41. यीशु दा मरेयां ते दोबारा जिन्दा होणा

जाह़लू सपाईयां यीशु सूल़िया पर टुँगी दित्ता तां तिसते बाद, यहूदी अगुवां पिलातुसे नैं ग्लाया, तिस झूठै, यीशुयैं ग्लाया था कि सैह़ त्री दिनां बाद मरेयां ते जिन्दा होई जांगा। अहां जो एह़ दिखणे तांई कब्रा दी निगरानी करणी चाइदी ऐ, क्जोकि कुत्थी इआं नीं होयैं कि तिसदे चेले तिसदिया लाशा चोरी नैं लेई जान जो चुराई नीं लेई जान कने बादे च ग्लान कि सैह़ मरेयां ते दोबारा जिन्दा होई गेआ ऐ।"

पिलातुसैं ग्लाया, “कुच्छ सपाई अपणे सौगी लेई जा, कने जिआं तुहां करी सकदे हन तिआं ई कब्रा दी रखवाल़ी करा।” इसतांईं तिन्हां तिसा कब्रा दे मुँए पर रखेयो पत्थरे पर इक्क मोहर लगाई दित्ती। कने तिसा कब्रा दे बाहर सपाईयां दा पैहरा लगाई दित्ता। तांजे कोई भी तिसदिया लाशा जो चुराई नीं सकैं।

यीशुये दे मरने ते बाद, अगला दिन बिस्रामे आल़ा दिन था। कोई भी बिस्रामे आल़े दिनैं कम्म नी करी सकदा था, इसतांईं यीशुये दा कोई भी साथी कब्रा अल्ल नीं आएया था अपर बिस्रामे आल़े दिने ते बाद, दूये दिनैं भ्यागा कुच्छ जणासां यीशुये दिया कब्रा पर जाणे तांई त्यार होइआं। सैह़ यीशु दे सरीरे पर खुशबुदार चीज्जां लगाणा चांह़दियां थियां।

तिन्हां जणासां दे पुज्जणे ते पैहल्लैं, कब्रा पर इक्क बड़ा बड्डा हिल्लण होएया। सुअर्गे ते इक्क सुअर्गदूतैं आईकरी तिस पत्थरे जो खसकाई दित्ता जेह्ड़ा कब्रा दे मुँए पर रखेया था कने तिस पर बैठी गेआ था। एह़ सुअर्गदूत तेज रोशनिया साइआं चमका दा था। कब्रा अल्ल जेह्ड़े सपाई थे तिन्हां सैह़ सुअर्गदूत दिख्या। सैह़ इतणे डरी गै कि बेहोश होई करी जमीना पर पेई गे।

जाह़लू सैह़ जणासां कब्रा अल्ल पुज्जियां तां तिन्हीं सुअर्गदूतैं तिन्हां नैं ग्लाया, “मत डरा। यीशु ऐत्थू नीं ऐ। सैह़ मरेयां ते दोबारा जिन्दा होई गेआ ऐ, जिआं कि तिन्हीं ग्लाया था कि सैह़ मरेयां ते दोबारा जिन्दा होई जांगा! कब्रा च तोपा कने दिक्खा।" ताह़लू सैह़ जणासां कब्रा अन्दर जाई नैं यीशु दिया लाशा तोपणा लगियां कने भिरी तिन्हां तित्थु दिख्या कि यीशु दी लाश ऐत्थु नीं ऐ।

ताह़लू तिन्हीं सुअर्गदूतैं तिन्हां जणासां नैं ग्लाया, “जाई करी तिसदेयां चेलेयां जो दस्सा, “कि यीशु मरेयां ते दोबारा जिन्दा होई गेआ ऐ कने सैह़ तुहां पैहल्लैं गलील प्रदेसे जो जांगा।'"

सैह़ जणासां हरान होई गियां कने बड़ियां खुस होइआं। सैह़ चेलेयां जो एह़ खुशखबरी सणाणे तांईं दौड़ी करी गियां।

जाह़लू सैह़ जणासां चेलेयां जो एह़ खुशखबरी दस्सणे तांई रस्ते च चलियां थियां, तां रस्ते च यीशु तिन्हां जो दुस्सेया। सैह़ तिसदेयां पैरां पर पेई गियां। ताह़लू यीशुयैं ग्लाया, “मत डरा। जाई करी मेरे चेलेयां नैं ग्ला कि सैह़ गलील प्रदेसे च पुज्जी जा। तिन्हां नैं मैं तित्थु मिलगा।"