۱۰ - ده بلا

خۊدا مۊسا ؤ هارۊنأ ايشتاو بدأ کي فرعون سرسخت ايسه.مۊسا ؤ هارون فرعون ويرجأ بۊشۊئيد ؤ بۊگفتيد: «أن پيغامي ايسه کي اسرائيل^خۊدا ترأ فأدأ: مي قۊمأ آزادأ کۊن. » فرعون أۊشأن گب توجه أي نۊکۊد ؤ بجاي أن کي بني اسرائيلأ آزادأ کۊنه، زور مرأ أشأنه کارأ سخت ترأ کۊد.

فرعون جه قۊم بني اسرائيلأ آزادأ کۊدن امتناع بۊکۊد. هنی وأسي خۊدا ده تأ بلاي وحشتناک مصر سر نازل بۊکۊد. هۊ بلايأنه مرأ فرعونأ نيشان بدأ کي اونی قدرت جه فرعون ؤمصرخۊدايأن ويشتره.

خۊدا رود نيل^آبأ به خون تبديل بۊکۊد. اما فرعون اسرائيل^قۊمأ، آزادأ نۊکۊد.

خۊدا مصر همه جايأ گۊزگا مرأ پورأ کۊد. فرعون مۊسا جأ بخاست کي گۊزگانأ دورأ کۊنه .اما بعد گۊزگأنأن مردن فرعون^ديل سخت ترأ بۊ ؤ ایجازه ندأ اوشأن مصر جأ بیرون بشید.

پس خۊدا پشه يأن^بلايأ نازل بۊکۊدو بزين مگسأن بلايأ اۊسه کۊد. فرعون مۊسا ؤ هارون دۊخأد ؤ بۊگۊفت اگه هأ بلايأ دورأ کۊنيد، اۊشأنأ ايجازه دهم مصرأ ترکأ کۊنيد. مۊسا دۊعا بۊکۊد ،ؤ خۊدا هأ بلايأنأ دورأ کۊد، اما فرعون ديلأ سخت ترأ کۊد ؤ ايبار دِ اوشأنأ آزادي ايجازه يأ ندأ.

بزین ، خۊدا کاري بۊکۊد تا مصريأن همه تأ حيوانان مريضأ بيد ؤ بيميريد. اما فرعون^ديل سختأ بۊسته بۊ ؤ أي بارم شۊن ايجازه يأ اۊشأنأ ندأ.

خۊدا مۊسايأ بۊگۊفت تي مۊشتأ کۊره خاکستر مرأ پۊرأ کۊن ؤ فرعون جلو هؤا دۊرۊن بپأشأن.وختی مۊسا هأ کارأ بۊکۊد ، تۊمام مصر جه آدمأن بيگير تا حيوانأن دردناک دونبولأ دؤچارأ بۊبۊستيد. اما اسرائيليأنه رِ تأثيري نأشتي. خۊدا فرعون^ديلأ سختأ کۊد ؤ فرعون ايجازه ندأ کي اۊشأن بيشيد.

بزین خۊدا تنگر بلايأ اۊسه کۊد ويشتر اشأنه محصولان ؤ هرتأ جانداري کي بيرون ايسأ بۊيأ بۊکۊشت .بزين فرعون، مۊسا ؤ هارونأ دۊخاد ؤ بۊگۊفت: « من مي گۊناه اعتراف کۊنم، هسأ تأنيد بيشيد.» بزين مۊسا دوعا بۊکۊد ؤ تنگر وارش متوقف بۊبۊ.

اما فرعون بازم گۊناه بۊکۊد ؤ خۊ ديلأ سختأ کۊد ؤ ايجازه ندأ اسرائيليأن آزادأ بيد.

هني وأسي خۊدا ايتأ عالمه ملخأ مصر شهر اۊسه کۊد. اۊشأن تۊمام گياهأن ؤ ميوهیانی کي تنگر^بلا جأ بمأنسته بۊ، بۊخۊرديد.

بزين خۊدا تاريکي بلايأ اۊسه کۊد ؤ سه رۊز همه جايأ تاريکي مطلق بيگيفته بۊ. همه جا هأتۊ تاريکأ بۊسته بۊ کي هيتا مصري نتأنستي خانه جه بيرون بأيه. اما جائي کي اسرائيليأن زندگي کۊديد روشنائي بۊ.

حتا با وجۊد هأ نه تأ بلا ،بازم فرعون اسرائيليأنأ ايجازه شۊن ندأ. جه هۊيأ کي فرعون گۊش ايشتأوستن نأشتي، خۊدا آخري بلايم اۊسه کۊد. ؤ هأ بلا باعث بۊبۊ فرعون خۊ تصميمأ عوضأ کۊنه.