16. १६. सोडवूनारे

यहोशू मोअनू बाद इस्त्राएलीहाय परमेश्वरा इंकार केअयो तियाहाय परमेश्वरा नियमाहा पालन नाय केअयो, आन तियाहांय तिया वायदा देसा वाचाला कनानी लोकाहान बारे नाय काढ्या इस्त्राएली लोकाहाय, खरा परमेश्वराल सोडीन कनानी लोकाहा देवी देवताहा सेवा केअनू सुरवात कि देदी.इस्त्राएलीहावे केढो राजा नाय आथो तियाल जियाल जो हारों लागे तो केअयो.

परमेश्वरा आदन्या नाय माननूद्वारे इस्त्राएली लोकाहांय एक नवी पध्दतीत शुरूवात कि लेदो. जियोल बरेचदा आखल हाय. इ पध्दत इयो प्रकारे चाली आली काहीक वोरेहे लुग इस्त्राएली लोक. परमेश्वरा आदन्या नाय माने. ताहा तो तियाहान तियाहा शत्रुहुसे हारावी दी, देवनूद्वारे दंड दी. ये शत्रु इस्त्राएलीहान लुटी ली, तियाहा समात्ती नव्ह की टाकी आन तियाहामेने खुबुय माय टाकाय आवी. फाची जहां इस्त्राएलीहावे शत्रु तीयावे काहीक वोरेहे लुग अत्याचार केरी. तिया बाद इस्त्राएली तियाहा पापाहा पश्चतापू केरी आन परमेश्वराल तियाहान वाचावा खातोर प्रार्थना केरी..

प्रत्येक समयाल इस्त्राएली पश्याताप केरी आन परमेश्वर तियाहान वाचावी. तो एक सोडवुनाराद्वारे ऐहकी केरी. एक रेतेदो व्यक्ती जो तियाहा खातोर लेडी. आन तियाहांव हारावी दी ताहा देशाम शांती री आन तो सोडवूनाये तियावे हारीकी राज्य केरी. परमेश्वराय तियाहान सोडवा खातोर काहीक सोडवूनारी मोकल्या. परमेश्वराय पाहीज एक शत्रू जाती, मिदयानियाद्वारे इस्त्रांएलीहान हारावाद्वारे ऐहेकी फाची केअयो.

मिदयान्या हाय सात वोरेहे लुग इस्त्राएलीहा पिके लुटी लेहे इस्त्राएली लोक खुब धाकाय गेहेला आन ते गुफाय दबी गेहलो का मिदयानी लोक तियाहान होदी नाय सेके शेवटी तियाहान वाचावा खातोर तियाहाय परमेश्वराल हातवयो.

गिदोन नावा एक इस्त्राएली पुरुष आयो. एक दिही तों गुप्त जागाम गंव निवडू आथो. का मिदयानी लोक लुटी ना लीई जाय. यहोवा स्वर्ग दूत गिदोना इटी आवीन आखेह ऐ शूरवीर सुरमा, परमेश्वर तोअ आरी हाय. जो आन इस्त्राएली हान मिदयानासे वाचाव.

गिदोना बाहकावे एक मूर्ती वेदी आथी. पेअली गोठ जी परमेश्वरांय गिदोनाल केरा आखली ती तियो वेदील तोडनू आथो. पेन गिदोन लोकाहान धाकातलं आथो. तियाल राते वेरा देदी. तांहा तियांय तियो वेदील तुकडा-तुकडा किई देदा. तियांय परमेश्वरा खातोर एक नवी वेदी बनावी आन तियावे परमेश्वरा खातोर बली चढवी.

हाकाली बेल उठीन लोकाहाय वेअयोना एकदाय वेदी तुकडा-तुकडा तोडी टाळी. तियाल ते खुब क्रोधीत विई गिया. ते गिदोनाल माय टाका खातोर गिदोना कोअ गिया. पेन गिदोना वाहाकाय आख्यों तूमा काहा तूमा देवाहान मदत केअताहा? जर तो देवता हायतो तियाल स्वतः तिया रक्षा केरा दा. काहाका तियाय ऐहकी आख्यों तियाल गिदोनाल नाय मायो.

ताहा इस्त्राएली लोकाहान लुटा खातोर फाची गिदयानी लोक आला. ते ओता आथा की तियाहा गणत्री नाय विई सेकतली. गिदोनाय तियाहा आरी लडा खातोर इस्त्राएलाहान एकत्र हादया. गिदोनाय परमेश्वरावे बेन चिन्ह माव्ये. ताकी तियाहान भरोसो आवे का परमेश्वराय खेयेज तियाल इस्त्राएलाल वाचवा आखी रेहलोहाय.

