۷-خۊدا يعقوبأ برکت دئهه

هۊ دوتأ پسر پيلأ بۊستيد. يعقوب مگو بۊ ؤ چادر نشين اما عيسو ماهر^مالا بۊ بيابان بگردسته. ربکا يعقوبأ دوست دأشتي ؤ عيسو ایسحاق رٔ محبوب بۊ.

ايتأ رۊز وقتي عيسو شکار جأ وأگردست خيلي انأ ويشتأ بۊ. عيسو يعقوبأ بۊگۊفت: «لطف بۊکۊن ايپچه تي غذايأ که چأکۊدي مرأ فادن. »يعقوب جواب بدأ : «بشرطي کي اۊن عوض تي اول بزاستگي^حقأ مرأ فادی ومیشین ببه»بزین عيسو خۊ اول بزاستگي^حقأ يعقوبأ فاده و اون ببخشه. يعقوب هم عيسويأ ايپچه غذا فأدأ.

وختی ایسحاق خۊاستي خۊ برکتا عيسويأ فأده، اما قبل أنکي هأ کارأ بۊکۊنه ربکا ؤ يعقوب أنأ فريب بدأئيدي ؤ ربکا يعقوبأ عيسو جا سر ایساق^اۊتاق اۊسه کۊد. ایسحاق پيرأ بۊسته بۊ ؤ خب نتأنستي بيدينه. يعقوب عيسو بهترين رختأنأ دۊکۊد ؤ خۊ گردن ؤ بالانأ بؤز پوست مرأ بپوشأنه.

يعقوب خۊ پئر ويرجأ بأمۊ ؤ بۊگۊفت: « من عيسو ايسم ؤ بأمۊم تا مرأ برکت بدي.» يعقوب بؤز مويأ دسأزه ؤ رختأ بۊ بکشه ؤ خيال بۊکۊد کي عيسو أني ور بأمۊيأ ؤ اۊنأ برکت بدأ.

عيسو يعقوب جأ نفرت دأشتي، چون اۊن اول بزاستگي^حقأ ؤ أني برکتأ بدوزأنه بۊ. هني وأسي نقشه بکشه کي ایسحاق مردن پسي يعقوبأ بۊکۊشه.

اما ربکا هأ موضوعأ بفهأمست.اون ؤ ایسحاق، يعقوبأ دۊر جيگا خۊ فاميلان ويرجأ اۊسه کۊنه.

يعقوب سالان سال اۊيا ربکا فاميلأن ورجأ زندگي بۊکۊد. هۊ دوران ،اون عروسي بۊکۊد ؤ دوازده تأ پسر ؤ ايتأ دخترأ صاحب بۊبۊست. خۊدا يعقوبأ خيلي ثروتمند چأکۊد.

بعد بيست سال خانه جا دورأ بوستن کنعان شهر، يعقوب خۊ خانواده ،ؤ غلامأن ؤ تۊمام خۊ دام مرا به اۊيأ وأگردست.

با این حال يعقوب هراسان بۊ، چونکی فکر کۊدي کي عيسو هنو خيال دأره اۊنأ بۊکۊشه.پس ايتأ عالمه جه خۊ گله حيوانأنأ عيسو رٔ تحفه اۊسه کۊده. غلامي کي دامأنأ عيسو رٔ ببرده بۊ ،اؤنأ بۊگۊفت: «هأ دامأنأ تي غلام يعقوب تقديم بۊکۊده. اؤن بزودي أيه».

اما عيسو دع قصد اذیت کودن يعقوبأ ناشتی وجه اون دیدن خوشحال بو ؤ اۊشأن خۊشي مرأ همديگرأ بپيوستيد. يعقوب صلح ؤ صفا مرأ کنعان دۊرۊن زندگي کۊدي. بزين ایسحاق بمرد ؤ يعقوب ؤ عيسو اۊنأ خاکأ کۊديد. پيماني کي خۊدا ایبرايم مرأ دوسته بۊ، ایساقأ منتقلأ بۊبۊسته بۊ، يعقوبأ فأرسه.