۹-خۊدا مۊسا يأ دۊخانه

بعد أنکي يوسف بمرد تۊمام أني بستگان مصر دۊرۊن بئسأئيد. اۊشأن ؤ اشأن نتاج سالان سال هۊيأ زندگي بۊکۊديد ؤ زأکأن زيادي بأورديد. مصریان اۊشأنأ اسرائيلي دۊخأديد.

بعد صدها سال ،اسرائيليأن زيادأ بۊستیدی. مصريأن دٔ يوسف ؤ أني کومکأنأ خاطر نأورديد. اۊشأن اسرائيليأن جأ هراسانأ بۊستيد چون اشأن تعداد زيادأ بۊسته بۊ. بزین هۊ زمات فرعوني کي مصر دۊرۊن حکومتأ دۊبۊ، اسرائيليأنأ مصريأن برده چأکۊد.

مصريأن ،اسرائيليأنأ مجبور بۊکۊديد کي بنايأن ؤ شهرأنأ چأکۊنيد. سخت^کار ،اۊشأن زندگيأ تلخأ کۊده بۊ ،اما خۊدا اۊشأنأ برکت بدأ ؤ زأکأنه بيشتري بأورديد.

فرعون بيده کي اسرائيليأن زيادي زأي أوريد ،خۊ قۊمأ دستور بدأ اۊشأن پسر زأکأنأ رود نيل دۊرۊن تأودیدی و بۊکۊشيد.

ايتأ اسرائيلي زناي پسر بزأ. اؤن ؤ أني مرد تا وقتي کي تأنستيد، زأکأ جأ بداییدی

وقتي نوزاد پئر و مار، دٔ نتأنستيد اۊنأ قائمأ کۊنيد،اۊنأ ايتأ سبد دۊرۊن رود نيل^نيزار کنار بنأئيد تا کشته بۊستن جأ نیجات بيأفه. اۊني خاخۊر تماشا کۊدي تا بيدينه اۊنه ره چي اتفاق دکفه.

فرعون^دختر سبدأ بيده ؤ اۊني دۊرۊنأ فأندرست. وقتي زأکأ بيده ،اۊنأ به جاي خۊ پسر قبۊل بۊکۊد. ايتأ اسرائيلي زنأکأ اجير بۊکۊد تا اۊنأ شير بده. بدونه أن کي بفهمه هۊ زن زأکه مار ايسه. وقتي زأي هن قدر پيلأ بۊسته بۊ کي دٔ شير جا جیگفته بوست اۊني مار اۊنأ فرعون دخترأ وأگردانه ؤ اۊني نامأ مۊسا بنأ.

وقتي مۊسا پيلأ بۊسته بۊ ،ايتأ رۊز ايتأ مصريأ بيده کي اسرائيلي برده يأ زئندره. مۊسا سعي بۊکۊد خۊ اسرائيلي برارأ نیجات بده.

مۊسا فکر بۊکۊد کي هيکس اۊنأ نيدينه، هۊ مصري مردأکأ بۊکۊشت ؤ اؤني جسدأ قأیمأ کۊده. اما اينفر بيده مۊسا چي بۊکۊده.

فرعون کي بيشتأوست مۊسا چي بۊکۊده سعي بۊکۊد مۊسايأ بۊکۊشه. مۊسا جه مصر به بیابان بؤگۊروخت و فرعون^سربازان نتانستید اون اویه بیافید.

مۊسا ايتأ بیابان میان بدورجه مصر مشغول چوپاني بۊ. هۊيأ عروسي بۊکۊد ؤ صاحب دونه پسر بوبوست.

ايتأ رۊز وقتي مۊسا خۊزن پئر گله يأ پاستندۊبۊ بيده، ايتأ بوته ألاو دأره ولي نۊسۊزه. بزین نزديکأ بۊست کی علتشأ بفهمه. مۊسا کي ألاو بيگيفته^بوته يأ نزديکأ بۊست، خۊدا صدا جه بۊته ميأن ندا بدأ: « تي کفشأنأ بکن، چون ايتأ مقدس^مکان دۊرۊن ايسأئي. »

بزین خۊدا بفرماست: « من مي بندگان رنج ؤ مصيبتأ مصر دۊرۊن بيدئم. من ترأ فرعون ور اۊسه کۊنم تا مي قۊمأ مصر جأ بيرون بأوري. من کنعان شهرأ، اۊشأنأ فأدم سرزميني کي اۊني وعده يأ ایبرايم ۊ ایسحاق ۊ يعقوب بدأ بۊم. »

مۊسا بۊگۊفت: اگه اسرائيل^قۊم بخأيد بدأنيد کي مرأ اۊسه کۊده، اشأنأ چي وا بگم؟ خۊدا بفرماست: «ائيسم اۊنکي ائيسم. اۊشأنأ بۊگۊ "ائیسم" مرأ شيمي ور اۊسه کۊده. أنم اۊشأنأ بۊگۊ کي من يهؤوه اۊشأن پئر ایبرايم ایسحاق ؤ يعقوب^خۊدا ايسم. أن مي جاودانه نامِ. »

مۊسا نخأستي فرعون ورجا بشه، چون ترسئه ائي نتأنه خؤب گب بزنه، پس خۊدا مۊسا برأر ،هارونأ اۊسه کۊد تا اۊنأ ياري بۊکۊنه.