पेह्लो चिन्ह खातोर गिदोनाय भेडा चोहये भूमिवे थवीन परमेश्वराल आखे का हाकल्यो चाखलो तिया चोह्यावे पडे. परमेश्वराय तेहकीज केअयो आगडी रातील तियाय परमेश्वराल आख्यो का भूमि तितली विई जाय. पेन मेडा चोह्ये हुकाले रे परमेश्वराय ऐहेकी बी केअयो. इया बेन चिन्हा कारणे गिदोनाय विश्वास केअयो का परमेश्वर खेरोज चाहे का तो इस्त्राएलीयाहान मिद्यानाहासे वाचावे.

ताहा गिदोनाय सैनिकाहान तिया इही हाद्या आन ३२००० पुरुष आला परंतू परमेश्वराय तियाल आख्यों का ऐ खुबुज जाहाका हाय शेवटी इया बादा २२०००, हान कोअ वापस मोकली देदा ते लडाई केरा धाकातला आथा. परमेश्वराय गीदोनाल आख्यों ऐ पुरुष आमी बी खुब ताथा तियाल गिदोनाय ३०० सैनिक सोडीन बाक्याहान कोअ मोकली देदा.

तियो राती परमेश्वरा गिदोनाल आख्यो मिदयाना झोपडीम जोअ आन मोठ्या केअता उनाय जाहां तु उनायाह ते काय गोठ्या केअताहा ताहा तियावे हमलो केरा नाहा धाकायोह तियाल गिदेन राती तियाहा झोपडीम गियो आन तियाय एका मिदयाती सैनीकाल तिया मित्रांल गोठ्या (उनामा) उनायो जों होपना देखलो आयो. तिया पुरुषा मित्रांय आख्यों इया होपना अर्थ हायका मिदोंन सेना आपू मिद्यानी सेनाला हारावी दी. जाहा मिदोन इं उनाया ता तियाय परमेश्वरा स्तूति केअयी.

तांहा गिंदोन तिया सैनिका इंही वापस गियो आन तियाय प्रत्येकाल एक-एक नरसिंगो एक कादवा बासनो आन मसाल देदी. तियाहांय तियो झोपडील घेरी लेदी. जिही मिदयानी सैनिक हुवतला आथा. गिदोना ३०० सैनिकाहाय तियाहा भसाल्या बासना की दबावल्या आथ्या. तियाल मिदयानी लोक तियो मसाली ही दजवाडाल देखी नाय सेक्या.

गिदो ना बादा सैनिकाहाय तियाहा बासने एकूज समयी तोडीन अचानक मसालीही आग देखावी. तियाहोय तियाहा नरसिंगा फुक्या आन बोंबल्या, यहोवा आन गिदोना तलवार.

परमेश्वराय मिदयानी लोकाहान काबरावी देदा. तियाल ते एक विकाल ठोका लाग्या. तूरतूज गिदोनाय संदेशवाहकाला जाहाका इस्त्रालिहान मिदयाना पीछो केरा तिया मदत केरा खातोर मोकल्या. तियाहांय खुबुन मिदयानाहान मे टाक्या आन बावयाहान ओडी लायीन इस्त्राएला देसा बारे ओडी पाडया तिमो दिही १२०००० मिदयानी लोक माय टाक्या इयो रितीका इस्त्राएलाहान परमेश्वराय वाचाव्या.

तें लोक गिदोनाल राजा बनावा आथा. परंतू गिदोनाय तियाहान ऐहकी नाय केरा देदा. पेन तियांय तियाहावेने होना दागिने भांग्या जे तियाहांय मिदयानी लोकाहावेने लुटी लेदले आथे तिया लोकाहान खुब होनो गिदोताल देदो.

ताहा गिदोनाय तिया होना एक फाडको बनाव्यो जेहकी माहायाजक पोवता आथा. परंतू लोकाहांय तिया सेना करा सुरुवात किई देदी जेहकी मूर्ती पुजा केअतेह परमेश्वराय तिया शमुहुंन तियाहान हारावा खातोर मेजबूत प्रार्थना केअयी. आन परमेश्वराय तीयाहा पाही तियाहान वाचवा खातोर एक फाची सोडवूनाये मोकल्यो.

इ गोठ खुबुज दा वेअवी इस्त्राएली लोक पाप केरी. परमेश्वर तियाहान दंड दी. तेअं पश्यताप केरी आन परमेश्वर तियाहान सोडवा खातोर एकदाल मोकली. काहीक वोरेहे लुग. परमेश्वरायखुबुज सोडवूनारा मोकल्या जियाहांय इस्त्राएलीहान तियाहा शत्रुहून वाचव्या.

शेवटी, तिया लोकाहांय बिहीरा देसाहा होच परमेश्वराये तियाहा खातोर एक राजा माण्यो का ते एक एहेंडो राजा जोजतलो जो उचा आन ताकतवान वे आन जो लडाईम अगुवाई केअ परमेश्वराय इ विनंती पसंद नाय आथी. परंतु तियाम तियाहान तेह्की राजो देदो. जेह्की तियाहांय आगलो आथो.