۶-خۊدا ایساق رٔمهيا کۊنه

وقتي کي ایبرايم پيرأ بوسته ؤ ایساق جوانأ بۊسته بۊ، ایبرايم ايتأ جه خۊ خادمأن اوسیه کوده خو زادگاه فک و فامیل ورجه تا ایسحاق رٔ جه اۊيا ايتأ زن بأور.

بعده ايتأ طول ؤ درازه سفر ایبرايم فاميلأن شهر، خۊدا هۊ خادمأ ايتأ دختر کی اونی نام ربکا بو هدايت بۊکۊد. اؤن ایبرايم^ برار^نوه بۊ.

ربکا موافقت بۊکۊد کي خو خانواده يأ ترکا کۊنه ؤ هۊ خادم مرأ ایسحاق خانه بشه. وختي اۊن هاطو کی فأرسه ، ایسحاق اؤني مرأ عروسي بۊکۊد.

بعد مدت طۊلاني، ایبرايم بمرد ؤ تۊمام پيماني کي خۊدا اؤن مرأ دوسته بۊ، ایسحاقأ فأرسه. ایتا خۊدا وعدان انبۊ کي ایبرايم،نتاج بيشماري بدأره اما ایسحاق زن نتأنستي زأي بأوره.

ایسحاق ربکا رٔ دۊعا بۊکۊد ؤ خۊدا اؤشأنأ دوقلو فأدأ. هؤ دۊنه زأي هنو بدۊنيا نأمۊبید، ربکا^رحم دۊرۊن ،همديگر مرأ جنگأ ديبيد ؤ هن وأسي ،ربکا خۊدايأ واوۊرسه چي اتفاق دکفتأندره.

خۊدا ربکايأ بۊگۊفت ،«تو دونه پسربدونیا آوری.جه او دؤنه پسر دونه قوم متفاوت بوجود آیه . اؤشأن هميشه کس کس مرأ جينگيرؤمينگير دأريد، ولی کوجی پسرقوم،پیله برارأ جه ایطاعت کۊنه. »

وقتي ربکا پسرأن بدۊنيا بأمۊئيد، اولي پسر سورخ بررو بو ؤ أني جان پر مۊ بۊ ، اۊنأ عيسو نام بنأئيد. بزين دومي پسر بيرون بأمو ؤ عيسو پا بوزأ خۊ دس دأشتي اونأ يعقوب نام بنأئيد.