17. १७. दाऊदा आरी परमेश्वराय करार (वाचा)

साऊल इस्त्राएला पेअलो राजो आथो. तो उचो आन सुंदर आथो जेह्की लोकाहान जोजतलो तेहकीच. इस्त्राएलावे तिया राज्या कही वोरेह शाऊल इस्त्राएला हारो राजो आथो. पेन नंतर तो एक दृष्ट राजा बनी जियाय परमेश्वरा गोठ्या नाय मानतलं तियाल परमेश्वरा एक विहीए व्यक्तील निवड्यो जो एक दिही तिया जागावे राजा बने.

परमेश्वराय दाऊद नावा एक जुवान इस्त्राएली पुरुषाल निवडीईन एक दिही शाऊला जागावे राजा बनवा खातोर तियार केरा शुरवात केअयी. दाऊद बेतलाया एक चारणाये आथो. काहीक समयावे दाऊदाय सिंह आन आसालाहान बेन्याहान माय टाकले काहाका दाऊदाकी राखवाली केअता समय तिया बाहाका मेढाहावे तियाहाय हमलो केअलो आथो. दाऊद एक नम्र आन धर्मी व्यक्ती आथो तियाय परमेश्वरावे भरोसा केअयो आन तिया गोठ्या मानतलो.

दाऊद एक जुवान ही आथो आन तियाय लांबो डांडगो गोली यता आरी लडाई केअयी गोलीयत एक हाये सैनिक आथो. तो मजबुत आन लगभग तीन मीटर लांबो आथो. पेन परमेश्वराय गोलयताल मारा आन इस्त्राएलाल वाचावा खातोर दाऊदा मदत केअयी तिया बाद दाऊदाय काहीक समय इस्त्राएला दुश्मनावे विजय मिलवी. दाऊद एक मोडो सैनिक बनी मियो तियात खुबुज लडाईय इस्त्राएला अगुवाई केअयी. लोकाहाय तिया वाहावा केअयी.

लोक दाऊदावे ओता प्रेम केरा लाग्या का शाऊल तियाल जला लाग्या. आखरीवे शाऊल तियाल माय टाका आथो. तियाल दाऊदा तिया आन तिया सैनिकासे दबा खातोर जंगलाम नाही गियो. एक दिही शाऊल आन तिया सैनिक दाऊदाल होदता-होदता तियो गुफाम गिया जिही दाऊद दबलो आथो. पेन शाऊलाम तियाल नाय देख्यो दाऊद तिया फाचाठी चाली गियो आन तिया फाडका एक तुकडो वाठी लेदो नंतर जांहा शाहुल गुफामेने बारे निग्यो ताहा दाऊदाय तियाल हालकीईन तिया फाडका तुकडो देखाव्यो इयो रितीकी शाऊल जांय गियो का दाऊदाय एजा बना खातोर तियाल माय टाका इंनकार केअलो हाय.

काहीक समया बाद शाऊल लढाईम मय गियो. आन दाऊद इस्त्राएला राजा बनी गियो तो हाये राजो आथो. आन लोकाहाय तियावे प्रेम केअयो. परमेश्वराय दाऊदाल आशीषित केअयो अन्न तियाल सफल बनाव्यो दाऊदाय काहीका लढाई केअया आन परमेश्वराय इस्त्राएला शत्रूहुन हारावा दाऊदाल मदत केअयी. दाऊदाय यरुसलेम नगर जिकीईन तियाल तिया राजधानी बनावी. जिही तो रियोआन राज्य केअयो दाऊद चालीस वोरेहे लुग राजा रियो, इया समयाम इस्त्राएल सामर्थी आन धनवान बनी गियो.

दाऊद एक मंदीर बनावा आथो जिहीं बादा इस्त्राएली परमेश्वराय आराधना की सेके आन तिया खातोर बली चढवी सेके. लगभग ४०० वोराहा से ते लोक मुसा बनावला मिलापवाला तंबूम परमेश्वरा आराधना कीई रेह्ला आथा आन तियाल बलीदान चढवूता आथा.

