा खातोर ते पुरी रात चाल्या.

हाकालीईल तियरहांय एमोरियाहा सेनाल चकीत कि देदे. आन तियाहावे हमलो किई देदो. तियो दिही परमेश्वर इस्त्राएलीहा खातोर लाढ्यो.

तियाय एमोरी लोकाहान काबरावी देदो. आन तियाय मोडयामोडया (गाऱ्या) पाडीन खुब एमोरीयांहान माय टाक्या. परमेश्वराय सूर्याल बी एकी जागे स्थिर किई देदे का इस्त्राएलीहान खुब समय मिले का एमोरीहान पुरी रिते हारावी दे.

तियो दिही परमेश्वराय इस्त्राएलाहा खातोर एक मोडो विजय प्राप्त मिलवी देदो. जाहा परमेश्वराय तियो सेनाल हारवा बाद, बरेच कनानी जाती लोक इस्त्राएला बे हमलो केरा खातोर एकठ्ठा वेअया,

यहोशू आन इस्त्राएलीहाय हमलो किईन तियाहा बादोकाय सत्यानाश किई देदो. इयो लडाई बाद, परमेश्वराय इस्त्राएली प्रत्येक गोत्राल प्रतीज्ञा (वायदा) तिया देसाम तियाहा हिंसो देदो.

ताहा परमेश्वरांय इस्त्राएलाल तियाहा बादा हिवावे शांती निर्माण केअयी. जाहा यहोशू डायो विई गियो ता तिमाय इस्त्राएला बादा लोकाहान एकत्र हादयो.

ताहा यहोशू तिया लोकाहान इत केराव्यो का तियाहान तिया करारा पालन केअनू वायदा केअलो आथो नो परमेश्वरा आरी विश्वास योग्य बनीन आन तिया व्यवस्था पालन केरा वायदो केअलो.