۸-خۊدا يۊسف ؤ أني خانواده يأ نیجات دئهه

بعد دراز^سالان، وختي کي يعقوب پيرأ بۊسته بۊ،خۊ نازبداشته پسرا يعني يۊسفأ اۊسه کۊد تا خۊ برارأن کي دامداريأ ديبيد سر بزنه.

يوسف^برارأن کي اؤني جأ اشأنأ بد أمؤئي،چون أشأن پئر يوسفأ بيشتر دوست دأشتي ؤ ايتأ ديگه دليل هن بۊ کي يوسف خۊأب بيده بۊ کي أني برارأن أنأ تعظيم کۊنيدي.بزین وختي يوسف خۊ برارأن ويرجأ بۊشۊ، اۊشأن اۊنأ بودوزأنئيد ؤ اونأ برده فرۊشأنأ بۊفروختيد.

قبل أنکي يوسف^برارأن بخانه فأرسيد، اۊشأن يۊسف ردايأ پارأ کۊديد ؤ بؤز^خونأ اۊنأ وأسئيد. بزين هۊ ردايأ يعقوبأ نيشان بدأئيد تا فکر بۊکۊنه ايتأ وحشي حيوان يوسفأ بدرسته ؤ بۊکۊشته، يعقوب خيلي نارحتأ بۊ.

برده فرۊشأن، يۊسفأ خۊشأن مرأ ببرديد مصر. مصر ايتأ پيله شهر ؤ قوي رود^نيل کنار بۊ. اۊشأن يوسفأ به ايتأ دولتي مردأک^ثروتمند بفرۊختيد. يۊسف به خۊبي اۊن ره خدمت بۊکۊد ؤ خۊداهم اۊنأ برکت دأئي.

هۊ دولتي مرداک^زن سعي کۊدي يوسف مرأ بۊخۊسه، اما يوسف قبول نۊکۊدي کي به هأ گۊناه آلوده ببه. هۊ زناي عصباني بۊبۊ ؤ افترا زئن مرأ يوسفأ زندان اۊسه کۊد. حتي زندان دۊرۊن هم يوسف خۊ ايمان سر وفادار بئسأ ؤ خۊدا اؤنأ برکت بدأ.

بعد دۊ سال، يوسف با وجۊد بيگۊناهي هنو زندان دۊبۊ، ايتأ شب فرعون(مصريان پادشاه لقب)دؤتأ رؤيا خواب ميان بيده کي أنأ خيلي پريشانأ کۊد ؤ أني هيتأ مشاورانم نتأنستيد اۊنأ تعبير بۊکۊنيد.

خۊدا هأ توانائيأ يوسفأ فأدأ بۊکي بتأنه خۊابأنأ تعبير بۊکۊنه، پس يوسفأ از زندان بأورديدي فرعون ويرجأ تا أني خۊابأ تعبير بۊکۊنه. يوسف بۊگۊفت: « خۊدا خأيه هفت سال محصول زيادي فأده، اؤني دونبال سر هفت سال قحطي به. »

فرعون تحت تأثير يوسف^شخصيت قرار بيگيفته بۊ ؤ اؤنأ دومی شخص^قدرتمند جايگاه سرتاسر مصر دۊرۊن قرار بدأ.

يوسف مردۊمأ بۊگۊفت سالهاي پر بار دۊرۊن ،محصولانأ غذائيأنأ انبار بۊکۊنيد. بزين وقتي کي هفت سال قحطي شروع به، يوسف هۊ محصولانأ مردۊمأ بفرۊخت ؤ اۊشأن غذا به اندازه کافي دأشتيد.

قحطي^سال ؤ خشکي تنها مصر دۊرۊن نۊبۊ. تۊمام کنعان شهر ؤ يعقوب خانواده جا جيگا هم بۊ.

بزین يعقوب خۊ پيله پسرانأ اۊسه کۊد مصر تا غذا تهيه بۊکۊنيد. وقتي اؤشأن يوسف جلۊ بئسائيدتا غذابهینید، اؤنأ نشنأختيد اما يوسف اؤشأنأ بشنأخت.

بعد انکی یوسف خو براران^ آزمايش بوکوده. اشأنأ بۊگۊفت: «من شيمي برأر يوسفم، نوأ ترسئنيد.شوما مره بدي بۊکۊديد، اما خۊدا شيمي بديأ به خۊبي تبديل بۊکۊد. ؤ بأئيد مصر زندگي بۊکۊنيد ؤ من تأنم أيأ همه چي شمره و شمی خانواده رع فراهم بۊکۊنم. »

وقتي يوسف^برأرأن بخانه وأگردستيدي، ؤ ماجرايأ خۊشأن پئر يعقوب رٔ واگویابکودید، اؤن خيلي خۊشحالأ بوبوست.

اگه چی يعقوب پيرأ بۊسته بۊ ،ولي خۊ خانواده مرأ کوچ بۊکۊد ،مصر ؤ اۊشأن ايجأئي اۊيأ زندگي بۊکۊديد. قبل أنکي يعقوب بيميره ،خۊ همه پسرانأ برکت بدأ.

عهد ؤ پيماني کي خوداؤند ایبرايمأ فأدأ بۊ،ایسحاقأ فأرسه، بزين هۊ أيمان به يعقوب ؤبزین به يعقوب^دوازده تأ پسر ؤ اۊشأنِ خانواده فأرسه. ؤ جه اۊشأنِ نسل دوازده تأپسر،دوازده تا بني اسرائيل قۊم بوجۊد بأمۊ.