पेन तिही नातान बावा एक भविष्यवक्तो आथो. परमेश्वराय तियाल दाऊदा इंही आंखा मोकल्यो. “ तूंमुय खुब लडाया केअयाहा तियाल तुं मांआ खातोर इं मंदीर नाय बनावो. तोअ पोयरो इं मंदीर बनावी, तेबी आंय तूल खूब आशीषीत कीहीं. तोअ एक वंश कायममोट माआ लोकाहावे राजा रुपाम राज्य केरी. कायम माटे राज्य केअनारो तोअ दाऊदा एकमात्र वंश मसीह आथो. मसीह परमेश्वरा निवडुलो व्यक्ती आथो. जा जगा लोकाहा पापाहान वाचावी.

जाहां दाऊदांय नाताना संदेश उनाया ता तिया परमेश्वरा धन्यवाद केअया आन तिया स्तुति केअयी परमेश्वर तिया बाचा वादवुतो आथो आन तियाल खुब आशिष देतलो आथो. बेशक दाऊद नाय जांतलो आथो का परमेश्वर इयो गोठीहीन कधीही केरी इयो समय आथा की इस्त्राएली हान एक लांबो समय लुग लगभग १००० वोरेह लुग मसीहा आवनू प्रतीज्ञा केरा पडी.

दाऊदाय काहीक वोरेह लुग तिया लोकाहावे न्याय पूर्वक राज्य केअयो. तिया मोडा मनाकी परमेश्वराय तियाल आशीषित केअयो. काहाका तियाय जीवना शेवटी परमेश्वरा विरूद पाप केअलो आथो.

एक दिही दाऊदाय तिया महला बारे वेअयो आन एक सुंदर स्त्रीला उंगता देखी. तो तियोल नाय ओखुतो आथो. पेन तियाय यालुम किई लेदो का तियो नाव बेतशेब हाय.

तियायातिया नजर हटवा से एक व्यक्तील तियोल लां मोकली देदो. तोअ तियो आरी दुवतो आन वापस कोअ मोकली देदी. काहीक समया बाद बतशेबाय इं आखीन दाऊदा इंही संदेश मोकली का ती गर्भवती हाय.

बतशेबा पति उरियाह नावा एक व्यक्ती आथो. तो दाऊदा सैनिका मेने एक खास सैनिक आथो. इया समयावे तोअ लढाई केरा बारे गेहलो आथो. दाऊदाय उरियाल युद्धायेने वापस हादीने तिया पत्नी आरी रो आख्यो पेन बाकी सैनिक युद्धाम आथा म्हणून तियाहा वापस कींअ जावनू मना किई देदो. सेनापती तियाल लडाईम रेहेडा जागाव मोकले जिही शात्रू जाहका शक्तिशाली हाय, ताकी तोअ मोय जाय. ता रेहेकी वेअया का उरिच्याह लडाईम मोय गियो.

उरीयाह युद्धाय मोअनू बाद दाऊदांय बेतरोबा आरी बोराड केअयो नंतर तियोय दाऊदा पोयराल जन्म देदो. दाऊदांय जों केअयो तियाल देखीन परमेश्वर खुब क्रोधीत वेअयो. तियाल नातान भविष्यवक्ताल दाऊदाल इं आखा मोक्ल्यो का तिया पाप खुब वाईट आथो. दाऊदाय तिया पापा पश्यताप केअयो आन परमेश्वराय तियाल इवया (माफ) किई देदो. तिया बाकजीवनाय, तिया कठीण समयाम बी दाऊदा परमेश्वर परमेश्वर फाचाडी-फाचाडी चाल्यो आन तिया गोठ्या उनायो. (मान्यो).

पेन दाऊदा पोयरं मोय गियो इयो रितीकी परमेश्वराय दाऊदाल दंडीत केअयो. इयासेबी, दाऊदां मोअतू लुग तिया परिवारामेने काहीका लोकांहाय तिया विरूदाय लडाई केअयी आन दाऊदा शक्ती कयी विई गियी. पेन परमेश्वर विश्वास योग्य आथो आन आमी बी तियाय तोअ केअयो जो तीयाय दाऊदाल केरा (आखलो) वायदो केअलो आथो का तोअकेरी. भले दाऊद तिया अवज्ञा केई नंतर दाऊद आन बतशेबाल बिहरो पोयरो वेअयो आन तियाहांय तिया नाव सुलैमान भव्यो.