۱- آفرینش

خۊدا کائناتأ هأتؤ خلق بۊکۊد: اۊن دۊنيا ؤ همه تأ موجواتأ شيش رۊز دۊرۊن چأکۊد. بزين کي زمينأ خلق بۊکۊد، زمين تاريک ؤ خالي بو ؤ هيچ چي اؤن دۊرۊن شکل نيگيفته بو . خۊدا روح آبأن سرأ بيگيفت.

بزین خۊدا بفرماست : «روشنائي ببه» ؤ روشنایی بۊبۊست. اؤن بيده رۊشنائي خؤبه ؤ اۊني نامأ" رۊز "بنأ. ؤ خودا تاريکي روشنائيأ جأ سیوا بۊکۊد ؤ تاريکيأ" شب" بنامست. هتو بو کي خودا نۊرأ اولی روز چأکۊد .

دومين رۊز خلقت،خۊدا بفرماست: « آسمان زمينِ جۊر آفريده ببه» ؤ بۊبۊست .خۊدا اونِ آسمان بنامست.

سومي رۊز خۊدا بفرماست : «آبأنا آسمان جیر همتا ایجا جمع به، تا خوشکی بوجودبایه . » اؤن خوشکيا« زمين» ؤ آبأنأ« دريا »بنامست. خۊدا چيزيأ کي خلق بۊکۊده بو بيده خوبه.

بزين خۊدا بفرماست : «همه جۊر گياه ؤ دار زمين سر بۊجؤر بأيه »ؤ بۊبۊست. خۊدا بيده اونچی کی خلق بوکودِ خؤبه.

آفرينش چهارمي رۊز دۊرۊن،خۊدابفرماست:«آسمان میانی روشنایی ببه. »هتوبوکی خودا خورشید ماه و ستارگان خلق بوکود تا زمينأ روشنائي ببخشه. بزین رۊز ،شب ، فصلأن ؤ سالأن جه هم سیوا ببوستید. . خۊدا چيزيأ کي چأکۊده بو فأندرست ؤ همه تأ خؤب بيد.

پنجمي رۊز ،خۊدا بفرماست : «همه جور آبزيأن دریا میان پور بید ؤ پرندأن آسمان میانی پرواز بوکونید».بزین اون همتا آبزیان و پرندان خلق بوکود. خۊدا بيده اونچی خلق بوکده، خبه ؤ اؤشأنأ برکت بدأ.

ششمي رۊز آفرينش دۊرۊن، خۊدا بفرماست: «زمين جا انواع جانورأن پورأ به» ؤ خأسته خۊدا انجام بۊبۊ. اوشان حيوانأن اهلي، خزنده، ؤ حشرات بیدی. خۊدا چيزيأ کي چأکۊده بو فأندرست ؤ خوشحالأ بوست.

بزين خۊدا بفرماست: «انسانأ خۊدم منستأن چاکؤنم تازیمین و تۊمام جانورانِ فرمانروائي بۊکۊنه. »

بزين خۊدا مردأ جه زمين^خاک بوجۊد بأورد ؤ حيات^روح اۊن دۊرن بدمست.ؤ اؤنأ آدم نام بنأ. خۊدا آدم رٔ ايتأ پیلِ باغ فراهم بۊکۊد تا اويأ زندگي بۊکۊنه ؤ اؤني جأ مراقبت بۊکۊنه.

خۊدا دؤنه مخصوص^دار باغ وسط بنأ، ايتأ حيات^دار ؤ اويتأ شناخت نيک ؤ بد^ دار. خۊدا آدمأ بفرماست: تو تأني جه همه يه باغ^داران^ميوه بوخوري اما جه شناخت نيک ؤ بد^دار. هر زمات اۊني جأ بوخوري ،ميري.

بزين خۊدا بفرماست: «خؤب نيه آدم تنها بمأنه. » چون حيوانأن نتأنيد آدم رٔ مناسب همدم بيبيد.

بزین خۊدا آدمأ ايتأ عميق^خواب مرأ بۊخۊسأنه.بازون أني ايتأ دنده يأ اۊسأد ؤ اۊني جأ، زنأ بیافرینه ؤ ببرد آدم ورجأ.

وقتي آدم اؤنأ بيده ،بۊگۊفت: « أن مرأ مأنه. پس اؤنأ زن بنامست، چؤن انسان جأ بيگيفته بۊبۊست . » هتۊيه کي مرد جه خو پئر و مار سوا به ؤ خود همسرأ پيوند خۊره، ؤ بزین اؤن اؤ دؤتأ ، ایتأ تن بيدي.

هتوئي خۊدا مرد ؤ زنأ خۊدش منستأن چأکۊد.بزين اۊشأنأ برکت بدأ ؤ بفرماست: «بارور بيبيد ، زأي باوريد ؤ زمينأ پؤرا کۊنيد. » ؤ خۊدا بيده کي خلقت همه تا خيلي خبه ؤ جه کاري کي انجام بدأ بؤ راضي بۊبۊست. أشأن همه ششمین رۊز میان ایتفاق دکفت.

هفتمي رۊز فأرسن ر خۊدا آفرينش کارأ تومام بوبوسته بو،خۊدا هفتمي رۊزأ برکت بدأ و اؤنأ مقدس اعلام بۊکۊد؛چؤن رۊزي بۊ کي خۊدا آفرينش کار تومأمِ بو ، بزین آرام بيگيفت.هتۊ بؤ کي دؤنيا ؤ همه چي اؤن دۊرۊن توسط خودا بیافریده بوبوست.